Gaenh bi daeuj, Denzyangz Yen ciuq aen fanghcinh“henhoh guhcawj、ciengjgouq daih’it、 hableix leih- yungh、swnjcienz fazcanj” bae guh- hong, nyinhcaen gyagiengz feihvuzciz vwnzva yizcanj henhoh gunghcoz, aeundaej cwngzyau yienhda.

2006 nienz 6 nyied《Seilizsij Bakriuz Baeuqroxdoh》ndaej lied haeuj guekgya gaep feihvuzciz vwnzva yizcanj henhoh hanghmoeg. 2006 nienz 8 nyied 《Seilizsij Bak- riuz Baeuqroxdoh》、《Fouxsaeceij Bouxcuengh》ndaej lied haeuj swcigih gaep daih’it buek feihvuzciz vwnzva yizcanj henhoh hanghmoeg. 2007 nienz 1 nyied《Seilizsij Bakriuz Baeuqroxdoh》、《Fouxsaeceij Boux- cuengh》、 《Byagamjcuengh Hawfwen Bouxcuengh》ndaej lied haeuj Bwzswz Si daih’it buek feihvuzciz vwnzva yizcanj henhoh hanghmoeg. 2010 nienz 《Fwen Gujmeij》、 《Ciengj Bauqva》、《Hawfwen Byagamjcuengh》3 aen hanghmoeg neix ndaej doigawj haeuj daih’it、daihngeih buek swcigih gaep feihvuzciz vwnzva yizcanj gya’gvangq hanghmoeg. 2010 nienz《Denzyangz Fouxsaeceij Bouxcuengh》 ndaej lied haeuj guekgya gaep daihsam buek feihvuzciz vwnzva yizcanj henhoh mingzloeg.

Bi’gvaq, Denzyangz Yen youh dawz“yinhyoz ndawbiengz”daengj 31 aen hanghmoeg lied haeuj daihngeih buek yienh gaep feihvuzciz vwnzva yizcanj mingzloeg, caemhcaiq yiengq sevei gunghbu. Baenzneix, aen yienh neix gungh miz 69 hangh ndaej lied haeuj yienh gaep feihvuzciz vwnzva yizcanj mingzloeg, miz 2 hangh ndaej liedhaeuj guekgya gaep feihvuzciz vwnzva yizcanj mingzloeg, 5 hangh ndaej lied haeuj swngj gaep feih- vuzciz vwnzva yizcanj mingzloeg, 6 hangh ndaej lied haeuj si gaep feihvuzciz vwnzva yizcanj mingzloeg.

(Vei Mubingh)