□ 关仕京 搜集翻译

(接上期)

Sai: Daengj gou naeuz mwngz nyi，

Caensim cix saedvah;

Gou iq cix guh gyax,

Haengj haq daeuj cix aeu.

男：等我告诉你， 讲真心话语；

我从小孤儿， 肯嫁我就娶。

Mbwk: De hong caen mbouj baenz，

Gangj daengz dwg saedvah；

Ma buenqgyang mbouj ngah，

Ndaqndaq caiq boenq deuz.

女：她不会干活， 实话跟你说；

怕半途不爱， 谩骂又“退货”。

Sai: Aeu miz vunz ndaej daeuj，

Bouxboux gou cungj haengj；

Guhhong mbouj daih baenz，

Gou ma daengz menh son.

男：只要人嫁到， 哪个我都要；

不太会干活， 娶回再引导。

Mbwk: Hongreih dem hongnaz，

Gauq vunzbaz daih’it；

Gaiqgaiq mbouj lauzlig，

Lau mwngz vit saek ngoenz.

女：田地里农活， 妇女是主打；

样样不在行， 怕哪天弃她。

Sai:Mwngz bae cam de gaeuj，

Gou baenzbaenz doengzeiq；

Guh moiz ndaej baenz ndei，

Gou geiq maenh aencingz.

男：你探她心底， 我肯定同意；

介绍能成功， 大恩我牢记。

Mbwk:Danghnaeuz caen haengj aeu，

Daengj gou cam dahsau；

Daeg vunz mwngz baenzmbauq,

Mbouj baenzsau mbouj ngah.

女：如果真想娶， 我帮问姑娘；

你相貌英俊， 尽想要漂亮。

Sai: Gaej doenq sam dauq seiq，

Vaiq bae cam yawj gaeuj;

Mbouj baenzsau cungj aeu，

Caenh miz boux cix suenq.

男：别颠三倒四， 快去帮探听；

不靓丽也要， 人嫁就答应。

Mbwk: Ciuq yienghneix daeuj naemj，

Gangj caen rox gangj gyaj;

Ma mbouj baenz liux ga，

Mwngz gaej ndaq gou aeu.

女：照这样来看， 讲假或讲真；

娶回又分手， 对我别怨恨。

Sai: Roxnaeuz lau caujfanz，

Mbouj bae cam dem laeu (lo)；

Caen cojgvaq baengzyoux，

Faenh mwngz daeuj caemh goj.

男：抑或怕麻烦， 不想帮打探；

若可怜朋友， 你来我也干。

Mbwk: Caen dwg bang nuengxheiz，

Mwngz fan ngeix daengz gou；

Yienghceij caiq mbouj gyaeu，

Mwngz aeu gou vaih ciuh.

女：真是帮小妹， 你却想到我；

样子又不好， 娶我划不过。

Sai: Raen bouxvunz mwngz gyaeu，

Seiq gaeuj (yawj) seiq hab da；

Ndaej aeu mwngz guh yah，

Angq dangq a ndaej goep.

男： 看你很秀气， 越看越欢喜；

能娶你回家， 乐似鸦得鱼。

Mbwk: Gaej guh yienghneix siengj，

Gou liengh mbaej lumj lwnz；

Beix caeuq nuengx gietvaen，

Vaih seiqvunz mwngz nw.

女：别这样思考， 我不如你好；

哥和妹结亲， 你一生糟糕。

Sai: Dingq coenz vah baengzcingz，

Gou aensim caemh siengj；

Nuengx miz ngamq doiqsiengq，

Beix muengh dawz gvaq henz.

男：听朋友一言， 我沉思心间；

妹若有对象， 哥盼放一边。

Mbwk: Lau beix miz lingh dah，

Nuengx miz maz doiqsiengq；

Danghnaeuz sim mwngz siengj，

Raeuz song mbiengj caez damz.

女：恐哥有姑娘， 我哪有对象；

倘若你有心， 咱俩就相商。

Sai: Yawj baenzsau caiq gyaeu，

Daeuj laeng gou guh yah；

Lau bet sien roxnaj，

Cij ndaej aeu dah mwngz.

男： 你漂亮伶俐， 嫁给我为妻；

恐认识八仙， 才能娶到你。

Mbwk: Naj beix ndei hoengzdauz，

Noh hau lumj saceij；

Dah lawz miz fukheiq，

Cij ndaej bae laeng mwngz.

女：哥面色红润， 肤似纸白皙；

姑娘谁有福， 才能配给你。

Sai: Nuengx nyok coenz vah ndei，

Sim beix hai vavengj；

Ndaej gyau mwngz baenz lengj，

Dangq roegenq ok cin.

男：妹赠句好话， 心开金樱花；

能交你靓妹， 像春燕恋家。

Mbwk: Siengj gvanbaz gaepcaeuh，

Yaek caez maeuz gyageiq；

Dauq cam mwngz ha beix，

Gauj seng’eiq gaiqmaz？

女：想结为夫妻， 要共谋家计；

试问你大哥， 搞什么生意？

(caengz sat)