ciep geiz gonq

Sai:Nax gyaeu lumj dahsien,

Aen coh cienz vunz rox;

Bienh mbouj yiemz gou hoj,

Cix doh(caeuq) gou guhcaemz.

Funghvuengz caemh duzgaeq,

Byawz ndeigyaez bakdiemz;

Nax gyaeu lumj dahsien,

Aencoh cienz vunz rox.

Va hai mbungqmbaj ding,

Duj lawz nding cix gyoh;

Bienh mbouj yiemz gou hoj,

Cix doh gou guhcaemz.

Mbwk:Mwngz aenbak ndeigyaez,

Cim ndaej mae cix boiq;

Gou bouxvunz minghhoiq;

Couh lau doiq mbouj ndaej.

Duzbid raez (gwnz) gofaex,

Sing byoiqraeh bae gyae;

Mwngz aenbak ndeigyaez,

Cim ndaej mae cix boiq.

Daekdaeq douh gwnz daemz,

Duzma baemz bae loih;

Gou bouxvunz minghhoiq,

Couh lau doiq mbouj ndaej.

Sai:Nax gangj vah daeqnaeh,

Miz maz ngaeh(ngaih) lajndang;

Rox miz beixgo dang (dangj),

Rox cix langz nax duengh.

Ngoenzrengx ok rog youz,

Lau bakdou gaeq haex;

Nax gangj vah daeqnaeh,

Miz maz ngaeh(ngaih) lajndang.

Hwnj ndoeng bae ra vangh (lamh),

Youh lau dangh(ngwz) daeuj lanz;

Rox miz beixgo dang,

Rox cix langz nax duengh.

Mbwk:Mwngz gangj vah ndeiriu,

Vaiz boq siu gyang doengh;

Caenghganj ndwi rieng

hoengq,

Siengj ra goengq ma (guh) doz;

Rox mwngz miz mehnuengx,

Rox lwg duengh hoziu;

Mwngz gangj vah ndeiriu,

Vaiz boq siu gyang doengh.

Nax dahsau mbwk ndeu,

Mbonq duzmeuz donh

byoengq;

Caenghganj ndwi rieng hoengq,

Siengj ra goengq ma doz.

(caengz sat)