12 nyied 24 hauh daengz 29 hauh, Cunghyangh Densidaiz daihcaet dauq cezmuz《Swnghhoz 567》 lanzmuz ingjsiengq cuj daeuj daengz Hocouj Si, ingj aen cezmuz yaek baijyienj funghgingj gyaeundei caeuq minzcuz fungcingz Hocouh ndeu, aen cezmuz neix cawjdaez dwg “Cunz Lajmbanj Gyaeundei Cungguek—Byaij Haeuj Hocouh”. Gyoengq boux ingjsiengq bae Byaguh- bozsanh、 Raemx Cibbet、 Rinnyawhndumj、 Cingeq Vangzyauz、 Fuconh Siusuij Mbanj Cangyenz、 Ranzhumx Gwzgyah doengh gij dieg neix, ingjsiengq caijfangj fouxhaizbenj Yauzcuz、 fouxfaexsaux、 dieb bakcax caij gyoqfeiz、 Yauzcuz couxbawx daengj doengh- gij minzcuz fungcingz byaujyenj neix, daj gak fuengmienh lai gakdoh daeuj baijyienj gij minzcuz fungcingz Hocouh Si, gaisau dieggingj gyaeundei swnghdai nungzyez fazcanj mozsi Hocouh Si hawj daengx guek yinzminz.(Ho Couh)