【壮汉对照】中共中央关于党的百年奋斗重大成就和历史经验的决议

　　一百年来，党领导人民浴血奋战、百折不挠，创造了新民主主义革命的伟大成就；自力更生、发愤图强，创造了社会主义革命和建设的伟大成就；解放思想、锐意进取，创造了改革开放和社会主义现代化建设的伟大成就；自信自强、守正创新，创造了新时代中国特色社会主义的伟大成就。党和人民百年奋斗，书写了中华民族几千年历史上最恢宏的史诗。

　　总结党的百年奋斗重大成就和历史经验，是在建党百年历史条件下开启全面建设社会主义现代化国家新征程、在新时代坚持和发展中国特色社会主义的需要；是增强政治意识、大局意识、核心意识、看齐意识，坚定道路自信、理论自信、制度自信、文化自信，做到坚决维护习近平同志党中央的核心、全党的核心地位，坚决维护党中央权威和集中统一领导，确保全党步调一致向前进的需要；是推进党的自我革命、提高全党斗争本领和应对风险挑战能力、永葆党的生机活力、团结带领全国各族人民为实现中华民族伟大复兴的中国梦而继续奋斗的需要。全党要坚持唯物史观和正确党史观，从党的百年奋斗中看清楚过去我们为什么能够成功、弄明白未来我们怎样才能继续成功，从而更加坚定、更加自觉地践行初心使命，在新时代更好坚持和发展中国特色社会主义。

　　一九四五年党的六届七中全会通过的《关于若干历史问题的决议》、一九八一年党的十一届六中全会通过的《关于建国以来党的若干历史问题的决议》，实事求是总结党的重大历史事件和重要经验教训，在重大历史关头统一了全党思想和行动，对推进党和人民事业发挥了重要引领作用，其基本论述和结论至今仍然适用。

　　一、夺取新民主主义革命伟大胜利

　　新民主主义革命时期，党面临的主要任务是，反对帝国主义、封建主义、官僚资本主义，争取民族独立、人民解放，为实现中华民族伟大复兴创造根本社会条件。

　　中华民族是世界上古老而伟大的民族，创造了绵延五千多年的灿烂文明，为人类文明进步作出了不可磨灭的贡献。一八四〇年鸦片战争以后，由于西方列强入侵和封建统治腐败，中国逐步成为半殖民地半封建社会，国家蒙辱、人民蒙难、文明蒙尘，中华民族遭受了前所未有的劫难。为了拯救民族危亡，中国人民奋起反抗，仁人志士奔走呐喊，进行了可歌可泣的斗争。太平天国运动、洋务运动、戊戌变法、义和团运动接连而起，各种救国方案轮番出台，但都以失败告终。孙中山先生领导的辛亥革命推翻了统治中国几千年的君主专制制度，但未能改变中国半殖民地半封建的社会性质和中国人民的悲惨命运。中国迫切需要新的思想引领救亡运动，迫切需要新的组织凝聚革命力量。

　　十月革命一声炮响，给中国送来了马克思列宁主义。五四运动促进了马克思主义在中国的传播。在中国人民和中华民族的伟大觉醒中，在马克思列宁主义同中国工人运动的紧密结合中，一九二一年七月中国共产党应运而生。中国产生了共产党，这是开天辟地的大事变，中国革命的面貌从此焕然一新。

　　党深刻认识到，近代中国社会主要矛盾是帝国主义和中华民族的矛盾、封建主义和人民大众的矛盾。实现中华民族伟大复兴，必须进行反帝反封建斗争。

　　建党之初和大革命时期，党制定民主革命纲领，发动工人运动、青年运动、农民运动、妇女运动，推进并帮助国民党改组和国民革命军建立，领导全国反帝反封建伟大斗争，掀起大革命高潮。一九二七年国民党内反动集团叛变革命，残酷屠杀共产党人和革命人民，由于党内以陈独秀为代表的右倾思想发展为右倾机会主义错误并在党的领导机关中占了统治地位，党和人民不能组织有效抵抗，致使大革命在强大的敌人突然袭击下遭到惨重失败。

　　土地革命战争时期，党从残酷的现实中认识到，没有革命的武装就无法战胜武装的反革命，就无法夺取中国革命胜利，就无法改变中国人民和中华民族的命运，必须以武装的革命反对武装的反革命。南昌起义打响武装反抗国民党反动派的第一枪，标志着中国共产党独立领导革命战争、创建人民军队和武装夺取政权的开端。八七会议确定实行土地革命和武装起义的方针。党领导举行秋收起义、广州起义和其他许多地区起义，但由于敌我力量悬殊，这些起义大多数失败了。事实证明，在当时的客观条件下，中国共产党人不可能像俄国十月革命那样通过首先占领中心城市来取得革命在全国的胜利，党迫切需要找到适合中国国情的革命道路。

　　从进攻大城市转为向农村进军，是中国革命具有决定意义的新起点。毛泽东同志领导军民在井冈山建立第一个农村革命根据地，党领导人民打土豪、分田地。古田会议确立思想建党、政治建军原则。随着斗争发展，党创建了中央革命根据地和湘鄂西、海陆丰、鄂豫皖、琼崖、闽浙赣、湘鄂赣、湘赣、左右江、川陕、陕甘、湘鄂川黔等根据地。党在国民党统治下的白区也发展了党和其他革命组织，开展了群众革命斗争。然而，由于王明“左”倾教条主义在党内的错误领导，中央革命根据地第五次反“围剿”失败，红军不得不进行战略转移，经过艰苦卓绝的长征转战到陕北。“左”倾路线的错误给革命根据地和白区革命力量造成极大损失。

　　一九三五年一月，中央政治局在长征途中举行遵义会议，事实上确立了毛泽东同志在党中央和红军的领导地位，开始确立以毛泽东同志为主要代表的马克思主义正确路线在党中央的领导地位，开始形成以毛泽东同志为核心的党的第一代中央领导集体，开启了党独立自主解决中国革命实际问题新阶段，在最危急关头挽救了党、挽救了红军、挽救了中国革命，并且在这以后使党能够战胜张国焘的分裂主义，胜利完成长征，打开中国革命新局面。这在党的历史上是一个生死攸关的转折点。

　　抗日战争时期，九一八事变后，中日民族矛盾逐渐超越国内阶级矛盾上升为主要矛盾。在日本帝国主义加紧侵略我国、民族危机空前严重的关头，党率先高举武装抗日旗帜，广泛开展抗日救亡运动，促成西安事变和平解决，对推动国共再次合作、团结抗日起了重大历史作用。七七事变后，党实行正确的抗日民族统一战线政策，坚持全面抗战路线，提出和实施持久战的战略总方针和一整套人民战争的战略战术，开辟广大敌后战场和抗日根据地，领导八路军、新四军、东北抗日联军和其他人民抗日武装英勇作战，成为全民族抗战的中流砥柱，直到取得中国人民抗日战争最后胜利。这是近代以来中国人民反抗外敌入侵第一次取得完全胜利的民族解放斗争，也是世界反法西斯战争胜利的重要组成部分。

　　解放战争时期，面对国民党反动派悍然发动的全面内战，党领导广大军民逐步由积极防御转向战略进攻，打赢辽沈、淮海、平津三大战役和渡江战役，向中南、西北、西南胜利进军，消灭国民党反动派八百万军队，推翻国民党反动政府，推翻帝国主义、封建主义、官僚资本主义三座大山。党领导的人民军队在人民支持下，以一往无前的英雄气概同穷凶极恶的敌人进行殊死斗争，为夺取新民主主义革命胜利建立了历史功勋。

　　在革命斗争中，以毛泽东同志为主要代表的中国共产党人，把马克思列宁主义基本原理同中国具体实际相结合，对经过艰苦探索、付出巨大牺牲积累的一系列独创性经验作了理论概括，开辟了农村包围城市、武装夺取政权的正确革命道路，创立了毛泽东思想，为夺取新民主主义革命胜利指明了正确方向。

　　在革命斗争中，党弘扬坚持真理、坚守理想，践行初心、担当使命，不怕牺牲、英勇斗争，对党忠诚、不负人民的伟大建党精神，实施和推进党的建设伟大工程，提出着重从思想上建党的原则，坚持民主集中制，坚持理论联系实际、密切联系群众、批评和自我批评三大优良作风，形成统一战线、武装斗争、党的建设三大法宝，努力建设全国范围的、广大群众性的、思想上政治上组织上完全巩固的马克思主义政党。党从一九四二年开始在全党进行整风，这场马克思主义思想教育运动收到巨大成效。党制定《关于若干历史问题的决议》，使全党对中国革命基本问题的认识达到一致。党的七大为建立新民主主义的新中国制定了正确路线方针政策，使全党在思想上政治上组织上达到空前统一和团结。

　　经过二十八年浴血奋斗，党领导人民，在各民主党派和无党派民主人士积极合作下，于一九四九年十月一日宣告成立中华人民共和国，实现民族独立、人民解放，彻底结束了旧中国半殖民地半封建社会的历史，彻底结束了极少数剥削者统治广大劳动人民的历史，彻底结束了旧中国一盘散沙的局面，彻底废除了列强强加给中国的不平等条约和帝国主义在中国的一切特权，实现了中国从几千年封建专制政治向人民民主的伟大飞跃，也极大改变了世界政治格局，鼓舞了全世界被压迫民族和被压迫人民争取解放的斗争。

　　实践充分说明，历史和人民选择了中国共产党，没有中国共产党领导，民族独立、人民解放是不可能实现的。中国共产党和中国人民以英勇顽强的奋斗向世界庄严宣告，中国人民从此站起来了，中华民族任人宰割、饱受欺凌的时代一去不复返了，中国发展从此开启了新纪元。

　　二、完成社会主义革命和推进社会主义建设

　　社会主义革命和建设时期，党面临的主要任务是，实现从新民主主义到社会主义的转变，进行社会主义革命，推进社会主义建设，为实现中华民族伟大复兴奠定根本政治前提和制度基础。

　　新中国成立后，党领导人民战胜政治、经济、军事等方面一系列严峻挑战，肃清国民党反动派残余武装力量和土匪，和平解放西藏，实现祖国大陆完全统一；稳定物价，统一财经工作，完成土地改革，进行社会各方面民主改革，实行男女权利平等，镇压反革命，开展“三反”、“五反”运动，荡涤旧社会留下的污泥浊水，社会面貌焕然一新。中国人民志愿军雄赳赳、气昂昂跨过鸭绿江，同朝鲜人民和军队并肩战斗，战胜武装到牙齿的强敌，打出了国威军威，打出了中国人民的精气神，赢得抗美援朝战争伟大胜利，捍卫了新中国安全，彰显了新中国大国地位。新中国在错综复杂的国内国际环境中站稳了脚跟。

　　党领导建立和巩固工人阶级领导的、以工农联盟为基础的人民民主专政的国家政权，为国家迅速发展创造了条件。一九四九年，中国人民政治协商会议第一届全体会议制定《中国人民政治协商会议共同纲领》。一九五三年，党正式提出过渡时期的总路线，即在一个相当长的时期内，逐步实现国家的社会主义工业化，并逐步实现国家对农业、手工业和资本主义工商业的社会主义改造。一九五四年，召开第一届全国人民代表大会第一次会议，通过了《中华人民共和国宪法》。一九五六年，我国基本上完成对生产资料私有制的社会主义改造，基本上实现生产资料公有制和按劳分配，建立起社会主义经济制度。党领导确立人民代表大会制度、中国共产党领导的多党合作和政治协商制度、民族区域自治制度，为人民当家作主提供了制度保证。党领导实现和巩固了全国各族人民的大团结，形成和发展各民族平等互助的社会主义民族关系，实现和巩固全国工人、农民、知识分子和其他各阶层人民的大团结，加强和扩大了广泛统一战线。社会主义制度的建立，为我国一切进步和发展奠定了重要基础。

　　党的八大根据我国社会主义改造基本完成后的形势，提出国内主要矛盾已经不再是工人阶级和资产阶级的矛盾，而是人民对于经济文化迅速发展的需要同当前经济文化不能满足人民需要的状况之间的矛盾，全国人民的主要任务是集中力量发展社会生产力，实现国家工业化，逐步满足人民日益增长的物质和文化需要。党提出努力把我国逐步建设成为一个具有现代农业、现代工业、现代国防和现代科学技术的社会主义强国，领导人民开展全面的大规模的社会主义建设。经过实施几个五年计划，我国建立起独立的比较完整的工业体系和国民经济体系，农业生产条件显著改变，教育、科学、文化、卫生、体育事业有很大发展。“两弹一星”等国防尖端科技不断取得突破，国防工业从无到有逐步发展起来。人民解放军得到壮大和提高，由单一的陆军发展成为包括海军、空军和其他技术兵种在内的合成军队，为巩固新生人民政权、确立中国大国地位、维护中华民族尊严提供了坚强后盾。

