Mboengqgonq, “2012 Fuzsanh Ciet Angqyangz Seizcou ”hozdung youq Gvangjdungh Fuzsanh Si gawjhengz. Gih raeuz Duh’anh Yauzcuz Swciyen Ginzyen Yisuzdonz yienj aen cezmuz 《Diuq Fouxhanz Hoh Fungsou》neix cungfaen baijyienj le minzcuz daegsaek aen yienh Duh’anh, ndaej daengz gyoengq bouxngonz haenh ndei. Aen cezmuz neix hix youq Fuzsanh okmingz lo.

《Diuq Fouxhanz Hoh Fungsou》 gaenq ndaej lied haeuj Gvangjsih “feihvuzciz vwnzva yizcanj”, Ginzyen Yisuzdonz youq gwnz hozdung hung yienj ndaej ndei yawj raixcaix, gyoengqde roq diuzhanz, cezcou yaep vaiq yaep menh, bienqvaq lai cungj lai yiengh, baijyienj mwh guh hong caeuq aeundaej fungsou gij cingzgingj angqyangz vaiqvued haenx.Yienj aen cezmuz《Diuq Fouxhanz Hoh Fungsou》, doiq doidoengh hong vwnzyi deihfueng minzcuz miz cozyung gig daih.（Veiz Lieng）