Youq Lingzyinz Yen caeuq Lozyez Yen rangh dieg Dahbuliujhoz haenx, Bouxcuengh daemj baengz lizsij gig gyaenanz, gyoengq mehmbwk Boux- cuengh diegde gaenx hong lauxsaed, dinfwngz lingzgiuj, daemj baengz gig ak. Gyoengqde bingzseiz guh hongnaz, mwh seizhoengq couh comz youq ranz daemj baengz, daemj ok gij baengz hoengzhoengz heuheu, gyaeundei dangqmaz. Doengh gij baengz neix, mboujdan gyaeundei, lij gig baujraeuj naih yungh, gyoengqde aeu baengz neix daeuj guh baenz buhvaq、nda、damj daengj dawz bae haw gai. Gyoengq mehmbwk Bouxcuengh dieg neix miz haujlai vunz baengh daemj baengz baenzfouq.

(Siuh Fazlingz)