恭城：瑶族同胞田管忙

Vunz gaenx cin daeuj caeux. Singq bauq ndwencieng caengz sanq liux, 2 nyied 16 hauh, gyoengq nungzminz Gunghcwngz Yauzcuz Swciyen Gyahvei Yangh Bwzyangz Cunh couh roengz naz haeuj reih lo, gyoengqde gvak rum dwkbwnh gomakdauz、byaekyouzceh, roxnaeuz vat mieng dwk mieng, bouxboux cungj nyaengq raixcaix, bouxboux cungj siengj youq bineix aeu ndaej fungsou.

Aenvih mboengqgonq mbwn nitgyoet doek fwn, gomakdauz deng nit maj ndaej menh, vadauz hix maj ndaej mbouj ndei. Vihliux baujcingq mak- dauz ndaej demsou, gyoengq nungzminz swnh geij ngoenz neix givwnh bienq raeuj, cagaenj guenjleix ndaw reihnaz. Seizneix, daengx yienh gaenq dwkbwnh coq reih godauz、byaekyouzceh 7 fanh lai moux, gvak rum 2 fanh lai moux, vih bineix makdauz demsou dwk ndei giekdaej nanwt bae.

(Cwng Ciminj)