●Gaenh bi daeuj, Denhdwngj Yen roengzrengz gyavaiq guh“vwnzva hawj vunzlai souh’ik gunghcwngz”. Daengz dangqnaj, aen yienh neix gaenq youq 124 aen hingzcwngcunh hwnjguh ranzsaw nungzgyah, cienzbouh guh doh gak mbanj lo; souyo saw 40 lai fanh bonj. Ranzsaw guhbaenz le ndaw yienh haujlai ganbu ginzcung cizgiz haeuj ndawde bae hagsib.

(Vangz Lilanz)

●Bi’gvaq, Gvangjsih Ginhvei Nungzyez Douzswh Cizdonz youq Lungzanh Yen swnghcanj gyoijhom 11 fanh dun, beij bi’gyai demhwnj 40％, canjciz 2.5 ik maenz, boux ndaem gyoij bingzyaenz moix boux souhaeuj 2.5 fanh maenz.

(Yi Sienghcenz)

●Dangqnaj, Nanzningz Si gaenq youq daengx si gak cungh siuj yozyau gyoebguh minzcuz gohvujdonz 9 aen, gensez minzcuz conzdungj dijyuz yinlen gihdi 10 aen, gaihcanj minzcuz vwnzyi baijok hozdung 30 lai ciengzbaez, minzcuz doxgiet gyauyuz 60 lai baez.

(Yauz Senhyih)

●Bi’gvaq, Denzlinz Yen- veij、Yen Cwngfuj leihyungh 10 fanh moux diegfaex haenqrengz fazcanj laj faex ciengx gaeq canjyez, hawj nungzminz demsou. Daengz bi’gvaq 11 nyied daej, daengx yienh gaenq ndaej gai gaeq 815 fanh duz, canjciz 2.85 ik maenz, daengx yienh ciengx miz gaeqnoh 204.79 fanh duz. Guj daengx bi okroengq gaeqnoh 950 fanh duz, canjciz 3.33 ik maenz.

(Banh Sauginh)

●Gaenh bi daeuj, Lozcwngz Mulaujcuz Swciyen daihlig bangfuz Siujcangzanh Cin Lozdungh Cunh Yazyiz Seveicujyi Sinh Nungzcunh fazcanj daegsaek dajndaem nem nungzyez lijyouz, hawj nungzminz demsou. Dangqnaj, aen cunh neix laebguh nungzminz dajciengx daj- ndaem canjyez hozcozse, seyenz miz 40 lai ranz, guhbaenz 20 aen laj bungz dajndaem lwgmak lwggva gihdi, ndaem 10 moux lwgmak lwggva, 330 moux oij, 30 moux gosangh.(Liu Gvanghfuz)