□ 关仕京 搜集翻译

(接上期)

Sai: Gofaex lij miz mingz，

Gonjrin hix miz coh;

Dahsau gvailolo,

Vihmaz coh mbouj an？

男：树木还有名， 石名有人定；

姑娘多乖巧， 怎没名没姓？

Mbwk: Gou gangj dwg saedvah，

Cingqgyaq cix caengz an；

Seizneix daengz gou cam，

Beix caemh an maz coh?

女：我实话交谈， 名字未曾安；

现在到我问， 哥名叫啥样？

Sai: Nuengx heuh gijmaz coh，

Mwngz ciuqsoh baez gangj；

Caiq mbouj ndaej daengz ranz，

Byaij doxnyangz yaek heuh.

男：妹名雅或俗， 你如实道出；

不讲就到家， 相逢要招呼。

Mbwk: Coh gou heuh daxniq，

Naeuz beix nyi yaek geiq；

Byaij loh doxfungz seiz，

Heuh yienghneix cix han.

女：我名叫达尼， 告诉哥要记；

走路相逢时， 这样叫应你。

Sai: Beix cam nuengx mwngz ni，

Geijlai bi nienzgeij；

Gou cam mwngz saedsaeh，

Gangj caen’eiq dwk nw.

男：哥问阿妹你， 有多少年纪；

我问你实情， 讲实话就记。

Mbwk: Gou guh vunz hwnjdaeuj，

Vah gangj yaeuh mbouj miz；

Ngeihhaj noix song bi，

Faenh mwngz ni beix hae?

女：我处世过活， 假话没讲过；

廿五少两岁， 哥年数几多？

Sai: Faenh gou caemh vijsij，

Naeuz mwngz nyi saedvah；

Coh cieng ndaej ngeihhaj，

Lienz yah cungj caengz aeu.

男：我生贫寒家， 给你讲实话；

来春到廿五， 娶妻没人嫁。

Mbwk: Cam it mwngz dap ngeih，

Cam seiq mwngz dap gouj；

Ngeihhaj yah caengz aeu，

Gven gijmaz gou saeh.

女：问一你答二， 问三你答四；

廿五未娶妻， 关我什么事。

Sai: Gou saedvah baez naeuz，

Nuengx baenzyouq mbouj ngvanh；

Mwngz nienz ngeihseiq sam，

Ngeix caemh langhdangh gou.

男：我把实话陶， 妹何不思考；

你廿三四岁， 我单思徒劳。

Mbwk:Gou daengq faenh mwngz beix，

Gaej yungh ngeix baenzyung；

Lajmbwn daihbaj vunz，

Gag mwngz maz beixlungz.

女：我嘱大哥记， 别过多忧虑；

天下大把人， 单身不止你。

Sai: Gwn cieng haeuj ngeihhaj，

Lumj duzmbaj gag youq；

Ngoenz mbouj gyaez gwn haeux，

Ngeix daeuj caemh siliengz.

男：春节廿五岁， 像蝴蝶单飞；

日不思饭茶， 想来也凄悲。

Mbwk: Ngeihhaj nienz lij noix，

Heiq guhmaz baenzyung；

Yawj seiqhamq dinmbwn，

Lij miz vunz guhdoih.

女：廿五年轻汉， 别太多忧烦；

看四周天边， 还有人作伴。

Sai: Roegvaek caengz miz rongz，

Youq gag gongz hamqdah；

Ngeihgeij caengz miz yah，

Ngoenz maz gvaq seiqvunz.

男：水鸡尚无巢， 河边自嚎啕；

二十几未娶， 此生太难熬。

Mbwk: Doengz dwg ban neix vunz，

Mbouj un lo ha beix；

Gaenq nienz ndaej ngeih geij，

Gag haeujheiq haeujsim.

女：同一辈年纪， 大哥别再提；

年龄二十多， 自己多留意。

Sai: Sai mbouj yah caemh ranz，

Baz mbouj gvan caemh rouh；

Gag ninz gag gven dou，

Ngeix simdaeuz caemh vaih.

男：男无妻共屋， 女无夫同住；

自关门独睡， 想心乱欲哭。

Mbwk: Gou hongz mbwn ha mbwn，

Faen mbouj ywnz（yinz）

daengz laj;

Ngeihgeij caengz ndaej haq，

Miz vunz ngah dem lawz.

女：我向天声讨， 分配不公道；

廿几尚未嫁， 是否有人要?

Sai: Raeuz song boux youq neix，

Gou gag ngeixlinlin；

Siengj cam mwngz baengzcingz，

Lau sim mbouj doengzeiq.

男：咱俩在这里， 我独自忧虑；

欲问你朋友， 担心不同意。

Mbwk: Miz gijmaz soh ngeix，

Coenz lawz ndei cij lwnh；

Sawq cam mwngz beixlwnz，

Ij yaek lwnh gaiqmaz？

女：有啥尽管想， 哪句好才讲；

试问大哥你， 还想说哪样？

(caengz sat)