Ndwencieng geizgan, Lungzswng Gak Cuz Swciyen aeu lai hangh sosih, sawj ginzcung saujsu minzcuz dangdieg ndaej gvaq cieng angqyangz. It dwg yaenqfat《Aen Gunghcoz Yian Gvendaengz Lungz- swng Gak Cuz Swciyen Wngqdoiq Mbwn Nit、Nae Giet Daengj Caihaih Bauj Roen Doeng Ndei Nem Gyauhdungh Ancienz》. Ngeih dwg nyinhcaen guh ndei hong hawj ginzcung saujsu minzcuz gungzhoj ancienz gvaq seizdoeng. Ndwencieng gaxgonq, aen yienh neix minzcwng bumwnz gaenq fat 1795 fan denz、2001 geu buhmienz、1972 geu buhveiswngh、4058 gouh haiz、78000 gaen haeuxsan hawj ginzcung saujsu minzcuz gungzhoj. Sam dwg comz rengz gaihcanj“cawz feiz yiemj、bauj bingzonj”seizdoeng seizcin cienhangh hengzdoengh. Seiq dwg ndwencieng geizgan guh ndei hong bauj dieg saujsu minzcuz gijgwn ancienz. Gyagiengz caz gizdieg cungdenj、binjcungj cungdenj、giyez cungdenj, roengzrengz guh ndei hong fuengzre dieg saujsu minzcuz gijgwn ancienz.

(Siz Lingzgvangj Ciengj Bauj- cwngz Cungh Bingjyi)