Daj ciuhgeq gvaqdaeuj, seizdoeng ciengx ndang couh deng vunzraeuz yawjnaek lo. Habdangq ninz caeux dwg aen gvanhgen baujcwng ninz gaeuq ndeu. Neix doiq boux gyanghaemh hai ci、boux gyanghaemh gyaban、boux gyanghaemh dwkbej roxnaeuz hwnjmuengx loengh youzheiq haenx daeuj gangj, cibfaen miz bizyau bw. Ninz caeux doiq raeuz ndojhai gyanghaemh baeg gvaqbouh cauhbaenz menjyiz goengnaengz doekdaemq, roxnaeuz doiq yinxhwnj baenz binghsailwed sim uk、sengmingh miz yungyiemj daeuj gangj, cungj miz daegbied cizgiz yiyi.

Habdangq ninz gvaiz, dwg naeuz ranz caengz rongh couh gaej cacoemj hwnqdaeuj; daegbied dwg daengngoenz caengz okdaeuj seiz gaej bae ndaw suen goek faex lienhndang. Aenvih daengngoenz caengz okdaeuj gaxgonq, ndit lij youq laj dibingzsen caengz swng hwnjdaeuj, doenghgo ndaw doengh caengz guh gvanghoz cozyung supsou wyangjvadan caemhcaiq caengz cuengq yangjgi okdaeuj; mbwn caengz rongh seiz dagicwngz gezgou lij onjdingh, wyangjvadan daengj doxgaiq uqlah ndaw hoengheiq comzrom hwnzngoenz ndeu le, haetcaeux mwi naek mok na, hoengheiq cizlieng yaez, raeuz okbae yindung seiz yungzheih deng heiqnit、heiqmok caeuq heiquq sienghaih.

Danhseih hab- dangq ninz gvaiz, bingq mbouj dwg naeuz hawj mwngz gyanghaet iet- nonx ninz gvaiz mbouj hwnq. Ninz daiq gvaiz caeuq ninz mbouj gaeuq, cungj rox yinx- hwnj cingsaenz caeuq ndang vunz naetnaiq, cungj rox yinxhwnj bouxvunz baizok goengnaengz doek- daemq le sienghaih daengz aenndang boux- vunz.