Geij ngoenz gonq, Cunghgoz Yauzcuz Vangj 8 boux vangjyouj caeuq boux miz simgyaez haenx dingj nit soemh fwn bae daengz Dava Yauzcuz Swciyen Gyanghnanz Yangh Fazdangz Siujyoz, soengq denz、 buhvaq 、mauh 、madfwngz daengj doxgaiq hawj hagseng. Bi’gvaq 12 nyied, gyoengqde gaenq soengq 2 fanh lai maenz ngaenz gaiqdaenj gaiqyungh hawj aen yangh neix Cangzmeiz Siujyoz caeuq Lungjhan Siujyoz hagseng, sawj lwghag saujsu minzcuz ndaw bya youq ngoenzdoeng nityat neix gamjdaengz raeujrubrub.

Cunghgoz Yauzcuz Vangj gvensim gwndaenj caeuq hagsib lwghag dieg Yauzcuz, gyoengqde aeu saedcaeq hengzdoengh daeuj senhconz le gij hong minzcuz doxgiet doxhuz haenx.

(Vangz Vwnzboh)