□ Suh sanhbiz

□ 苏三皮

Rumz cihuhu, gwnz mbwn doek siet, gyang gai mbouj miz maz vunz lo, miz boux gaujvaq laux he gutgungq youq gungx gai, aenmauh vaihved de cungj dwg siet, miz di lumj dujva sigloux.

Haemhndaep lo, ndaw gai gizgiz cungj dwg gij feih gvaq cieng.

Nyaengq sat gij hong ceiq doeklaeng, de gipgip muengzmuengz bae hojcehcan. Haxbaenh ngamq dwk dienhvah hawj daxmeh, bineix itdingh ma ranz gvaq cieng. Dienhvah mbiengj haenx daxmeh riu lo, lumjbaenz gig simhai, lumj lwgnyez ndaej gwn diengz nei.

Cingq youq de iet fwngz haeuj ndaw cueng gai biuq bae mwhhaenx, gaiq fwngz uq miz heiq haeu giyouz he hix iet haeuj ndaw cueng gai biuq bae. De ngiengx gyaeuj, yawjraen aennaj yawj hwnjbae haemq geqgoem he, lingxbuh hai dwk, nem miz di siet, gwnz mbaq raek daeh hung daeh iq, hawj de yienhndaej gig daemq iq, hawj vunz roxnyinh daengz de ginglig gvaq haujlai sinhoj. Baez yawj de couh rox de dwg boux nungzminzgungh he, aen singz neix miz haujlau vunz yienghneix. De mbouj youz mwngz dwk doiq laeng yamq he. Seizhaenx, bouxgaibiuq naeuz, ngamq miz mbaw biuq he lo, sou bouxlawz cawx?

Song boux de doengzseiz youh iet fwngz haeuj ndaw cueng bae.

Bouxgaibiuq danq gaemz heiq he, cij miz mbaw biuq dog lo, sou youh doengzseiz daengz, gou gig veiznanz, mboujmiz yienghneix ba, sou gangj gij leixyouz baema hawj gou dingq, yawj gij leix byawz gamjdoengh gou, mbaw biuq neix couh gai hawj byawz.

Gou ganjgip naeuz, gai biuq hawj gou, gou ok song boix gyaqcienz hawj mwngz! Gangj le gou couh mbon ok sam bak maenz ngaenz gven youq gwnz daiz gai biuq.

Bouxgaibiuq gig yenzsuz yawj gou mbat he, naeuz miz cienz liux mbouj hwnj ha? Gangj le bak youh unq lo, gangj gij leixyouz ma ranz ba, gojgaeq hix ndaej, danghnaeuz sawj gou gamjdoengh, mbaw biuq neix couh hawj mwngz.

Seizhaenx, nungzminzgungh bekbek aen- cueng doiq bouxgaibiuq naeuz, dungzci, ciq dienhvah mwngz hawj gou dwk mbat ndeu ndaej lwi? De gig daihfueng dawz ok soujgih naeuz, mwngz dwk ba. Nungzminzgungh ciep gvaq soujgih, ndaw da cungj dwg docih. Nungzminzgungh itmienh bued dienhvah itmienh gag gangj gag naeuz, bineix aiq youh mbouj ndaej ma ranz gvaq cieng lo, aen daehsaw neix lwgnyez youq ranz gaenj dwk caj yungh ne. Aensim de sawqmwh lumj mid gvej nei in.

De sawqmwh sim’unq lo, de bekdek bakcueng doiq bouxgaibiuq naeuz, gai biuq hawj de ba, gou mbouj ma ranz lo. Bouxgaibiuq ngeizvaeg dwk yawj de, gwnz naj miz di saetmuengh. Seizhaenx, nungzminzgungh dwk sat dienhvah, dawz dienhvah boiz hawj de. De sikhaek dwk dienhvah ma ranz, doiq daxmeh naeuz, meh, gou mbouj ma ranz lo, ganj mbouj hwnj ci. Daxmeh siengj gangj gijmaz, de vaiqdangq naenx dienhvah bae.

Lwgda bouxgaibiuq bienq ndaej unqswnh lo, bouxgaibiuq doiq songde naeuz, cungj haeujma naenghnaengh ba, gizsaed lij miz song mbaw biuq, haxbaenh gou cij siengj sawqdamq sou vihmaz yaek ma ranz, aiq dwg dingq gij leixyouz sou le gou ndei souh di, de dingz mbat ndeu, youh gangj, couh youq sou daeuj gaxgonq, daeglwg gou dwk dienhvah hawj gou, naeuz de yaek buenx dahyoux de, mbouj ma ranz gvaq cieng lo, gou ndawsim gig nanzsouh, gou ngamq miz daeg lwg dog, boh de gvaqseiq le, cungj dwg gou bouxdog gag gvaq cieng, ndwencieng gvaq ndaej mbouj miz saekdi eiqsei. Gangj le, bouxgaibiuq uet mbat raemxda he.

