□ Biz Feihyij

□ 毕飞宇

(ciep geiz gonq)

Hoeng, gou siengj dahlwg gou. Daj lizvwnh mwh haenx gou couh doiq swhgeij naeuz, lumz gijneix liux bae, saedceij cungj gojyij dauq hainduj, daj gyaeuj hainduj, gou mbouj hawj gij neiyungz caeuq gij vwnhyinh gou mizgven haenx louz youq ndaw ndaejgeiq gou. Siengj gij saeh doenghbaez dwg cungj bingh he, gou mbouj hawj swhgeij miz cungj bingh neix.

Gou geizheih fatyienh, dahlwg gou, dah cinglingz manzgyaengj neix, de caengz hawj gou siengj hwnj couh haeuj ndaw fangzhwnj gou daeuj lo.

Ngoenz haenx lajbyonghhwnz gou sawqmwh ndiu lo, mwh ndiu gvaqdaeuj gou geiq ndaej gou cingq loq fangzhwnz, hoeng, aenvih sawqmwh ndiu, gou di ndeu cungj geiq mbouj ndaej gou loq raen gijmaz lo. Gou hwnq mbonq, youq ndaw ranz siengj bae siengj dauq. Gou itdingh loq raen gijmaz saeh youqgaenj lo, mboujmiz couh mbouj yienghneix daegbied siengj rox gou loq raen gijmaz. Seizhaenx gou dingqnyi miz vunz heuh gou, dwg dahlwg gou, cingq heuh gou boh, seizhaenx cingq dwg lajbyonghhwnz, gyanghwnz caemdingh lumj lwgda dahlwg gou. Gou rox dwg gou loq fangzhwnz. Gou hai dou, lajroq mbouj miz saek boux vunz, gaiq lajroq raezrangh, lumj fangzhwnz. Gou couh youq mwhhaenx geiq hwnj haxbaenh gou loq haenx, gou loq raen dahlwg gou. Lizvwnh baenzlai nanz lo, gou itcig roxnyinh ndaw ndang gou miz cungj doxgaiq ndeu deng gvej bae. Seizneix gou rox lo, deng gvej bae haenx dwg dahlwg gou, rox gijneix le sawj gou gig nanzgvaq.

Gou gven dou gvaqma, duix dwk naengh roengzdaeuj. Baihrog conghcueng mbwn laeplat. Mbwn laep sawj gou simcingz gig yaez. Gou siengj cit ien, gou gaiq ien song bi lo. Gou seizneix gig siengj cit ci ien he.

Ngoenz daihngeih banhaet gou couh bae ra yehgonq gou. De byoemgyaeuj nyungqnyangq. Gou doiq de naeuz: “Boiz dahlwg hawj gou!”

“Mwngz dwg byawz?”

“Gou dwg boh de!”

“Mwngz bongx loek dou lo.”

De naeuz gou bongx loek dou lo. Meh mbwk neix gingqyienz naeuz gou bongx loek dou lo! Gou youq aen ranz neix dang le baenzlai bi bohranz, yienznaeuz mbouj dwg dang bouxcingq, de gingqyienz naeuz gou bongx loek dou lo! Gou hwnjbae gaemdawz lingxbuh de, sing hung naeuz: “Goujlingz nienz seiq nyied it hauh, gou roengz ceh hawj mwngz, goujit nienz it nyied cibroek hauh, mwngz seng dahlwg gou, boiz dahlwg hawj gou!”

Gou aiq dwg vangbangh lai, yahgonq gou fak gou faj fwngz he. De fak dwk gig cinj gig miz rengz. Fajfwngz de fak gvaqdaeuj sawj gou sim bingz roengzdaeuj. Gou diem gaemz heiq hung he, naeuz: “Raeuz gangjgangj.”

Baez doxgangj neix aeundaej cwngzgoj haemq hung. Doeklaeng gou miz gienzleih moix aen singhgiz singhgizhah lajbyonghngoenz youz gou ciep dahlwg gou, yienzhaeuh caiq soengq hawj daxmeh de. Yahgonq youq baihnaj gou hai faenh lizvwnh hezyisuh, baihgwnz miz gij ciemcih gou, dangseiz gou simcingz mbouj ndei, mbouj baenzlawz yawj, cij siengj vaiqdi liz, mboujliuh cix lai ok doi mazfanz he. Yahgonq vix faenh lizvwnh hezyisuh, got song gen, doiq gou naeuz:“Dahlwg cienz gienz gvi gou, miz faplwd baujcingq. Mwngz danghnaeuz gamj youq baihnaj dahlwg gangj gou coenz vah rwix he, gou couh sikhaek sou dauq gienzleih mwngz.”

Gou naeuz: “Dwg、 dwg.”

Yahgonq gou naeuz:“Cijaeu mwngz seizneix gangj coenz vah ndeu, singhgizhaj aen singhgiz laeng mwngz couh ndaej ciep dahlwg lo.”

“Gangj gijmaz?” Gou singjgaeh hwnjdaeuj.

“Dahlaiz dwg mehndwet.”Yahgonq riu dwk naeuz.

Gou ngiengx gyaeuj yawj hwnj mbwn bae. Gou rox gou mbouj miz banhfap lo. Gou liujgaij de. Gou sing iq naeuz: “Dahlaiz dwg mehndwet.”

“Dingq mbouj ndaej nyi.”

Gou rongx naeuz:“Dahlaiz dwg mehndwet.Ndaej luba, habhoz luba?”

“Mwngz gaem gaemxgienz guh gijmaz? Gou mbouj heuh mwngz gaem gaemxgienz bw.” Yahgonq gou naeuz.

