Bi’gvaq, Dwzbauj Yen hopheux aen muzbyauh nungzyez dem yauyiz、nungzminz demsou、nungz- cunh hoengh onj neix, cungdenj guh ndei dajndaem lwgmak、iengangq、oij、laj faex ciengx gaeq、ndaem byaek seizcou seizdoeng daengj haj yiengh hong hung neix, cizgiz dajcaux aen fazcanj muzbyauh “mbanj miz yiengh he”、“lai mbanj miz yiengh he”. Bi- gvaq daengx yienh lwgmak menciz fazcanj daengz 10.2 fanh moux, ndawde makdoengj maenhndei menciz 7 fanh moux; iengangq daj- ndaem menciz 3 fanh moux, mbawien canjlieng ndaej 5.545 fanh rap, canjciz 4654.22 fanh maenz; guhsat ndaem oij menciz 9.44 fanh maenz, guj oijdangz canjlieng 30 fanh dun, guh dangz 3.2 fanh dun; daengx bi gai gaeqnoh 1019.05 fanh duz, canjciz 3.48 ik maenz; guhsat byaek seizcou seiz- doeng dajndaem 12.5 fanh moux, canjlieng 20 fanh dun doxhwnj, saedyienh cungjcanjciz 2.5 ik maenz. Guj daengx bi nungz、linz、muz、yiz canjyez cungjcanjciz miz 14.61 ik maenz, demhwnj 7%, nungzminz moix boux souhaeuj cinghseuq laebdaeb 4 bi beij gij vunz ndawsingz vaiq.

(Dwng Gwzswh)