Aenndaeng de baez soemj, lumj miz raemxda lae okdaeuj. Nungzminzgungh mbouj swhyienz dwk nu song gaiq fwngz de, hix mbouj rox gangj gijmaz ndei.

Bouxgaibiuq hai dou byaij okdaeuj, cungj haeujbae naenghnaengh ba, fanjcingq ci caengz daeuj, haeujbae raeuz gangjgangj goj.

Byaij haeuj ndaw ranzgaibiuq, song boux de roxnyinh raeujrub haujlai. Bouxgaibiuq heuh song boux de naengh roengz, raix song boi raemxndat hawj gyoengqde, yienzhaeuh naeuz, gou lij siengj dingq gij leixyouz sou ma ranz bw.

Nungzminzgungh gangj gonq: Gou haj bi mbouj ma ranz lo, mwhhaenx lwgnyez ngamq rim ndwen, ndangdaej lij nyieg, meh de youh mbouj miz cij, mbouj miz cienz cawx naijfaenj, yienghneix gou couh okdaeuj dajgoeng lo. Binaengz gou cungj siengj ma ranz buenx song mehlwg de, hoeng youh sim’in bak lai maenz biuqci, yienghneix couh ngaizrag gvaq haj bi lo. Bineix daxmeh de naeuz, lwgnyez yaek bae hag lo, heuh gou cawx aen daehsaw he ma, gou yousim lwgnyez nyinh mbouj ndaej gou. Lij ndei, ngoenzneix bungz daengz vunzndei, gou ndaej ma ranz lo.

De ngiengx gyaeuj hwnjdaeuj, yawjraen bouxgaibiuq cingq uet raemxda. Bouxgaibiuq doiq de ngaekngaek gyaeuj, eiqsei dwg naeuz daengz de gangj lo. De dingz yaep ndeu, couh gangj lo: Gizsaed gou bi’gvaq couh dapwngq daxmeh yaek ma ranz gvaq cieng, dingjlingz miz boux doengzsaeh he bingh lo, gou soengq de bae yihyen, daj yihyen ganj daengz cicamh, ci gaenq hai lo. Doeklaeng gou caeuq daxmeh naeuz, mboujlwnh baenzlawz bineix hix yaek ma ranz caeuq de gvaq cieng.

Bouxgaibiuq gig gamjdoengh yawj dwk de, hoeng haxbaenz mwngz vihmaz youh naeuz nyiengh biuq hawj de ne?

De gwn gaemz raemx he, gou nyinhnaeuz de beij gou engq sihyau mbaw biuq neix, de naeuz gijmaz “aen daehsaw neix lwgnyez youq ranz gaenj dwk caj yungh ne”, gou siengj, neix suenq dwg de dapwngq gvaq lwgnyez ba.

Bouxgaibiuq lumjbaenz mbouj saenq nei cam de, couh yienghneix genjdanh?

De youh gwn gaemz raemx he, menhmenh naeuz, gou ndaej roek bi bihaenx, boh gou dapwngq gou cawx aen daehsaw he dangq laex bi moq hawj gou, mwh ma ranz, youq gwnz loh daxboh deng ci bungq, mwh gou ganj daengz yihyen, daxboh dawz daehsaw ndenq hawj gou naeuz, lwg ha, mwngz yawj, aen daehsaw neix dwg gou cawx hawj mwngz……daxboh lumjbaenz lij siengj gangj gijmaz dem, hoeng gaenq gangj mbouj ok lo. Gangj sat de gaenq daejswdswd.

Gyoengqde cungj gig siengsim, mbouj rox gangj gijmaz ndei. Seizhaenx, miz vunz bek doucueng. Mwh de caeuq boux nungzminzgungh ngiengx gyaeuj hwnjdaeuj, bouxgaibiuq gaenq roemx okbae got dawz bouxcoz youq rog cueng haenx. Songde rox, dwg daeglwg bouxgaibiuq ma ranz gvaq cieng lo.

Couh youq mwhhaenx, sing vuvu hojceh yiengj lo. Song boux de ndwn hwnjdaeuj, caeuq bouxgaibiuq doxbiek le, byaijonj bae coh hojceh. Youq gwnz hojceh, de mbouj dingz siengj, daeglwg bouxgaibiuq youh baenzlawz ma ranz lone? Mbouj dwg naeuz mbouj ma ha?