　　党坚持独立自主的和平外交政策，倡导和坚持和平共处五项原则，坚定维护国家独立、主权、尊严，支持和援助世界被压迫民族解放事业、新独立国家建设事业和各国人民正义斗争，反对帝国主义、霸权主义、殖民主义、种族主义，彻底结束了旧中国的屈辱外交。党审时度势调整外交战略，推动恢复我国在联合国的一切合法权利，打开对外工作新局面，推动形成国际社会坚持一个中国原则的格局。党提出划分三个世界的战略，作出中国永远不称霸的庄严承诺，赢得国际社会特别是广大发展中国家尊重和赞誉。

　　党充分预见到在全国执政面临的新挑战，早在解放战争取得全国胜利前夕召开的党的七届二中全会就向全党提出，务必继续保持谦虚、谨慎、不骄、不躁的作风，务必继续保持艰苦奋斗的作风。新中国成立后，党着重提出执政条件下党的建设的重大课题，从思想上组织上作风上加强党的建设、巩固党的领导。党加强干部理论学习和知识培训，提高党的领导水平，要求全党特别是党的高级干部增强维护党的团结统一的自觉性。党开展整风整党，加强党内教育，整顿基层党组织，提高党员条件，反对官僚主义、命令主义和贪污浪费。党高度警惕并着力防范党员干部腐化变质，坚决惩治腐败。这些重要举措，增强了党的纯洁性和全党的团结，密切了党同人民群众的联系，积累了执政党建设的初步经验。

　　在这个时期，毛泽东同志提出把马克思列宁主义基本原理同中国具体实际进行“第二次结合”，以毛泽东同志为主要代表的中国共产党人，结合新的实际丰富和发展毛泽东思想，提出关于社会主义建设的一系列重要思想，包括社会主义社会是一个很长的历史阶段，严格区分和正确处理敌我矛盾和人民内部矛盾，正确处理我国社会主义建设的十大关系，走出一条适合我国国情的工业化道路，尊重价值规律，在党与民主党派的关系上实行“长期共存、互相监督”的方针，在科学文化工作中实行“百花齐放、百家争鸣”的方针等。这些独创性理论成果至今仍有重要指导意义。

　　毛泽东思想是马克思列宁主义在中国的创造性运用和发展，是被实践证明了的关于中国革命和建设的正确的理论原则和经验总结，是马克思主义中国化的第一次历史性飞跃。毛泽东思想的活的灵魂是贯穿于各个组成部分的立场、观点、方法，体现为实事求是、群众路线、独立自主三个基本方面，为党和人民事业发展提供了科学指引。

　　遗憾的是，党的八大形成的正确路线未能完全坚持下去，先后出现“大跃进”运动、人民公社化运动等错误，反右派斗争也被严重扩大化。面对当时严峻复杂的外部环境，党极为关注社会主义政权巩固，为此进行了多方面努力。然而，毛泽东同志在关于社会主义社会阶级斗争的理论和实践上的错误发展得越来越严重，党中央未能及时纠正这些错误。毛泽东同志对当时我国阶级形势以及党和国家政治状况作出完全错误的估计，发动和领导了“文化大革命”，林彪、江青两个反革命集团利用毛泽东同志的错误，进行了大量祸国殃民的罪恶活动，酿成十年内乱，使党、国家、人民遭到新中国成立以来最严重的挫折和损失，教训极其惨痛。一九七六年十月，中央政治局执行党和人民的意志，毅然粉碎了“四人帮”，结束了“文化大革命”这场灾难。

　　从新中国成立到改革开放前夕，党领导人民完成社会主义革命，消灭一切剥削制度，实现了中华民族有史以来最为广泛而深刻的社会变革，实现了一穷二白、人口众多的东方大国大步迈进社会主义社会的伟大飞跃。在探索过程中，虽然经历了严重曲折，但党在社会主义革命和建设中取得的独创性理论成果和巨大成就，为在新的历史时期开创中国特色社会主义提供了宝贵经验、理论准备、物质基础。

　　中国共产党和中国人民以英勇顽强的奋斗向世界庄严宣告，中国人民不但善于破坏一个旧世界、也善于建设一个新世界，只有社会主义才能救中国，只有社会主义才能发展中国。

　　三、进行改革开放和社会主义现代化建设

　　改革开放和社会主义现代化建设新时期，党面临的主要任务是，继续探索中国建设社会主义的正确道路，解放和发展社会生产力，使人民摆脱贫困、尽快富裕起来，为实现中华民族伟大复兴提供充满新的活力的体制保证和快速发展的物质条件。

　　“文化大革命”结束以后，在党和国家面临何去何从的重大历史关头，党深刻认识到，只有实行改革开放才是唯一出路，否则我们的现代化事业和社会主义事业就会被葬送。一九七八年十二月，党召开十一届三中全会，果断结束“以阶级斗争为纲”，实现党和国家工作中心战略转移，开启了改革开放和社会主义现代化建设新时期，实现了新中国成立以来党的历史上具有深远意义的伟大转折。党作出彻底否定“文化大革命”的重大决策。四十多年来，党始终不渝坚持这次全会确立的路线方针政策。

　　党的十一届三中全会以后，以邓小平同志为主要代表的中国共产党人，团结带领全党全国各族人民，深刻总结新中国成立以来正反两方面经验，围绕什么是社会主义、怎样建设社会主义这一根本问题，借鉴世界社会主义历史经验，创立了邓小平理论，解放思想，实事求是，作出把党和国家工作中心转移到经济建设上来、实行改革开放的历史性决策，深刻揭示社会主义本质，确立社会主义初级阶段基本路线，明确提出走自己的路、建设中国特色社会主义，科学回答了建设中国特色社会主义的一系列基本问题，制定了到二十一世纪中叶分三步走、基本实现社会主义现代化的发展战略，成功开创了中国特色社会主义。

　　党的十三届四中全会以后，以江泽民同志为主要代表的中国共产党人，团结带领全党全国各族人民，坚持党的基本理论、基本路线，加深了对什么是社会主义、怎样建设社会主义和建设什么样的党、怎样建设党的认识，形成了“三个代表”重要思想，在国内外形势十分复杂、世界社会主义出现严重曲折的严峻考验面前捍卫了中国特色社会主义，确立了社会主义市场经济体制的改革目标和基本框架，确立了社会主义初级阶段公有制为主体、多种所有制经济共同发展的基本经济制度和按劳分配为主体、多种分配方式并存的分配制度，开创全面改革开放新局面，推进党的建设新的伟大工程，成功把中国特色社会主义推向二十一世纪。

　　党的十六大以后，以胡锦涛同志为主要代表的中国共产党人，团结带领全党全国各族人民，在全面建设小康社会进程中推进实践创新、理论创新、制度创新，深刻认识和回答了新形势下实现什么样的发展、怎样发展等重大问题，形成了科学发展观，抓住重要战略机遇期，聚精会神搞建设，一心一意谋发展，强调坚持以人为本、全面协调可持续发展，着力保障和改善民生，促进社会公平正义，推进党的执政能力建设和先进性建设，成功在新形势下坚持和发展了中国特色社会主义。

　　为了推进改革开放，党重新确立马克思主义的思想路线、政治路线、组织路线，彻底否定“两个凡是”的错误方针，正确评价毛泽东同志的历史地位和毛泽东思想的科学体系。党明确我国社会的主要矛盾是人民日益增长的物质文化需要同落后的社会生产之间的矛盾，解决这个主要矛盾就是我们的中心任务，提出小康社会目标。党在各方面工作中恢复并制定一系列正确政策，调整国民经济。党领导全面开展思想、政治、组织等领域拨乱反正，大规模平反冤假错案和调整社会关系。党制定《关于建国以来党的若干历史问题的决议》，标志着党在指导思想上的拨乱反正胜利完成。

　　党深刻认识到，开创改革开放和社会主义现代化建设新局面，必须以理论创新引领事业发展。邓小平同志指出，一个党，一个国家，一个民族，如果一切从本本出发，思想僵化，迷信盛行，那它就不能前进，它的生机就停止了，就要亡党亡国。党领导和支持开展真理标准问题大讨论，从新的实践和时代特征出发坚持和发展马克思主义，科学回答了建设中国特色社会主义的发展道路、发展阶段、根本任务、发展动力、发展战略、政治保证、祖国统一、外交和国际战略、领导力量和依靠力量等一系列基本问题，形成中国特色社会主义理论体系，实现了马克思主义中国化新的飞跃。

　　党的十二大、十三大、十四大、十五大、十六大、十七大，根据国际国内形势发展变化，从我国发展新要求出发，一以贯之对推进改革开放和社会主义现代化建设作出全面部署，并召开多次中央全会专题研究部署改革发展稳定重大工作。我国改革从农村实行家庭联产承包责任制率先突破，逐步转向城市经济体制改革并全面铺开，确立社会主义市场经济的改革方向，更大程度更广范围发挥市场在资源配置中的基础性作用，坚持和完善基本经济制度和分配制度。党坚决推进经济体制改革，同时进行政治、文化、社会等各领域体制改革，推进党的建设制度改革，不断形成和发展符合当代中国国情、充满生机活力的体制机制。党把对外开放确立为基本国策，从兴办深圳等经济特区、开发开放浦东、推动沿海沿边沿江沿线和内陆中心城市对外开放到加入世界贸易组织，从“引进来”到“走出去”，充分利用国际国内两个市场、两种资源。经过持续推进改革开放，我国实现了从高度集中的计划经济体制到充满活力的社会主义市场经济体制、从封闭半封闭到全方位开放的历史性转变。

　　为了加快推进社会主义现代化，党领导人民进行经济建设、政治建设、文化建设、社会建设，取得一系列重大成就。党坚持以经济建设为中心，坚持发展是硬道理，提出科学技术是第一生产力，实施科教兴国、可持续发展、人才强国等重大战略，推进西部大开发，振兴东北地区等老工业基地，促进中部地区崛起，支持东部地区率先发展，促进城乡、区域协调发展，推进国有企业改革和发展，鼓励和支持发展非公有制经济，加快转变经济发展方式，加强生态环境保护，推动经济持续快速发展，综合国力大幅提升。党坚持党的领导、人民当家作主、依法治国有机统一，发展社会主义民主政治，建设社会主义政治文明，积极稳妥推进政治体制改革，坚持依法治国和以德治国相结合，制定新宪法，建设社会主义法治国家，形成中国特色社会主义法律体系，尊重和保障人权，巩固和发展最广泛的爱国统一战线。党加强理想信念教育，推进社会主义核心价值体系建设，建设社会主义精神文明，发展社会主义先进文化，推动社会主义文化大发展大繁荣。党加快推进以改善民生为重点的社会建设，改善人民生活，取消农业税，不断推进学有所教、劳有所得、病有所医、老有所养、住有所居，促进社会和谐稳定。党提出建设强大的现代化正规化革命军队的总目标，把军事斗争准备的基点放在打赢信息化条件下的局部战争上，推进中国特色军事变革，走中国特色精兵之路。

　　面对风云变幻的国际形势，党毫不动摇坚持四项基本原则，坚决排除各种干扰，从容应对关系我国改革发展稳定全局的一系列风险考验。二十世纪八十年代末九十年代初，苏联解体、东欧剧变。由于国际上反共反社会主义的敌对势力的支持和煽动，国际大气候和国内小气候导致一九八九年春夏之交我国发生严重政治风波。党和政府依靠人民，旗帜鲜明反对动乱，捍卫了社会主义国家政权，维护了人民根本利益。党领导人民成功应对亚洲金融危机、国际金融危机等经济风险，成功举办二〇〇八年北京奥运会、残奥会，战胜长江和嫩江、松花江流域严重洪涝、汶川特大地震等自然灾害，战胜非典疫情，彰显了党抵御风险和驾驭复杂局面的能力。

　　党把完成祖国统一大业作为历史重任，为此进行不懈努力。邓小平同志创造性提出“一个国家，两种制度”科学构想，开辟了以和平方式实现祖国统一的新途径。经过艰巨工作和斗争，我国政府相继对香港、澳门恢复行使主权，洗雪了中华民族百年耻辱。香港、澳门回归祖国后，中央政府严格按照宪法和特别行政区基本法办事，保持香港、澳门长期繁荣稳定。党把握解决台湾问题大局，确立“和平统一、一国两制”基本方针，推动两岸双方达成体现一个中国原则的“九二共识”，推进两岸协商谈判，实现全面直接双向“三通”，开启两岸政党交流。制定反分裂国家法，坚决遏制“台独”势力、促进祖国统一，有力挫败各种制造“两个中国”、“一中一台”、“台湾独立”的图谋。

