Vih dawz dangj Cibbet Daih cingsaenz cienz daengz gyoengq ginzcung lajmbanj, geij ngoenz gonq, Bahmaj Yauzcuz Swciyen iucingj gyoengq canghfwen Dunghlanz Yen daeuj daengz Bahmaj Yauzcuz Swciyen Bahmaj Cin Mbanjbaqcwz gawjhengz hoihfwen, yungh gij Fwencuengh gyoengqvunz gyaez dingq sing sug haenx, gejdoeg caeuq senhconz dangj Cibbet Daih cingsaenz. Youq gwnz hoihfwen, gyoengq cangh fwen yungh gij gamjcingz gikdoengh haenx, gij sing fwen seuqset haenx, senhconz dangj Cibbet Daih cingsaenz, danq dangj cwngcwz leih minz, danq gak hangz gak nieb guh ndaej cingzcik hung, lij yungh singfwen cienz gangj nungzyez swnghcanj cihsiz. Fwencuengh doengsug heih rox, dawz dangj Cibbet Daih cingsaenz cienz daengz sim daengz uk gyoengq bouxminz, gienjhwnj gij angqcingz gyoengq bouxminz lajmbanj hagsib dangj Cibbet Daih cingsaenz.

(Moz Sangvwnz)