风很紧，夹杂着雪花，街上的行人已经很少，一个乞讨的老人蜷缩在街角，破旧的帽子上盛满了雪花，有些像一朵石榴花。

除夕了，街道上到处弥漫着年的气味。

忙完最后一宗业务，他急急地朝火车站走去。刚给母亲打过电话，今年一定会回家过年。握着电话的母亲笑开了，仿佛很开心，像一个孩子。

在他的手伸向售票窗口时，几乎同时，一只遢邋带着汽油味的手也伸向了窗口。他抬起头，看见一张苍老的脸，领口微开，沾着绒绒的雪花，肩上背负着大包小包，让他看起来很矮小，给人仿佛经历了不少风霜的感觉。他一眼就能辨认出这是一位民工，这所城市有很多这样的人。他下意识地后退了一步。这时，售票员说，最后一张票了，你们谁要？

又几乎同时，他们的手伸向了窗口。

售票员叹了一口气，最后一张票了，你们又是同时到的，我很为难，不如这样吧，你们给我讲一个回家的理由吧，谁的理由能打动我，这张票就归谁啦。

他急急地说，把票给我，我出两倍的价钱！说完，他掏出三张百元大钞丢到了柜台上。

售票员严肃地瞟了他一眼，有钱了不起啊？说着，口气就又软了下来，讲一个回家的理由吧，故事也好，能够打动我的话，这票就归你啊。

这时，民工拍拍窗口对售票员说，同志，能借我打一个电话吗？他很大方地掏出手机说，你打吧。民工接过手机，眼里写满了感激。民工一边拨着号码一边自言自语说，这年估计又是不能回家过了，这书包孩子等得急了呢。他的心突然像被刀子剜了一下一样痛。

他突然心软了，他拍拍窗口对售票员说，还是把票给他吧，我不回去了。售票员狐疑地望着他，脸上掠过一丝失落。这时，民工打完电话了，将电话还给了他。他当即拨了电话回家，对母亲说，妈，我不回去了，赶不上车。母亲想说什么，他一下就将电话挂了。

售票员的眼光柔和起来，对他们说，都进来坐坐吧，其实还有两张票，刚才我只是想试探一下你们为什么要回家，也许听了你们的理由我会好受一些呢，她顿了顿，就在你们来之前，我唯一的儿子给我打了电话，说要陪女朋友不回来过年了，我心里很难受，他爸去世后，我都是一个人过年，年过得没滋没味。说着，售票员揩了一下眼泪。

他心头一酸，仿佛有泪流了出来。民工不自然地搓着手，也不知道该说些什么好。

售票员打开门走了出来，都进去坐坐吧，反正车还没来，我们就当是聊聊天啦。

走进售票室，他们顿觉暖和了许多。售票员让他们坐下，给他们各自倒了一杯热水，然后说，不过我还是很想听听你们回家的理由。

民工先说了：我五年没回家了，那时孩子刚满月，身子薄弱，他娘又没奶，没钱买奶粉，于是就出来打工了。每年都想回去陪他们母子俩，可是又心疼那一百多块的车费，就这样拖了五年。今年孩子他娘说，孩子该上学了，要我捎一个书包回去，我担心这孩子认不得我这个爸了。还好啊，今天遇上了贵人，我可以回家啦。

他抬起头，看见售票员正揩着眼泪。售票员对他点点头，示意该他说了。他顿了顿，就说开了：其实我去年就答应了母亲说要回家过年，刚好有一个工友病倒了，我送他去医院，从医院回来赶到车站，车已经开走了。后来，我跟母亲说，无论如何今年也要回家跟她一起过年呢。

售票员很感动地望着他，可是刚才你又要把票让给他？

他呷了一口水，我觉得他比我更需要这张票，他自己说了什么“这书包孩子等得急了呢”，我想，这算是他对他孩子的承诺吧。

售票员似乎不相信地问，就这么简单？

他又呷了一口水，缓缓地说，六岁那年，我爸承诺给我买一个书包当新年礼物，回来的路上，他遭遇了车祸，当我赶到医院的时候，他将书包递给了我说，哟，儿子，你看，这是我买给你的书包……他似乎还想说什么，可是上帝没有给他机会。说完，他已经泣不成声。

他们都很感伤，不知该说什么好。这时，有人拍了拍窗口。在他和民工抬起头的瞬间，售票员已经冲出去拥抱着窗外的年轻人了。他们知道，那是售票员的儿子回家过年了。

几乎同时，火车的汽笛悠扬地响了起来。他们站了起来，和售票员简单道别后，稳步地朝站台走去。在车上，他不停地想着，她的儿子怎么又回来了呢?不是说不回来了吗？