　　党科学判断时代特征和国际形势，提出和平与发展是当今时代的主题。党坚持维护世界和平、促进共同发展的外交政策宗旨，调整同主要大国的关系，发展同周边国家的睦邻友好关系，深化同广大发展中国家的友好合作，积极参与国际和地区事务，建立起全方位多层次的对外关系新格局。党积极促进世界多极化和国际关系民主化，推动经济全球化朝着有利于共同繁荣的方向发展，旗帜鲜明反对霸权主义和强权政治，坚定维护广大发展中国家利益，推动建立公正合理的国际政治经济新秩序，促进世界持久和平、共同繁荣。

　　党始终强调，治国必先治党，治党务必从严，聚精会神抓好党的建设，开创和推进党的建设新的伟大工程。党制定关于党内政治生活的若干准则，健全民主集中制，发扬党内民主，实现党内政治生活正常化；有计划有步骤进行整党，着力解决党内思想不纯、作风不纯、组织不纯问题；按照革命化、年轻化、知识化、专业化方针加强干部队伍建设，大力选拔中青年干部，促进干部队伍新老交替。党围绕解决好提高党的领导水平和执政水平、提高拒腐防变和抵御风险能力这两大历史性课题，以执政能力建设和先进性建设为主线，先后就加强党同人民群众联系、加强和改进党的作风建设、加强党的执政能力建设等重大问题作出决定，组织开展“讲学习、讲政治、讲正气”教育、“三个代表”重要思想学习教育活动、保持共产党员先进性教育活动、学习实践科学发展观活动等集中性学习教育。党把党风廉政建设和反腐败斗争提高到关系党和国家生死存亡的高度，推进惩治和预防腐败体系建设。

　　改革开放四十周年之际，党中央隆重举行庆祝大会，习近平同志发表重要讲话，全面总结四十年改革开放取得的伟大成就和宝贵经验，强调改革开放是党的一次伟大觉醒，是中国人民和中华民族发展史上一次伟大革命，发出将改革开放进行到底的伟大号召。改革开放和社会主义现代化建设的伟大成就举世瞩目，我国实现了从生产力相对落后的状况到经济总量跃居世界第二的历史性突破，实现了人民生活从温饱不足到总体小康、奔向全面小康的历史性跨越，推进了中华民族从站起来到富起来的伟大飞跃。

　　中国共产党和中国人民以英勇顽强的奋斗向世界庄严宣告，改革开放是决定当代中国前途命运的关键一招，中国特色社会主义道路是指引中国发展繁荣的正确道路，中国大踏步赶上了时代。

　　四、开创中国特色社会主义新时代

　　党的十八大以来，中国特色社会主义进入新时代。党面临的主要任务是，实现第一个百年奋斗目标，开启实现第二个百年奋斗目标新征程，朝着实现中华民族伟大复兴的宏伟目标继续前进。

　　以习近平同志为核心的党中央统筹把握中华民族伟大复兴战略全局和世界百年未有之大变局，强调中国特色社会主义新时代是承前启后、继往开来、在新的历史条件下继续夺取中国特色社会主义伟大胜利的时代，是决胜全面建成小康社会、进而全面建设社会主义现代化强国的时代，是全国各族人民团结奋斗、不断创造美好生活、逐步实现全体人民共同富裕的时代，是全体中华儿女勠力同心、奋力实现中华民族伟大复兴中国梦的时代，是我国不断为人类作出更大贡献的时代。中国特色社会主义新时代是我国发展新的历史方位。

　　以习近平同志为主要代表的中国共产党人，坚持把马克思主义基本原理同中国具体实际相结合、同中华优秀传统文化相结合，坚持毛泽东思想、邓小平理论、“三个代表”重要思想、科学发展观，深刻总结并充分运用党成立以来的历史经验，从新的实际出发，创立了习近平新时代中国特色社会主义思想，明确中国特色社会主义最本质的特征是中国共产党领导，中国特色社会主义制度的最大优势是中国共产党领导，中国共产党是最高政治领导力量，全党必须增强“四个意识”、坚定“四个自信”、做到“两个维护”；明确坚持和发展中国特色社会主义，总任务是实现社会主义现代化和中华民族伟大复兴，在全面建成小康社会的基础上，分两步走在本世纪中叶建成富强民主文明和谐美丽的社会主义现代化强国，以中国式现代化推进中华民族伟大复兴；明确新时代我国社会主要矛盾是人民日益增长的美好生活需要和不平衡不充分的发展之间的矛盾，必须坚持以人民为中心的发展思想，发展全过程人民民主，推动人的全面发展、全体人民共同富裕取得更为明显的实质性进展；明确中国特色社会主义事业总体布局是经济建设、政治建设、文化建设、社会建设、生态文明建设五位一体，战略布局是全面建设社会主义现代化国家、全面深化改革、全面依法治国、全面从严治党四个全面；明确全面深化改革总目标是完善和发展中国特色社会主义制度、推进国家治理体系和治理能力现代化；明确全面推进依法治国总目标是建设中国特色社会主义法治体系、建设社会主义法治国家；明确必须坚持和完善社会主义基本经济制度，使市场在资源配置中起决定性作用，更好发挥政府作用，把握新发展阶段，贯彻创新、协调、绿色、开放、共享的新发展理念，加快构建以国内大循环为主体、国内国际双循环相互促进的新发展格局，推动高质量发展，统筹发展和安全；明确党在新时代的强军目标是建设一支听党指挥、能打胜仗、作风优良的人民军队，把人民军队建设成为世界一流军队；明确中国特色大国外交要服务民族复兴、促进人类进步，推动建设新型国际关系，推动构建人类命运共同体；明确全面从严治党的战略方针，提出新时代党的建设总要求，全面推进党的政治建设、思想建设、组织建设、作风建设、纪律建设，把制度建设贯穿其中，深入推进反腐败斗争，落实管党治党政治责任，以伟大自我革命引领伟大社会革命。这些战略思想和创新理念，是党对中国特色社会主义建设规律认识深化和理论创新的重大成果。

　　习近平同志对关系新时代党和国家事业发展的一系列重大理论和实践问题进行了深邃思考和科学判断，就新时代坚持和发展什么样的中国特色社会主义、怎样坚持和发展中国特色社会主义，建设什么样的社会主义现代化强国、怎样建设社会主义现代化强国，建设什么样的长期执政的马克思主义政党、怎样建设长期执政的马克思主义政党等重大时代课题，提出一系列原创性的治国理政新理念新思想新战略，是习近平新时代中国特色社会主义思想的主要创立者。习近平新时代中国特色社会主义思想是当代中国马克思主义、二十一世纪马克思主义，是中华文化和中国精神的时代精华，实现了马克思主义中国化新的飞跃。党确立习近平同志党中央的核心、全党的核心地位，确立习近平新时代中国特色社会主义思想的指导地位，反映了全党全军全国各族人民共同心愿，对新时代党和国家事业发展、对推进中华民族伟大复兴历史进程具有决定性意义。

　　改革开放以后，党和国家事业取得重大成就，为新时代发展中国特色社会主义事业奠定了坚实基础、创造了有利条件。同时，党清醒认识到，外部环境变化带来许多新的风险挑战，国内改革发展稳定面临不少长期没有解决的深层次矛盾和问题以及新出现的一些矛盾和问题，管党治党一度宽松软带来党内消极腐败现象蔓延、政治生态出现严重问题，党群干群关系受到损害，党的创造力、凝聚力、战斗力受到削弱，党治国理政面临重大考验。

　　以习近平同志为核心的党中央，以伟大的历史主动精神、巨大的政治勇气、强烈的责任担当，统筹国内国际两个大局，贯彻党的基本理论、基本路线、基本方略，统揽伟大斗争、伟大工程、伟大事业、伟大梦想，坚持稳中求进工作总基调，出台一系列重大方针政策，推出一系列重大举措，推进一系列重大工作，战胜一系列重大风险挑战，解决了许多长期想解决而没有解决的难题，办成了许多过去想办而没有办成的大事，推动党和国家事业取得历史性成就、发生历史性变革。

　　（一）在坚持党的全面领导上

　　改革开放以后，党为加强和改善党的领导进行持续努力，为党和国家事业发展提供了根本政治保证。同时，党内也存在不少对坚持党的领导认识模糊、行动乏力问题，存在不少落实党的领导弱化、虚化、淡化、边缘化问题，特别是对党中央重大决策部署执行不力，有的搞上有政策、下有对策，甚至口是心非、擅自行事。以习近平同志为核心的党中央旗帜鲜明提出，党的领导是党和国家的根本所在、命脉所在，是全国各族人民的利益所系、命运所系，全党必须自觉在思想上政治上行动上同党中央保持高度一致，提高科学执政、民主执政、依法执政水平，提高把方向、谋大局、定政策、促改革的能力，确保充分发挥党总揽全局、协调各方的领导核心作用。

　　党明确提出，党的领导是全面的、系统的、整体的，保证党的团结统一是党的生命；党中央集中统一领导是党的领导的最高原则，加强和维护党中央集中统一领导是全党共同的政治责任，坚持党的领导首先要旗帜鲜明讲政治，保证全党服从中央。党的十八届六中全会通过关于新形势下党内政治生活的若干准则，党中央出台中央政治局加强和维护党中央集中统一领导的若干规定，严明党的政治纪律和政治规矩，防止和反对个人主义、分散主义、自由主义、本位主义、好人主义等，发展积极健康的党内政治文化，推动营造风清气正的良好政治生态。党中央要求党的领导干部提高政治判断力、政治领悟力、政治执行力，胸怀“国之大者”，对党忠诚、听党指挥、为党尽责。党健全党的领导制度体系，完善党领导人大、政府、政协、监察机关、审判机关、检察机关、武装力量、人民团体、企事业单位、基层群众性自治组织、社会组织等制度，确保党在各种组织中发挥领导作用。党坚持民主集中制，建立健全党对重大工作的领导体制，强化党中央决策议事协调机构职能作用，完善推动党中央重大决策落实机制，严格执行向党中央请示报告制度，强化政治监督，深化政治巡视，查处违背党的路线方针政策、破坏党的集中统一领导问题，清除“两面人”，保证全党在政治立场、政治方向、政治原则、政治道路上同党中央保持高度一致。

　　党的十八大以来，党中央权威和集中统一领导得到有力保证，党的领导制度体系不断完善，党的领导方式更加科学，全党思想上更加统一、政治上更加团结、行动上更加一致，党的政治领导力、思想引领力、群众组织力、社会号召力显著增强。

　　（二）在全面从严治党上

　　改革开放以后，党坚持党要管党、从严治党，推进党的建设取得明显成效。同时，由于一度出现管党不力、治党不严问题，有些党员、干部政治信仰出现严重危机，一些地方和部门选人用人风气不正，形式主义、官僚主义、享乐主义和奢靡之风盛行，特权思想和特权现象较为普遍存在。特别是搞任人唯亲、排斥异己的有之，搞团团伙伙、拉帮结派的有之，搞匿名诬告、制造谣言的有之，搞收买人心、拉动选票的有之，搞封官许愿、弹冠相庆的有之，搞自行其是、阳奉阴违的有之，搞尾大不掉、妄议中央的也有之，政治问题和经济问题相互交织，贪腐程度触目惊心。这“七个有之”问题严重影响党的形象和威信，严重损害党群干群关系，引起广大党员、干部、群众强烈不满和义愤。习近平同志强调，打铁必须自身硬，办好中国的事情，关键在党，关键在党要管党、全面从严治党。必须以加强党的长期执政能力建设、先进性和纯洁性建设为主线，以党的政治建设为统领，以坚定理想信念宗旨为根基，以调动全党积极性、主动性、创造性为着力点，不断提高党的建设质量，把党建设成为始终走在时代前列、人民衷心拥护、勇于自我革命、经得起各种风浪考验、朝气蓬勃的马克思主义执政党。党以永远在路上的清醒和坚定，坚持严的主基调，突出抓住“关键少数”，落实主体责任和监督责任，强化监督执纪问责，把全面从严治党贯穿于党的建设各方面。党中央召开各领域党建工作会议作出有力部署，推动党的建设全面进步。