Dahlwg cingq ndwn youq henz aen laenod. Boux dog, mbouj gangj saek coenz vah. Gou youq giz gyae couh yawjraen dahlwg gou lo. Gou dwg daxboh de, hoeng, dahlwg saedsaeh gaenq mbouj miz daxboh lo. Dahlwg youq giz gyae yawj gou, sueksiemj youh miz di lau.

Gou byaij hwnjbae, naenghyung youq henz ndang de. Mgamq geij ngoenz, bohlwg dou couh baenzneix sengswt lo. Dahlwg mbouj caeuq gou caenndiep, lwgda youh singjgaeh youh fuengz gou. Gou naeuz: “Hai, gou dwg daxboh!” Dahlwg mbouj doengh. Gou rox yienghneix doxdoiq roengzbae mbouj dwg banhfap, gou gaem gaiqfwngz dahlwg, riu naeuz: “Daxboh daiq mwngz bae gai.”

Dou riengz diuz gai Gvangjdunghlu byaij bae- naj. Song boux dou mbouj gangj vah, gou cawx mak、dangz、bingj daengj haujlai gijgwn, dahlwg itloh gwn mbouj dingz. De yungh bak geux lawh gangj vah. Gou dajsuenq byaij daengz gyaeuj gai aen gvangjcangz bae le daiq dahlwg bae gwn Gwnjdwzgih, yienzhaeuh cam de di vwndiz he, gangj di vah he, yienzhaeuh soengq de bae hawj daxmeh de. Gou itcig siengj baenzlawz caeuq dahlwg gangjvah. Bohlwg ndeindi’ndi, sawqmwh couh sengswt lo, cungj roxnyinh neix sawj gou miz haemz gangj mbouj ok. (Mungz Yenginz hoiz)

（caengz sat）

但是我想女儿。从离婚的那一刻起我就对自己说了，把一切都忘掉，生活完全可能重新开始，重新来，我不允许与我的婚姻有关的一切内容走进我的回忆。我不许自己回忆，追忆似水年华是一种病，是病人所做的事，我不许自己生这种病。

我惊奇地发现，我的女儿，这个捣蛋的机灵鬼，她居然绕过了我的回忆撞到我的梦里来了。

那一天的下半夜我突然在睡梦中醒来了，醒来的时候我记得我正在做梦的，然而，由于醒得过快，我一点也记不得我梦见的是什么了，我起了床，在屋子里回忆，找。我一定梦见了什么很要紧的事，要不然怅然若失的感觉不可能这样持久与强烈。这时候我听见有人喊我，是我的女儿，在喊我爸爸。那时正是下半夜，夜静得像我女儿的瞳孔。我知道我产生了幻听。我打开门，过廊里空无一人，全是水磨石地面的生硬反光。过廊长长的，像梦。我就在这个时候记起了刚才的梦，我梦见了我的女儿。离婚这么久了，我一直觉得体内有一样东西被摘去了，空着一大块。现在我终于发现，空下的那一块是我的女儿。这个发现让我难受。

我关上门，颓然而坐。窗户的外面是夜空。夜空放大了我的坏心情。我想抽烟，我戒了两年了。我就想抽根烟。

第二天一早我就找到我的前妻。她披头散发。我对她说：“还我女儿!”

“你是谁?”

“我是她爸!”

“你敲错门了。”

她说我敲错门了。这个女人居然说我敲错门了!我在这个家里当了这么多年的副家长，她居然说我敲错门了!我一把就揪住了她的衣领，大声说：“九○年四月一号，我给你打了种，九一年一月十六，你生下了我女儿，还给我!”

我想我可能是太粗俗了，前妻便给了我一耳光。她抽耳光的功夫现在真是见长了。她的巴掌让我平静了下来。我深吸了一口气，说：“我们谈谈。”

这次交谈是有成果的。我终于获得了一种权利，每个星期的星期五下午由我接我的女儿，再把我的女儿送给她的妈妈。前妻在我的面前摊开我们的离婚协议，上头有我的签名，当时我的心情糟透了，几乎没看，只想着快刀斩乱麻。快刀是斩下去了，没想到又多出了一堆乱麻。前妻指了指协议书，抱起了胳膊，对我说：“女儿全权归我，有法律做保证的。你如果敢在女儿面前说我一句坏话，我立即就收回你的权利。”

我说：“那是。”

前妻说：“你现在只要说一句话，下个星期五就可以接女儿了。”

“说什么?”我警惕起来。

“阿来是个狐狸精。”前妻笑着说。

我把头仰到天上去。我知道我没有选择。我了解她。我小声说：“阿来是个狐狸精。”

“没听见。”

我大声吼道：“阿来是个狐狸精!好了吧，满意了吧?”

“握起拳头做什么?我可没让你握拳头。”前妻说。

女儿正站在滑梯旁边。一个人，不说一句话。我大老远就看见我的女儿了，我是她的爸爸，但是，女儿事实上已经没有爸爸了。我的女儿大老远地望着我，自卑而又胆怯。

我走上去，蹲在她的身边。才这么几天，我们父女就这么生分了。女儿不和我亲昵，目光又警惕又防范。我说：“嗨，我是爸爸!”女儿没有动。我知道就这么僵持下去肯定不是办法，我拉过女儿的手，笑着说：“爸带你上街。”

我们沿着广州路往前走。广州路南北向，所以我们的步行也只能是南北向，我们不说话，我给女儿买了开心果、果冻、鱼片、牛肉干、点心巧克力、台湾香肠，女儿吃了一路。她用咀嚼替代了说话。我打算步行到新街口广场带女儿吃一顿肯德基，好好问一些问题，说一些话，然后，送她到她的母亲那里去。我一直在考虑如何与我的女儿对话。好好的父亲与女儿，突然就陌生了，这种坏感觉真让我难以言说。（未完待续）