　　党中央强调，我们党来自人民、植根人民、服务人民，一旦脱离群众就会失去生命力，全面从严治党必须从人民群众反映强烈的作风问题抓起。党中央从制定和落实中央八项规定破题，坚持从中央政治局做起、从领导干部抓起，以上率下改进工作作风。中央政治局每年召开民主生活会，听取贯彻执行八项规定情况汇报，开展批评和自我批评。党中央发扬钉钉子精神，持之以恒纠治“四风”，反对特权思想和特权现象，狠刹公款送礼、公款吃喝、公款旅游、奢侈浪费等不正之风，解决群众反映强烈、损害群众利益的突出问题，推进基层减负，倡导勤俭节约、反对铺张浪费，刹住了一些过去被认为不可能刹住的歪风，纠治了一些多年未除的顽瘴痼疾，党风政风和社会风气为之一新。

　　党历来强调，全党必须做到理想信念坚定、组织体系严密、纪律规矩严明。马克思主义信仰、共产主义远大理想、中国特色社会主义共同理想，是中国共产党人的精神支柱和政治灵魂，也是保持党的团结统一的思想基础。党中央强调，理想信念是共产党人精神上的“钙”，共产党人如果没有理想信念，精神上就会“缺钙”，就会得“软骨病”，必然导致政治上变质、经济上贪婪、道德上堕落、生活上腐化。党坚持思想建党和制度治党同向发力，先后开展党的群众路线教育实践活动、“严以修身、严以用权、严以律己，谋事要实、创业要实、做人要实”专题教育、“学党章党规、学系列讲话，做合格党员”学习教育、“不忘初心、牢记使命”主题教育、党史学习教育等，用党的创新理论武装全党，推进学习型政党建设，教育引导广大党员、干部特别是领导干部从思想上正本清源、固本培元，筑牢信仰之基、补足精神之钙、把稳思想之舵，保持共产党人政治本色，挺起共产党人的精神脊梁。党提出和贯彻新时代党的组织路线，明确信念坚定、为民服务、勤政务实、敢于担当、清正廉洁的新时代好干部标准，突出政治素质要求、树立正确用人导向，坚持德才兼备、以德为先，坚持五湖四海、任人唯贤，坚持事业为上、公道正派，坚持不唯票、不唯分、不唯生产总值、不唯年龄，不搞“海推”、“海选”，强化党组织领导和把关作用，纠正选人用人上的不正之风。党要求各级领导干部解决好世界观、人生观、价值观这个“总开关”问题，珍惜权力、管好权力、慎用权力，自觉接受各方面监督，时刻想着为党分忧、为国奉献、为民造福。党坚持党管人才原则，实行更加积极、更加开放、更加有效的人才政策，深入实施新时代人才强国战略，加快建设世界重要人才中心和创新高地，聚天下英才而用之。党不断健全组织体系，以提升组织力为重点，增强党组织政治功能和组织功能，树立大抓基层的鲜明导向，推动党的组织和党的工作全覆盖。党坚持纪严于法、执纪执法贯通，用好监督执纪“四种形态”，强化政治纪律和组织纪律，带动各项纪律全面严起来。党坚持依规治党，严格遵守党章，形成比较完善的党内法规体系，严格制度执行，党的建设科学化、制度化、规范化水平明显提高。

　　党中央强调，腐败是党长期执政的最大威胁，反腐败是一场输不起也决不能输的重大政治斗争，不得罪成百上千的腐败分子，就要得罪十四亿人民，必须把权力关进制度的笼子里，依纪依法设定权力、规范权力、制约权力、监督权力。党坚持不敢腐、不能腐、不想腐一体推进，惩治震慑、制度约束、提高觉悟一体发力，确保党和人民赋予的权力始终用来为人民谋幸福。坚持无禁区、全覆盖、零容忍，坚持重遏制、强高压、长震慑，坚持受贿行贿一起查，坚持有案必查、有腐必惩，以猛药去疴、重典治乱的决心，以刮骨疗毒、壮士断腕的勇气，坚定不移“打虎”、“拍蝇”、“猎狐”。坚决整治群众身边腐败问题，深入开展国际追逃追赃，清除一切腐败分子。党聚焦政治问题和经济问题交织的腐败案件，防止党内形成利益集团，查处周永康、薄熙来、孙政才、令计划等严重违纪违法案件。党领导完善党和国家监督体系，推动设立国家监察委员会和地方各级监察委员会，构建巡视巡察上下联动格局，构建以党内监督为主导、各类监督贯通协调的机制，加强对权力运行的制约和监督。

　　党的十八大以来，经过坚决斗争，全面从严治党的政治引领和政治保障作用充分发挥，党的自我净化、自我完善、自我革新、自我提高能力显著增强，管党治党宽松软状况得到根本扭转，反腐败斗争取得压倒性胜利并全面巩固，消除了党、国家、军队内部存在的严重隐患，党在革命性锻造中更加坚强。

　　（三）在经济建设上

　　改革开放以后，党扭住经济建设这个中心，领导人民埋头苦干，创造出经济快速发展奇迹，国家经济实力大幅跃升。同时，由于一些地方和部门存在片面追求速度规模、发展方式粗放等问题，加上国际金融危机后世界经济持续低迷影响，经济结构性体制性矛盾不断积累，发展不平衡、不协调、不可持续问题十分突出。党中央提出，我国经济发展进入新常态，已由高速增长阶段转向高质量发展阶段，面临增长速度换挡期、结构调整阵痛期、前期刺激政策消化期“三期叠加”的复杂局面，传统发展模式难以为继。党中央强调，贯彻新发展理念是关系我国发展全局的一场深刻变革，不能简单以生产总值增长率论英雄，必须实现创新成为第一动力、协调成为内生特点、绿色成为普遍形态、开放成为必由之路、共享成为根本目的的高质量发展，推动经济发展质量变革、效率变革、动力变革。

　　党加强对经济工作的战略谋划和统一领导，完善党领导经济工作体制机制。党的十八届五中全会、党的十九大、党的十九届五中全会和历次中央经济工作会议集中对我国发展作出部署，作出坚持以高质量发展为主题、以供给侧结构性改革为主线、建设现代化经济体系、把握扩大内需战略基点，打好防范化解重大风险、精准脱贫、污染防治三大攻坚战等重大决策。党毫不动摇巩固和发展公有制经济，毫不动摇鼓励、支持、引导非公有制经济发展，支持国有资本和国有企业做强做优做大，建立中国特色现代企业制度，增强国有经济竞争力、创新力、控制力、影响力、抗风险能力；构建亲清政商关系，促进非公有制经济健康发展和非公有制经济人士健康成长。党坚持实施创新驱动发展战略，把科技自立自强作为国家发展的战略支撑，健全新型举国体制，强化国家战略科技力量，加强基础研究，推进关键核心技术攻关和自主创新，强化知识产权创造、保护、运用，加快建设创新型国家和世界科技强国。全面实施供给侧结构性改革，推进去产能、去库存、去杠杆、降成本、补短板，落实巩固、增强、提升、畅通要求，推进制造强国建设，加快发展现代产业体系，壮大实体经济，发展数字经济。完善宏观经济治理，创新宏观调控思路和方式，增强宏观政策自主性，实施积极的财政政策和稳健的货币政策，坚持推进简政放权、放管结合、优化服务，保障粮食安全、能源资源安全、产业链供应链安全，坚持金融为实体经济服务，全面加强金融监管，防范化解经济金融领域风险，强化市场监管和反垄断规制，防止资本无序扩张，维护市场秩序，激发各类市场主体特别是中小微企业活力，保护广大劳动者和消费者权益。党实施区域协调发展战略，促进京津冀协同发展、长江经济带发展、粤港澳大湾区建设、长三角一体化发展、黄河流域生态保护和高质量发展，高标准高质量建设雄安新区，推动西部大开发形成新格局，推动东北振兴取得新突破，推动中部地区高质量发展，鼓励东部地区加快推进现代化，支持革命老区、民族地区、边疆地区、贫困地区改善生产生活条件。推进以人为核心的新型城镇化，加强城市规划、建设、管理。党始终把解决好“三农”问题作为全党工作重中之重，实施乡村振兴战略，加快推进农业农村现代化，坚持藏粮于地、藏粮于技，实行最严格的耕地保护制度，推动种业科技自立自强、种源自主可控，确保把中国人的饭碗牢牢端在自己手中。

　　党的十八大以来，我国经济发展平衡性、协调性、可持续性明显增强，国内生产总值突破百万亿元大关，人均国内生产总值超过一万美元，国家经济实力、科技实力、综合国力跃上新台阶，我国经济迈上更高质量、更有效率、更加公平、更可持续、更为安全的发展之路。

　　（四）在全面深化改革开放上

　　党的十一届三中全会以后，我国改革开放走过波澜壮阔的历程，取得举世瞩目的成就。随着实践发展，一些深层次体制机制问题和利益固化的藩篱日益显现，改革进入攻坚期和深水区。党中央深刻认识到，实践发展永无止境，解放思想永无止境，改革开放也永无止境，改革只有进行时、没有完成时，停顿和倒退没有出路，必须以更大的政治勇气和智慧推进全面深化改革，敢于啃硬骨头，敢于涉险滩，突出制度建设，注重改革关联性和耦合性，真枪真刀推进改革，有效破除各方面体制机制弊端。

　　党的十八届三中全会对经济体制、政治体制、文化体制、社会体制、生态文明体制、国防和军队改革和党的建设制度改革作出部署，确定全面深化改革的总目标、战略重点、优先顺序、主攻方向、工作机制、推进方式和时间表、路线图。党的十一届三中全会是划时代的，开启了改革开放和社会主义现代化建设新时期。党的十八届三中全会也是划时代的，实现改革由局部探索、破冰突围到系统集成、全面深化的转变，开创了我国改革开放新局面。

　　党坚持改革正确方向，以促进社会公平正义、增进人民福祉为出发点和落脚点，突出问题导向，聚焦进一步解放思想、解放和发展社会生产力、解放和增强社会活力，加强顶层设计和整体谋划，增强改革的系统性、整体性、协同性，激发人民首创精神，推动重要领域和关键环节改革走实走深。党推动改革全面发力、多点突破、蹄疾步稳、纵深推进，从夯基垒台、立柱架梁到全面推进、积厚成势，再到系统集成、协同高效，各领域基础性制度框架基本确立，许多领域实现历史性变革、系统性重塑、整体性重构。

　　党中央深刻认识到，开放带来进步，封闭必然落后；我国发展要赢得优势、赢得主动、赢得未来，必须顺应经济全球化，依托我国超大规模市场优势，实行更加积极主动的开放战略。我国坚持共商共建共享，推动共建“一带一路”高质量发展，推进一大批关系沿线国家经济发展、民生改善的合作项目，建设和平之路、繁荣之路、开放之路、绿色之路、创新之路、文明之路，使共建“一带一路”成为当今世界深受欢迎的国际公共产品和国际合作平台。我国坚持对内对外开放相互促进、“引进来”和“走出去”更好结合，推动贸易和投资自由化便利化，构建面向全球的高标准自由贸易区网络，建设自由贸易试验区和海南自由贸易港，推动规则、规制、管理、标准等制度型开放，形成更大范围、更宽领域、更深层次对外开放格局，构建互利共赢、多元平衡、安全高效的开放型经济体系，不断增强我国国际经济合作和竞争新优势。

　　党的十八大以来，党不断推动全面深化改革向广度和深度进军，中国特色社会主义制度更加成熟更加定型，国家治理体系和治理能力现代化水平不断提高，党和国家事业焕发出新的生机活力。

　　（五）在政治建设上

　　改革开放以后，党领导人民坚持中国特色社会主义政治发展道路，发展社会主义民主，取得重大进展。党从国内外政治发展成败得失中深刻认识到，坚定中国特色社会主义制度自信首先要坚定对中国特色社会主义政治制度的自信，建设社会主义民主政治，发展社会主义政治文明，必须使中国特色社会主义政治制度深深扎根于中国社会土壤，照抄照搬他国政治制度行不通，甚至会把国家前途命运葬送掉。必须坚持党的领导、人民当家作主、依法治国有机统一，积极发展全过程人民民主，健全全面、广泛、有机衔接的人民当家作主制度体系，构建多样、畅通、有序的民主渠道，丰富民主形式，从各层次各领域扩大人民有序政治参与，使各方面制度和国家治理更好体现人民意志、保障人民权益、激发人民创造。必须警惕和防范西方所谓“宪政”、多党轮流执政、“三权鼎立”等政治思潮的侵蚀影响。

　　党的十九届四中全会着眼于党长期执政和国家长治久安，对坚持和完善中国特色社会主义制度、推进国家治理体系和治理能力现代化作出总体擘画，重点部署坚持和完善支撑中国特色社会主义制度的根本制度、基本制度、重要制度。党中央强调，必须坚持人民主体地位，保证人民依法实行民主选举、民主协商、民主决策、民主管理、民主监督。党坚持和完善人民代表大会制度，支持和保证人民通过人民代表大会行使国家权力，支持和保证人大依法行使立法权、监督权、决定权、任免权，果断查处拉票贿选案，维护人民代表大会制度权威和尊严，发挥人民代表大会制度的根本政治制度作用。党坚持和完善中国共产党领导的多党合作和政治协商制度，完善民主党派中央对重大决策部署贯彻落实情况实施专项监督、直接向中共中央提出建议等制度，加强人民政协专门协商机构制度建设，推进社会主义协商民主广泛多层制度化发展，形成中国特色协商民主体系。党坚持巩固基层政权，完善基层民主制度，完善办事公开制度，保障人民知情权、参与权、表达权、监督权。按照坚持党的全面领导、坚持以人民为中心、坚持优化协同高效、坚持全面依法治国的原则，全面深化党和国家机构改革，党和国家机构职能实现系统性、整体性重构。党坚持和完善民族区域自治制度，坚定不移走中国特色解决民族问题的正确道路，坚持把铸牢中华民族共同体意识作为党的民族工作主线，确立新时代党的治藏方略、治疆方略，巩固和发展平等团结互助和谐的社会主义民族关系，促进各民族共同团结奋斗、共同繁荣发展。党坚持党的宗教工作基本方针，坚持我国宗教的中国化方向，积极引导宗教与社会主义社会相适应。党完善大统战工作格局，努力寻求最大公约数、画出最大同心圆，汇聚实现中华民族伟大复兴的磅礴力量。党围绕增强政治性、先进性、群众性，推动群团工作改革创新，更好发挥工会、共青团、妇联等人民团体和群众组织作用。我们以保障人民生存权、发展权为首要推进人权事业全面发展。

　　党的十八大以来，我国社会主义民主政治制度化、规范化、程序化全面推进，中国特色社会主义政治制度优越性得到更好发挥，生动活泼、安定团结的政治局面得到巩固和发展。

　　（六）在全面依法治国上

　　改革开放以后，党坚持依法治国，不断推进社会主义法治建设。同时，有法不依、执法不严、司法不公、违法不究等问题严重存在，司法腐败时有发生，一些执法司法人员徇私枉法，甚至充当犯罪分子的保护伞，严重损害法治权威，严重影响社会公平正义。党深刻认识到，权力是一把“双刃剑”，依法依规行使可以造福人民，违法违规行使必然祸害国家和人民。党中央强调，法治兴则国家兴，法治衰则国家乱；全面依法治国是中国特色社会主义的本质要求和重要保障，是国家治理的一场深刻革命；坚持依法治国首先要坚持依宪治国，坚持依法执政首先要坚持依宪执政。必须坚持中国特色社会主义法治道路，贯彻中国特色社会主义法治理论，坚持依法治国、依法执政、依法行政共同推进，坚持法治国家、法治政府、法治社会一体建设，全面增强全社会尊法学法守法用法意识和能力。

　　党的十八届四中全会和中央全面依法治国工作会议专题研究全面依法治国问题，就科学立法、严格执法、公正司法、全民守法作出顶层设计和重大部署，统筹推进法律规范体系、法治实施体系、法治监督体系、法治保障体系和党内法规体系建设。

　　党强调，全面依法治国最广泛、最深厚的基础是人民，必须把体现人民利益、反映人民愿望、维护人民权益、增进人民福祉落实到全面依法治国各领域全过程，保障和促进社会公平正义，努力让人民群众在每一项法律制度、每一个执法决定、每一宗司法案件中都感受到公平正义。党领导健全保证宪法全面实施的体制机制，确立宪法宣誓制度，弘扬社会主义法治精神，提高国家机构依法履职能力，提高各级领导干部运用法治思维和法治方式解决问题、推动发展的能力，增强全社会法治意识。通过宪法修正案，制定民法典、外商投资法、国家安全法、监察法等法律，修改立法法、国防法、环境保护法等法律，加强重点领域、新兴领域、涉外领域立法，加快完善以宪法为核心的中国特色社会主义法律体系。党领导深化以司法责任制为重点的司法体制改革，推进政法领域全面深化改革，加强对执法司法活动的监督制约，开展政法队伍教育整顿，依法纠正冤错案件，严厉惩治执法司法腐败，确保执法司法公正廉洁高效权威。

　　党的十八大以来，中国特色社会主义法治体系不断健全，法治中国建设迈出坚实步伐，法治固根本、稳预期、利长远的保障作用进一步发挥，党运用法治方式领导和治理国家的能力显著增强。

　　（七）在文化建设上

　　改革开放以后，党坚持物质文明和精神文明两手抓、两手硬，推动社会主义文化繁荣发展，振奋了民族精神，凝聚了民族力量。同时，拜金主义、享乐主义、极端个人主义和历史虚无主义等错误思潮不时出现，网络舆论乱象丛生，一些领导干部政治立场模糊、缺乏斗争精神，严重影响人们思想和社会舆论环境。党准确把握世界范围内思想文化相互激荡、我国社会思想观念深刻变化的趋势，强调意识形态工作是为国家立心、为民族立魂的工作，文化自信是更基础、更广泛、更深厚的自信，是一个国家、一个民族发展中最基本、最深沉、最持久的力量，没有高度文化自信、没有文化繁荣兴盛就没有中华民族伟大复兴。必须坚持以人民为中心的工作导向，举旗帜、聚民心、育新人、兴文化、展形象，牢牢掌握意识形态工作领导权，建设具有强大凝聚力和引领力的社会主义意识形态，建设社会主义文化强国，激发全民族文化创新创造活力，更好构筑中国精神、中国价值、中国力量，巩固全党全国各族人民团结奋斗的共同思想基础。

　　党着力解决意识形态领域党的领导弱化问题，立破并举、激浊扬清，就意识形态领域许多方向性、战略性问题作出部署，确立和坚持马克思主义在意识形态领域指导地位的根本制度，健全意识形态工作责任制，推动全党动手抓宣传思想工作，守土有责、守土负责、守土尽责，敢抓敢管、敢于斗争，旗帜鲜明反对和抵制各种错误观点。党从正本清源入手加强宣传思想工作，召开全国宣传思想工作会议，分别召开文艺工作、党的新闻舆论工作、网络安全和信息化工作、哲学社会科学工作座谈会和全国高校思想政治工作会议，就一系列根本性问题阐明原则立场，廓清了理论是非，校正了工作导向，思想文化领域向上向好态势不断发展。推动用党的创新理论武装全党、教育人民、指导实践，深化马克思主义理论研究和建设，推进中国特色哲学社会科学学科体系、学术体系、话语体系建设。高度重视传播手段建设和创新，推动媒体融合发展，提高新闻舆论传播力、引导力、影响力、公信力。党中央明确提出，过不了互联网这一关就过不了长期执政这一关。党高度重视互联网这个意识形态斗争的主阵地、主战场、最前沿，健全互联网领导和管理体制，坚持依法管网治网，营造清朗的网络空间。

　　党坚持以社会主义核心价值观引领文化建设，注重用社会主义先进文化、革命文化、中华优秀传统文化培根铸魂，广泛开展中国特色社会主义和中国梦宣传教育，推动理想信念教育常态化制度化，完善思想政治工作体系，建立健全党和国家功勋荣誉表彰制度，设立烈士纪念日，深化群众性精神文明创建，建设新时代文明实践中心，推动学习大国建设。党推动学习党史、新中国史、改革开放史、社会主义发展史，建成中国共产党历史展览馆，开展庆祝中国共产党成立一百周年、中华人民共和国成立七十周年、中国人民解放军建军九十周年、改革开放四十周年和纪念中国人民抗日战争暨世界反法西斯战争胜利七十周年、中国人民志愿军抗美援朝出国作战七十周年等活动，有力彰显党心民心、国威军威，在全社会唱响了主旋律、弘扬了正能量。党坚持把社会效益放在首位、社会效益和经济效益相统一，推进文化事业和文化产业全面发展，繁荣文艺创作，完善公共文化服务体系，为人民提供了更多更好的精神食粮。

　　党中央强调，中华优秀传统文化是中华民族的突出优势，是我们在世界文化激荡中站稳脚跟的根基，必须结合新的时代条件传承和弘扬好。我们实施中华优秀传统文化传承发展工程，推动中华优秀传统文化创造性转化、创新性发展，增强全社会文物保护意识，加大文化遗产保护力度。加快国际传播能力建设，向世界讲好中国故事、中国共产党故事，传播好中国声音，促进人类文明交流互鉴，国家文化软实力、中华文化影响力明显提升。

　　党的十八大以来，我国意识形态领域形势发生全局性、根本性转变，全党全国各族人民文化自信明显增强，全社会凝聚力和向心力极大提升，为新时代开创党和国家事业新局面提供了坚强思想保证和强大精神力量。

　　（八）在社会建设上

　　改革开放以后，我国人民生活显著改善，社会治理明显改进。同时，随着时代发展和社会进步，人民对美好生活的向往更加强烈，对民主、法治、公平、正义、安全、环境等方面的要求日益增长。党中央强调，人民对美好生活的向往就是我们的奋斗目标，增进民生福祉是我们坚持立党为公、执政为民的本质要求，让老百姓过上好日子是我们一切工作的出发点和落脚点，补齐民生保障短板、解决好人民群众急难愁盼问题是社会建设的紧迫任务。必须以保障和改善民生为重点加强社会建设，尽力而为、量力而行，一件事情接着一件事情办，一年接着一年干，在幼有所育、学有所教、劳有所得、病有所医、老有所养、住有所居、弱有所扶上持续用力，加强和创新社会治理，使人民获得感、幸福感、安全感更加充实、更有保障、更可持续。

　　党深刻认识到，小康不小康，关键看老乡；脱贫攻坚是全面建成小康社会的底线任务，只有打赢脱贫攻坚战，才能确保全面建成小康社会、实现第一个百年奋斗目标；必须以更大决心、更精准思路、更有力措施，采取超常举措，实施脱贫攻坚工程。党坚持精准扶贫，确立不愁吃、不愁穿和义务教育、基本医疗、住房安全有保障工作目标，实行“军令状”式责任制，动员全党全国全社会力量，上下同心、尽锐出战，攻克坚中之坚、解决难中之难，组织实施人类历史上规模最大、力度最强的脱贫攻坚战，形成伟大脱贫攻坚精神。党的十八大以来，全国八百三十二个贫困县全部摘帽，十二万八千个贫困村全部出列，近一亿农村贫困人口实现脱贫，提前十年实现联合国二〇三〇年可持续发展议程减贫目标，历史性地解决了绝对贫困问题，创造了人类减贫史上的奇迹。

　　二〇二〇年，面对突如其来的新冠肺炎疫情，党中央果断决策、沉着应对，坚持人民至上、生命至上，提出坚定信心、同舟共济、科学防治、精准施策的总要求，开展抗击疫情人民战争、总体战、阻击战，周密部署武汉保卫战、湖北保卫战，举全国之力实施规模空前的生命大救援，慎终如始抓好“外防输入、内防反弹”，坚持统筹疫情防控和经济社会发展，最大限度保护了人民生命安全和身体健康，在全球率先控制住疫情、率先复工复产、率先恢复经济社会发展，抗疫斗争取得重大战略成果，铸就了伟大抗疫精神。

　　为了保障和改善民生，党按照坚守底线、突出重点、完善制度、引导预期的思路，在收入分配、就业、教育、社会保障、医疗卫生、住房保障等方面推出一系列重大举措，注重加强普惠性、基础性、兜底性民生建设，推进基本公共服务均等化。我们努力建设体现效率、促进公平的收入分配体系，调节过高收入，取缔非法收入，增加低收入者收入，稳步扩大中等收入群体，推动形成橄榄型分配格局，居民收入增长与经济增长基本同步，农村居民收入增速快于城镇居民。实施就业优先政策，推动实现更加充分、更高质量就业。全面贯彻党的教育方针，优先发展教育事业，明确教育的根本任务是立德树人，培养德智体美劳全面发展的社会主义建设者和接班人，深化教育教学改革创新，促进公平和提高质量，推进义务教育均衡发展和城乡一体化，全面推行国家通用语言文字教育教学，规范校外培训机构，积极发展职业教育，推动高等教育内涵式发展，推进教育强国建设，办好人民满意的教育。我国建成世界上规模最大的社会保障体系，十亿二千万人拥有基本养老保险，十三亿六千万人拥有基本医疗保险。全面推进健康中国建设，坚持预防为主的方针，深化医药卫生体制改革，引导医疗卫生工作重心下移、资源下沉，及时推动完善重大疫情防控体制机制、健全国家公共卫生应急管理体系，促进中医药传承创新发展，健全遍及城乡的公共卫生服务体系。加快体育强国建设，广泛开展全民健身活动，大力弘扬中华体育精神。加强人口发展战略研究，积极应对人口老龄化，加快建设养老服务体系，调整优化生育政策，促进人口长期均衡发展。注重家庭家教家风建设，保障妇女儿童权益。加快发展残疾人事业。坚持房子是用来住的、不是用来炒的定位，加快建立多主体供给、多渠道保障、租购并举的住房制度，加大保障房建设投入力度，城乡居民住房条件明显改善。

　　党着眼于国家长治久安、人民安居乐业，建设更高水平的平安中国，完善社会治理体系，健全党组织领导的自治、法治、德治相结合的城乡基层治理体系，推动社会治理重心向基层下移，建设共建共治共享的社会治理制度，建设人人有责、人人尽责、人人享有的社会治理共同体。加强防灾减灾救灾和安全生产工作，加强国家应急管理体系和能力建设。坚持和发展新时代“枫桥经验”，坚持系统治理、依法治理、综合治理、源头治理，完善信访制度，健全社会矛盾纠纷多元预防调处化解综合机制，加强社会治安综合治理，开展扫黑除恶专项斗争，坚决惩治放纵、包庇黑恶势力甚至充当保护伞的党员干部，防范和打击暴力恐怖、新型网络犯罪、跨国犯罪。

　　党的十八大以来，我国社会建设全面加强，人民生活全方位改善，社会治理社会化、法治化、智能化、专业化水平大幅度提升，发展了人民安居乐业、社会安定有序的良好局面，续写了社会长期稳定奇迹。

　　（九）在生态文明建设上

　　改革开放以后，党日益重视生态环境保护。同时，生态文明建设仍然是一个明显短板，资源环境约束趋紧、生态系统退化等问题越来越突出，特别是各类环境污染、生态破坏呈高发态势，成为国土之伤、民生之痛。如果不抓紧扭转生态环境恶化趋势，必将付出极其沉重的代价。党中央强调，生态文明建设是关乎中华民族永续发展的根本大计，保护生态环境就是保护生产力，改善生态环境就是发展生产力，决不以牺牲环境为代价换取一时的经济增长。必须坚持绿水青山就是金山银山的理念，坚持山水林田湖草沙一体化保护和系统治理，像保护眼睛一样保护生态环境，像对待生命一样对待生态环境，更加自觉地推进绿色发展、循环发展、低碳发展，坚持走生产发展、生活富裕、生态良好的文明发展道路。

　　党从思想、法律、体制、组织、作风上全面发力，全方位、全地域、全过程加强生态环境保护，推动划定生态保护红线、环境质量底线、资源利用上线，开展一系列根本性、开创性、长远性工作。党组织实施主体功能区战略，建立健全自然资源资产产权制度、国土空间开发保护制度、生态文明建设目标评价考核制度和责任追究制度、生态补偿制度、河湖长制、林长制、环境保护“党政同责”和“一岗双责”等制度，制定修订相关法律法规。优化国土空间开发保护格局，建立以国家公园为主体的自然保护地体系，持续开展大规模国土绿化行动，加强大江大河和重要湖泊湿地及海岸带生态保护和系统治理，加大生态系统保护和修复力度，加强生物多样性保护，推动形成节约资源和保护环境的空间格局、产业结构、生产方式、生活方式。党领导着力打赢污染防治攻坚战，深入实施大气、水、土壤污染防治三大行动计划，打好蓝天、碧水、净土保卫战，开展农村人居环境整治，全面禁止进口“洋垃圾”。开展中央生态环境保护督察，坚决查处一批破坏生态环境的重大典型案件、解决一批人民群众反映强烈的突出环境问题。我国积极参与全球环境与气候治理，作出力争二〇三〇年前实现碳达峰、二〇六〇年前实现碳中和的庄严承诺，体现了负责任大国的担当。

　　党的十八大以来，党中央以前所未有的力度抓生态文明建设，全党全国推动绿色发展的自觉性和主动性显著增强，美丽中国建设迈出重大步伐，我国生态环境保护发生历史性、转折性、全局性变化。

　　（十）在国防和军队建设上

　　改革开放以后，人民军队革命化现代化正规化水平不断提高，国防实力日益增强，为国家改革发展稳定提供了可靠安全保障。党中央强调，强国必须强军、军强才能国安，必须建设同我国国际地位相称、同国家安全和发展利益相适应的巩固国防和强大人民军队。

　　党提出新时代的强军目标，确立新时代军事战略方针，制定到二〇二七年实现建军一百年奋斗目标、到二〇三五年基本实现国防和军队现代化、到本世纪中叶全面建成世界一流军队的国防和军队现代化新“三步走”战略，推进政治建军、改革强军、科技强军、人才强军、依法治军，加快军事理论现代化、军队组织形态现代化、军事人员现代化、武器装备现代化，加快机械化信息化智能化融合发展，全面加强练兵备战，坚持走中国特色强军之路。

　　建设强大人民军队，首要的是毫不动摇坚持党对人民军队绝对领导的根本原则和制度，坚持人民军队最高领导权和指挥权属于党中央和中央军委，全面深入贯彻军委主席负责制。有一个时期，人民军队党的领导弱化问题突出，如果不彻底解决，不仅影响战斗力，而且事关党指挥枪这一重大政治原则。党中央和中央军委狠抓全面从严治军，果断决策整肃人民军队政治纲纪，在古田召开全军政治工作会议，对新时代政治建军作出部署，恢复和发扬我党我军光荣传统和优良作风，以整风精神推进政治整训，全面加强军队党的领导和党的建设，深入推进军队党风廉政建设和反腐败斗争，坚决查处郭伯雄、徐才厚、房峰辉、张阳等严重违纪违法案件并彻底肃清其流毒影响，推动人民军队政治生态根本好转。

　　党提出改革强军战略，领导开展新中国成立以来最为广泛、最为深刻的国防和军队改革，重构人民军队领导指挥体制、现代军事力量体系、军事政策制度，裁减现役员额三十万，形成了军委管总、战区主战、军种主建新格局。面对世界新军事革命，我们实施科技强军战略，建设创新型人民军队，建设强大的现代化后勤，国防科技和武器装备建设取得重大进展。实施人才强军战略，确立新时代军事教育方针，明确军队好干部标准，推动构建三位一体新型军事人才培养体系，培养有灵魂、有本事、有血性、有品德的新时代革命军人，锻造具有铁一般信仰、铁一般信念、铁一般纪律、铁一般担当的过硬部队。贯彻依法治军战略，构建中国特色军事法治体系，加快治军方式根本性转变。推进军人荣誉体系建设。

　　党提出新时代人民军队使命任务，创新军事战略指导，调整优化军事战略布局，强化人民军队塑造态势、管控危机、遏制战争、打赢战争的战略功能。人民军队紧紧扭住战斗力这个唯一的根本的标准，扭住能打仗、打胜仗这个根本指向，壮大战略力量和新域新质作战力量，加强联合作战指挥体系和能力建设，大力纠治“和平积弊”，大抓实战化军事训练，建设强大稳固的现代边海空防，坚定灵活开展军事斗争，有效应对外部军事挑衅，震慑“台独”分裂行径，遂行边防斗争、海上维权、反恐维稳、抢险救灾、抗击疫情、维和护航、人道主义救援和国际军事合作等重大任务。

　　党的十八大以来，在党的坚强领导下，人民军队实现整体性革命性重塑、重整行装再出发，国防实力和经济实力同步提升，一体化国家战略体系和能力加快构建，建立健全退役军人管理保障体制，国防动员更加高效，军政军民团结更加巩固。人民军队坚决履行新时代使命任务，以顽强斗争精神和实际行动捍卫了国家主权、安全、发展利益。

　　（十一）在维护国家安全上

　　改革开放以后，党高度重视正确处理改革发展稳定关系，把维护国家安全和社会安定作为党和国家的一项基础性工作来抓，为改革开放和社会主义现代化建设营造了良好安全环境。进入新时代，我国面临更为严峻的国家安全形势，外部压力前所未有，传统安全威胁和非传统安全威胁相互交织，“黑天鹅”、“灰犀牛”事件时有发生。同形势任务要求相比，我国维护国家安全能力不足，应对各种重大风险能力不强，维护国家安全的统筹协调机制不健全。党中央强调，国泰民安是人民群众最基本、最普遍的愿望。必须坚持底线思维、居安思危、未雨绸缪，坚持国家利益至上，以人民安全为宗旨，以政治安全为根本，以经济安全为基础，以军事、科技、文化、社会安全为保障，以促进国际安全为依托，统筹发展和安全，统筹开放和安全，统筹传统安全和非传统安全，统筹自身安全和共同安全，统筹维护国家安全和塑造国家安全。

　　习近平同志强调保证国家安全是头等大事，提出总体国家安全观，涵盖政治、军事、国土、经济、文化、社会、科技、网络、生态、资源、核、海外利益、太空、深海、极地、生物等诸多领域，要求全党增强斗争精神、提高斗争本领，落实防范化解各种风险的领导责任和工作责任。党中央深刻认识到，面对来自外部的各种围堵、打压、捣乱、颠覆活动，必须发扬不信邪、不怕鬼的精神，同企图颠覆中国共产党领导和我国社会主义制度、企图迟滞甚至阻断中华民族伟大复兴进程的一切势力斗争到底，一味退让只能换来得寸进尺的霸凌，委曲求全只能招致更为屈辱的境况。

　　党着力推进国家安全体系和能力建设，设立中央国家安全委员会，完善集中统一、高效权威的国家安全领导体制，完善国家安全法治体系、战略体系和政策体系，建立国家安全工作协调机制和应急管理机制。党把安全发展贯穿国家发展各领域全过程，注重防范化解影响我国现代化进程的重大风险，坚定维护国家政权安全、制度安全、意识形态安全，加强国家安全宣传教育和全民国防教育，巩固国家安全人民防线，推进兴边富民、稳边固边，严密防范和严厉打击敌对势力渗透、破坏、颠覆、分裂活动，顶住和反击外部极端打压遏制，开展涉港、涉台、涉疆、涉藏、涉海等斗争，加快建设海洋强国，有效维护国家安全。

　　党的十八大以来，国家安全得到全面加强，经受住了来自政治、经济、意识形态、自然界等方面的风险挑战考验，为党和国家兴旺发达、长治久安提供了有力保证。

　　（十二）在坚持“一国两制”和推进祖国统一上

　　香港、澳门回归祖国后，重新纳入国家治理体系，走上了同祖国内地优势互补、共同发展的宽广道路，“一国两制”实践取得举世公认的成功。同时，一个时期，受各种内外复杂因素影响，“反中乱港”活动猖獗，香港局势一度出现严峻局面。党中央强调，必须全面准确、坚定不移贯彻“一国两制”方针，坚持和完善“一国两制”制度体系，坚持依法治港治澳，维护宪法和基本法确定的特别行政区宪制秩序，落实中央对特别行政区全面管治权，坚定落实“爱国者治港”、“爱国者治澳”。

　　党中央审时度势，作出健全中央依照宪法和基本法对特别行政区行使全面管治权、完善特别行政区同宪法和基本法实施相关制度机制的重大决策，推动建立健全特别行政区维护国家安全的法律制度和执行机制、制定《中华人民共和国香港特别行政区维护国家安全法》、完善香港特别行政区选举制度，落实“爱国者治港”原则，支持特别行政区完善公职人员宣誓制度。中央人民政府依法设立驻香港特别行政区维护国家安全公署，香港特别行政区依法设立维护国家安全委员会。中央坚定支持香港特别行政区依法止暴制乱、恢复秩序，支持行政长官和特别行政区政府依法施政，坚决防范和遏制外部势力干预港澳事务，严厉打击分裂、颠覆、渗透、破坏活动。全面支持香港、澳门更好融入国家发展大局，高质量建设粤港澳大湾区，支持港澳发展经济、改善民生，增强港澳同胞国家意识和爱国精神。这一系列标本兼治的举措，推动香港局势实现由乱到治的重大转折，为推进依法治港治澳、促进“一国两制”实践行稳致远打下了坚实基础。

　　解决台湾问题、实现祖国完全统一，是党矢志不渝的历史任务，是全体中华儿女的共同愿望，是实现中华民族伟大复兴的必然要求。党把握两岸关系时代变化，丰富和发展国家统一理论和对台方针政策，推动两岸关系朝着正确方向发展。习近平同志就对台工作提出一系列重要理念、重大政策主张，形成新时代党解决台湾问题的总体方略。我们推动实现一九四九年以来两岸领导人首次会晤、两岸领导人直接对话沟通。党秉持“两岸一家亲”理念，推动两岸关系和平发展，出台一系列惠及广大台胞的政策，加强两岸经济文化交流合作。二〇一六年以来，台湾当局加紧进行“台独”分裂活动，致使两岸关系和平发展势头受到严重冲击。我们坚持一个中国原则和“九二共识”，坚决反对“台独”分裂行径，坚决反对外部势力干涉，牢牢把握两岸关系主导权和主动权。祖国完全统一的时和势始终在我们这一边。

　　实践证明，有中国共产党的坚强领导，有伟大祖国的坚强支撑，有全国各族人民包括香港特别行政区同胞、澳门特别行政区同胞和台湾同胞的同心协力，香港、澳门长期繁荣稳定一定能够保持，祖国完全统一一定能够实现。

　　（十三）在外交工作上

　　改革开放以后，党坚持独立自主的和平外交政策，为我国发展营造了良好外部环境，为人类进步事业作出重大贡献。进入新时代，国际力量对比深刻调整，单边主义、保护主义、霸权主义、强权政治对世界和平与发展威胁上升，逆全球化思潮上升，世界进入动荡变革期。党中央强调，面对复杂严峻的国际形势和前所未有的外部风险挑战，必须统筹国内国际两个大局，健全党对外事工作领导体制机制，加强对外工作顶层设计，对中国特色大国外交作出战略谋划，推动建设新型国际关系，推动构建人类命运共同体，弘扬和平、发展、公平、正义、民主、自由的全人类共同价值，引领人类进步潮流。

　　党把握新时代外交工作大局，紧扣服务民族复兴、促进人类进步这条主线，高举和平、发展、合作、共赢的旗帜，推进和完善全方位、多层次、立体化的外交布局，积极发展全球伙伴关系。我们运筹大国关系，推进大国协调和合作。按照亲诚惠容理念和与邻为善、以邻为伴的周边外交方针深化同周边国家关系，稳定周边战略依托，打造周边命运共同体。秉持正确义利观和真实亲诚理念加强同广大发展中国家团结合作，整体合作机制实现全覆盖。党同世界上五百多个政党和政治组织保持经常性联系，深化政党交流合作。适应“走出去”日益扩大的新形势，不断完善海外利益保护体系，有力应对了一系列海外利益风险挑战。

　　我国积极参与全球治理体系改革和建设，维护以联合国为核心的国际体系、以国际法为基础的国际秩序、以联合国宪章宗旨和原则为基础的国际关系基本准则，维护和践行真正的多边主义，坚决反对单边主义、保护主义、霸权主义、强权政治，积极推动经济全球化朝着更加开放、包容、普惠、平衡、共赢的方向发展。我国建设性参与国际和地区热点问题政治解决，在气候变化、减贫、反恐、网络安全和维护地区安全等领域发挥积极作用。我国开展抗击新冠肺炎疫情国际合作，发起新中国成立以来最大规模的全球紧急人道主义行动，向众多国家特别是发展中国家提供物资援助、医疗支持、疫苗援助和合作，展现负责任大国形象。

　　经过持续努力，中国特色大国外交全面推进，构建人类命运共同体成为引领时代潮流和人类前进方向的鲜明旗帜，我国外交在世界大变局中开创新局、在世界乱局中化危为机，我国国际影响力、感召力、塑造力显著提升。

　　总之，党的十八大以来，以习近平同志为核心的党中央领导全党全军全国各族人民砥砺前行，全面建成小康社会目标如期实现，党和国家事业取得历史性成就、发生历史性变革，彰显了中国特色社会主义的强大生机活力，党心军心民心空前凝聚振奋，为实现中华民族伟大复兴提供了更为完善的制度保证、更为坚实的物质基础、更为主动的精神力量。中国共产党和中国人民以英勇顽强的奋斗向世界庄严宣告，中华民族迎来了从站起来、富起来到强起来的伟大飞跃。

　　五、中国共产党百年奋斗的历史意义

　　一百年来，党始终践行初心使命，团结带领全国各族人民绘就了人类发展史上的壮美画卷，中华民族伟大复兴展现出前所未有的光明前景。

　　（一）党的百年奋斗从根本上改变了中国人民的前途命运。近代以后，中国人民深受三座大山压迫，被西方列强辱为“东亚病夫”。一百年来，党领导人民经过波澜壮阔的伟大斗争，中国人民彻底摆脱了被欺负、被压迫、被奴役的命运，成为国家、社会和自己命运的主人，人民民主不断发展，十四亿多人口实现全面小康，中国人民对美好生活的向往不断变为现实。今天，中国人民更加自信、自立、自强，极大增强了志气、骨气、底气，在历史进程中积累的强大能量充分爆发出来，焕发出前所未有的历史主动精神、历史创造精神，正在信心百倍书写着新时代中国发展的伟大历史。

　　（二）党的百年奋斗开辟了实现中华民族伟大复兴的正确道路。近代以后，创造了灿烂文明的中华民族遭遇到文明难以赓续的深重危机，呈现在世界面前的是一派衰败凋零的景象。一百年来，党领导人民不懈奋斗、不断进取，成功开辟了实现中华民族伟大复兴的正确道路。中国从四分五裂、一盘散沙到高度统一、民族团结，从积贫积弱、一穷二白到全面小康、繁荣富强，从被动挨打、饱受欺凌到独立自主、坚定自信，仅用几十年时间就走完发达国家几百年走过的工业化历程，创造了经济快速发展和社会长期稳定两大奇迹。今天，中华民族向世界展现的是一派欣欣向荣的气象，巍然屹立于世界东方。

　　（三）党的百年奋斗展示了马克思主义的强大生命力。马克思主义揭示了人类社会发展规律，是认识世界、改造世界的科学真理。同时，坚持和发展马克思主义，从理论到实践都需要全世界的马克思主义者进行极为艰巨、极具挑战性的努力。一百年来，党坚持把马克思主义写在自己的旗帜上，不断推进马克思主义中国化时代化，用博大胸怀吸收人类创造的一切优秀文明成果，用马克思主义中国化的科学理论引领伟大实践。马克思主义的科学性和真理性在中国得到充分检验，马克思主义的人民性和实践性在中国得到充分贯彻，马克思主义的开放性和时代性在中国得到充分彰显。马克思主义中国化时代化不断取得成功，使马克思主义以崭新形象展现在世界上，使世界范围内社会主义和资本主义两种意识形态、两种社会制度的历史演进及其较量发生了有利于社会主义的重大转变。

　　（四）党的百年奋斗深刻影响了世界历史进程。党和人民事业是人类进步事业的重要组成部分。一百年来，党既为中国人民谋幸福、为中华民族谋复兴，也为人类谋进步、为世界谋大同，以自强不息的奋斗深刻改变了世界发展的趋势和格局。党领导人民成功走出中国式现代化道路，创造了人类文明新形态，拓展了发展中国家走向现代化的途径，给世界上那些既希望加快发展又希望保持自身独立性的国家和民族提供了全新选择。党推动构建人类命运共同体，为解决人类重大问题，建设持久和平、普遍安全、共同繁荣、开放包容、清洁美丽的世界贡献了中国智慧、中国方案、中国力量，成为推动人类发展进步的重要力量。

　　（五）党的百年奋斗锻造了走在时代前列的中国共产党。党成立时只有五十多名党员，今天已成为拥有九千五百多万名党员、领导着十四亿多人口大国、具有重大全球影响力的世界第一大执政党。一百年来，党坚持性质宗旨，坚持理想信念，坚守初心使命，勇于自我革命，在生死斗争和艰苦奋斗中经受住各种风险考验、付出巨大牺牲，锤炼出鲜明政治品格，形成了以伟大建党精神为源头的精神谱系，保持了党的先进性和纯洁性，党的执政能力和领导水平不断提高，正领导中国人民在中国特色社会主义道路上不可逆转地走向中华民族伟大复兴，无愧为伟大光荣正确的党。

　　六、中国共产党百年奋斗的历史经验

　　一百年来，党领导人民进行伟大奋斗，在进取中突破，于挫折中奋起，从总结中提高，积累了宝贵的历史经验。

　　（一）坚持党的领导。中国共产党是领导我们事业的核心力量。中国人民和中华民族之所以能够扭转近代以后的历史命运、取得今天的伟大成就，最根本的是有中国共产党的坚强领导。历史和现实都证明，没有中国共产党，就没有新中国，就没有中华民族伟大复兴。治理好我们这个世界上最大的政党和人口最多的国家，必须坚持党的全面领导特别是党中央集中统一领导，坚持民主集中制，确保党始终总揽全局、协调各方。只要我们坚持党的全面领导不动摇，坚决维护党的核心和党中央权威，充分发挥党的领导政治优势，把党的领导落实到党和国家事业各领域各方面各环节，就一定能够确保全党全军全国各族人民团结一致向前进。

　　（二）坚持人民至上。党的根基在人民、血脉在人民、力量在人民，人民是党执政兴国的最大底气。民心是最大的政治，正义是最强的力量。党的最大政治优势是密切联系群众，党执政后的最大危险是脱离群众。党代表中国最广大人民根本利益，没有任何自己特殊的利益，从来不代表任何利益集团、任何权势团体、任何特权阶层的利益，这是党立于不败之地的根本所在。只要我们始终坚持全心全意为人民服务的根本宗旨，坚持党的群众路线，始终牢记江山就是人民、人民就是江山，坚持一切为了人民、一切依靠人民，坚持为人民执政、靠人民执政，坚持发展为了人民、发展依靠人民、发展成果由人民共享，坚定不移走全体人民共同富裕道路，就一定能够领导人民夺取中国特色社会主义新的更大胜利，任何想把中国共产党同中国人民分割开来、对立起来的企图就永远不会得逞。

　　（三）坚持理论创新。马克思主义是我们立党立国、兴党强国的根本指导思想。马克思主义理论不是教条而是行动指南，必须随着实践发展而发展，必须中国化才能落地生根、本土化才能深入人心。党之所以能够领导人民在一次次求索、一次次挫折、一次次开拓中完成中国其他各种政治力量不可能完成的艰巨任务，根本在于坚持解放思想、实事求是、与时俱进、求真务实，坚持把马克思主义基本原理同中国具体实际相结合、同中华优秀传统文化相结合，坚持实践是检验真理的唯一标准，坚持一切从实际出发，及时回答时代之问、人民之问，不断推进马克思主义中国化时代化。习近平同志指出，当代中国的伟大社会变革，不是简单延续我国历史文化的母版，不是简单套用马克思主义经典作家设想的模板，不是其他国家社会主义实践的再版，也不是国外现代化发展的翻版。只要我们勇于结合新的实践不断推进理论创新、善于用新的理论指导新的实践，就一定能够让马克思主义在中国大地上展现出更强大、更有说服力的真理力量。

　　（四）坚持独立自主。独立自主是中华民族精神之魂，是我们立党立国的重要原则。走自己的路，是党百年奋斗得出的历史结论。党历来坚持独立自主开拓前进道路，坚持把国家和民族发展放在自己力量的基点上，坚持中国的事情必须由中国人民自己作主张、自己来处理。人类历史上没有一个民族、一个国家可以通过依赖外部力量、照搬外国模式、跟在他人后面亦步亦趋实现强大和振兴。那样做的结果，不是必然遭遇失败，就是必然成为他人的附庸。只要我们坚持独立自主、自力更生，既虚心学习借鉴国外的有益经验，又坚定民族自尊心和自信心，不信邪、不怕压，就一定能够把中国发展进步的命运始终牢牢掌握在自己手中。

　　（五）坚持中国道路。方向决定道路，道路决定命运。党在百年奋斗中始终坚持从我国国情出发，探索并形成符合中国实际的正确道路。中国特色社会主义道路是创造人民美好生活、实现中华民族伟大复兴的康庄大道。脚踏中华大地，传承中华文明，走符合中国国情的正确道路，党和人民就具有无比广阔的舞台，具有无比深厚的历史底蕴，具有无比强大的前进定力。只要我们既不走封闭僵化的老路，也不走改旗易帜的邪路，坚定不移走中国特色社会主义道路，就一定能够把我国建设成为富强民主文明和谐美丽的社会主义现代化强国。

　　（六）坚持胸怀天下。大道之行，天下为公。党始终以世界眼光关注人类前途命运，从人类发展大潮流、世界变化大格局、中国发展大历史正确认识和处理同外部世界的关系，坚持开放、不搞封闭，坚持互利共赢、不搞零和博弈，坚持主持公道、伸张正义，站在历史正确的一边，站在人类进步的一边。只要我们坚持和平发展道路，既通过维护世界和平发展自己，又通过自身发展维护世界和平，同世界上一切进步力量携手前进，不依附别人，不掠夺别人，永远不称霸，就一定能够不断为人类文明进步贡献智慧和力量，同世界各国人民一道，推动历史车轮向着光明的前途前进。

　　（七）坚持开拓创新。创新是一个国家、一个民族发展进步的不竭动力。越是伟大的事业，越充满艰难险阻，越需要艰苦奋斗，越需要开拓创新。党领导人民披荆斩棘、上下求索、奋力开拓、锐意进取，不断推进理论创新、实践创新、制度创新、文化创新以及其他各方面创新，敢为天下先，走出了前人没有走出的路，任何艰难险阻都没能阻挡住党和人民前进的步伐。只要我们顺应时代潮流，回应人民要求，勇于推进改革，准确识变、科学应变、主动求变，永不僵化、永不停滞，就一定能够创造出更多令人刮目相看的人间奇迹。

　　（八）坚持敢于斗争。敢于斗争、敢于胜利，是党和人民不可战胜的强大精神力量。党和人民取得的一切成就，不是天上掉下来的，不是别人恩赐的，而是通过不断斗争取得的。党在内忧外患中诞生、在历经磨难中成长、在攻坚克难中壮大，为了人民、国家、民族，为了理想信念，无论敌人如何强大、道路如何艰险、挑战如何严峻，党总是绝不畏惧、绝不退缩，不怕牺牲、百折不挠。只要我们把握新的伟大斗争的历史特点，抓住和用好历史机遇，下好先手棋、打好主动仗，发扬斗争精神，增强斗争本领，凝聚起全党全国人民的意志和力量，就一定能够战胜一切可以预见和难以预见的风险挑战。

　　（九）坚持统一战线。团结就是力量。建立最广泛的统一战线，是党克敌制胜的重要法宝，也是党执政兴国的重要法宝。党始终坚持大团结大联合，团结一切可以团结的力量，调动一切可以调动的积极因素，促进政党关系、民族关系、宗教关系、阶层关系、海内外同胞关系和谐，最大限度凝聚起共同奋斗的力量。只要我们不断巩固和发展各民族大团结、全国人民大团结、全体中华儿女大团结，铸牢中华民族共同体意识，形成海内外全体中华儿女心往一处想、劲往一处使的生动局面，就一定能够汇聚起实现中华民族伟大复兴的磅礴伟力。

　　（十）坚持自我革命。勇于自我革命是中国共产党区别于其他政党的显著标志。自我革命精神是党永葆青春活力的强大支撑。先进的马克思主义政党不是天生的，而是在不断自我革命中淬炼而成的。党历经百年沧桑更加充满活力，其奥秘就在于始终坚持真理、修正错误。党的伟大不在于不犯错误，而在于从不讳疾忌医，积极开展批评和自我批评，敢于直面问题，勇于自我革命。只要我们不断清除一切损害党的先进性和纯洁性的因素，不断清除一切侵蚀党的健康肌体的病毒，就一定能够确保党不变质、不变色、不变味，确保党在新时代坚持和发展中国特色社会主义的历史进程中始终成为坚强领导核心。

　　以上十个方面，是经过长期实践积累的宝贵经验，是党和人民共同创造的精神财富，必须倍加珍惜、长期坚持，并在新时代实践中不断丰富和发展。

　　七、新时代的中国共产党

　　不忘初心，方得始终。中国共产党立志于中华民族千秋伟业，百年恰是风华正茂。过去一百年，党向人民、向历史交出了一份优异的答卷。现在，党团结带领中国人民又踏上了实现第二个百年奋斗目标新的赶考之路。时代是出卷人，我们是答卷人，人民是阅卷人。我们一定要继续考出好成绩，在新时代新征程上展现新气象新作为。

　　党的十九大对实现第二个百年奋斗目标作出分两个阶段推进的战略安排。从二〇二〇年到二〇三五年基本实现社会主义现代化，从二〇三五年到本世纪中叶把我国建成社会主义现代化强国。到那时，我国物质文明、政治文明、精神文明、社会文明、生态文明将全面提升，实现国家治理体系和治理能力现代化，成为综合国力和国际影响力领先的国家，全体人民共同富裕基本实现，我国人民将享有更加幸福安康的生活，中华民族将以更加昂扬的姿态屹立于世界民族之林。

　　今天，我们比历史上任何时期都更接近、更有信心和能力实现中华民族伟大复兴的目标。同时，全党必须清醒认识到，中华民族伟大复兴绝不是轻轻松松、敲锣打鼓就能实现的，前进道路上仍然存在可以预料和难以预料的各种风险挑战；必须清醒认识到，我国仍处于并将长期处于社会主义初级阶段，我国仍然是世界最大的发展中国家，社会主要矛盾是人民日益增长的美好生活需要和不平衡不充分的发展之间的矛盾。全党要牢记中国共产党是什么、要干什么这个根本问题，把握历史发展大势，坚定理想信念，牢记初心使命，始终谦虚谨慎、不骄不躁、艰苦奋斗，从伟大胜利中激发奋进力量，从弯路挫折中吸取历史教训，不为任何风险所惧，不为任何干扰所惑，决不在根本性问题上出现颠覆性错误，以咬定青山不放松的执着奋力实现既定目标，以行百里者半九十的清醒不懈推进中华民族伟大复兴。

　　全党必须坚持马克思列宁主义、毛泽东思想、邓小平理论、“三个代表”重要思想、科学发展观，全面贯彻习近平新时代中国特色社会主义思想，用马克思主义的立场、观点、方法观察时代、把握时代、引领时代，不断深化对共产党执政规律、社会主义建设规律、人类社会发展规律的认识。必须坚持党的基本理论、基本路线、基本方略，增强“四个意识”，坚定“四个自信”，做到“两个维护”，坚持系统观念，统筹推进“五位一体”总体布局，协调推进“四个全面”战略布局，立足新发展阶段、贯彻新发展理念、构建新发展格局、推动高质量发展，全面深化改革开放，促进共同富裕，推进科技自立自强，发展全过程人民民主，保证人民当家作主，坚持全面依法治国，坚持社会主义核心价值体系，坚持在发展中保障和改善民生，坚持人与自然和谐共生，统筹发展和安全，加快国防和军队现代化，协同推进人民富裕、国家强盛、中国美丽。

　　全党必须永远保持同人民群众的血肉联系，站稳人民立场，坚持人民主体地位，尊重人民首创精神，践行以人民为中心的发展思想，维护社会公平正义，着力解决发展不平衡不充分问题和人民群众急难愁盼问题，不断实现好、维护好、发展好最广大人民根本利益，团结带领全国各族人民不断为美好生活而奋斗。

　　全党必须铭记生于忧患、死于安乐，常怀远虑、居安思危，继续推进新时代党的建设新的伟大工程，坚持全面从严治党，坚定不移推进党风廉政建设和反腐败斗争，勇敢面对党面临的长期执政考验、改革开放考验、市场经济考验、外部环境考验，坚决战胜精神懈怠的危险、能力不足的危险、脱离群众的危险、消极腐败的危险。必须保持越是艰险越向前的英雄气概，敢于斗争、善于斗争，逢山开道、遇水架桥，做到难不住、压不垮，推动中国特色社会主义事业航船劈波斩浪、一往无前。

　　党和人民事业发展需要一代代中国共产党人接续奋斗，必须抓好后继有人这个根本大计。要坚持用习近平新时代中国特色社会主义思想教育人，用党的理想信念凝聚人，用社会主义核心价值观培育人，用中华民族伟大复兴历史使命激励人，培养造就大批堪当时代重任的接班人。要源源不断培养选拔德才兼备、忠诚干净担当的高素质专业化干部特别是优秀年轻干部，教育引导广大党员、干部自觉做习近平新时代中国特色社会主义思想的坚定信仰者和忠实实践者，牢记空谈误国、实干兴邦的道理，树立不负人民的家国情怀、追求崇高的思想境界、增强过硬的担当本领。要源源不断把各方面先进分子特别是优秀青年吸收到党内来，教育引导青年党员永远以党的旗帜为旗帜、以党的方向为方向、以党的意志为意志，赓续党的红色血脉，弘扬党的优良传统，在斗争中经风雨、见世面、壮筋骨、长才干。要源源不断培养造就爱国奉献、勇于创新的优秀人才，真心爱才、悉心育才、精心用才，把各方面优秀人才集聚到党和人民的伟大奋斗中来。

　　党中央号召，全党全军全国各族人民要更加紧密地团结在以习近平同志为核心的党中央周围，全面贯彻习近平新时代中国特色社会主义思想，大力弘扬伟大建党精神，勿忘昨天的苦难辉煌，无愧今天的使命担当，不负明天的伟大梦想，以史为鉴、开创未来，埋头苦干、勇毅前行，为实现第二个百年奋斗目标、实现中华民族伟大复兴的中国梦而不懈奋斗。我们坚信，在过去一百年赢得了伟大胜利和荣光的中国共产党和中国人民，必将在新时代新征程上赢得更加伟大的胜利和荣光！

AEN GEZYI GVENDAENGZ GIJ CWNGZCIU HUNGLOET CAEUQ GINGNIEMH LIZSIJ DANGJ RAEUZ BUEKGUH BAK BI CUNGHGUNG CUNGHYANGH

（2021 nienz 11 nyied 11 hauh Baez Hoih Daengxcungq Daihroek Cunghyangh Veijyenzvei Gaiq Cibgouj Cunghgoz Gungcanjdangj doenggvaq）

Vahnduj

　　Cunghgoz Gungcanjdangj daj 1921 nienz laebbaenz doxdaeuj，itloh aeu vih yinzminz Cungguek maeuz vuenyungz、vih Cunghvaz Minzcuz maeuz fukhwng dangguh diuz rap dawznduj bonjfaenh, itloh dawzmaenh aen lijsiengj gungcanj cujyi caeuq yiengh saenqniemh sevei cujyi, comzgiet daiqlingx daengx guek gak cuz yinzminz vih ceng’aeu minzcuz doglaeb、yinzminz gaijfang caeuq guhdaengz guekgya fouqak、yinzminz vuenyungz bae buekguh mboujdingz, gaenq byaij gvaq baenz bak bi ronghlwenq.

　　Bak bi neix daeuj，Dangj lingjdauj yinzminz gijmaz mbouj lau buek mingh guh，hawj aen minzcuj cujyi gwzming moq cauh ndaej le cwngzciu hungmbwk；gag baengh swhgeij、laemxsim bienq ak，hawj mboengq sevei cujyi gwzming caeuq gensez caux ndaej le cingzcik hungmbwk；gaijfang swhsiengj、daihdamj baenaj，hawj gaijgwz hailangh caeuq sevei cujyi yendaiva gensez caux ndaej le cwngzciu hungmbwk；gag saenq gag maenh、souj maenh cauhmoq，hawj yiengh sevei cujyi miz gij daegsaek Cungguek seizdaih moq caux ok le cwngzciu hungmbwk. Dangj caeuq yinzminz buekguh bak bi neix, sij ok le bien fwensei ceiq hungmbwk gwnz lizsij geij cien bi Cunghvaz Minzcuz.

　　Cungjgez gij cwngzciu hungloet caeuq gingniemh lizsij Dangj raeuz buekguh bak bi，dwg youq mwh laeb Dangj ndaej bak bi yiengh lizsij diuzgen neix haihwnj diuz roen moq dohdaengz hwnqguh aen guekgya yendaiva sevei cujyi、 youq seizdaih moq dawzyungh caeuq fatmaj yiengh sevei cujyi miz gij daegsaek Cungguek cix aeu baenzneix guh; dwg lai rox gangj cwngci、lai rox naemj daengxbuenz、lai rox riengz cehsim、lai rox gaen cunghyangh, dawzdingh gagsaenq diuz roen bonjfaenh、gagsaenq lijlun bonjfaenh、gagsaenq cidu bonjfaenh、 gagsaenq vwnzva bonjfaenh, guh daengz laemxsim henhoh Siz Ginbingz dungzci guhgoek Dangjcunghyangh、guhgoek daengx Dangj, laemxsim henhoh gij gienzvi caeuq yiengh gyonjcomz lingjdauj Dangjcunghyangh, saedbauj daengx Dangj yamqdin doxdoengz byaij baenaj cix aeu baenzneix guh; dwg doinyoengx Dangj raeuz gag gaijndei bonjfaenh、hawj daengx Dangj lai miz bonjsaeh guh doucwngh caeuq lai ak wngqdoiq fungyiemj diuhcan、ciengzlwenx hawj Dangj cangqhoengh、gietcomz daiqlingx daengx guek gak cuz yinzminz vih guhbaenz aen loqsiengj Cungguek hawj Cunghvaz Minzcuz fukhwng hungmbwk bae laebdaeb buekguh cix aeu baenzneix guh. Daengx Dangj aeu itloh gaemmaenh aen veizvuz sijgvanh caeuq aen dangjsijgvanh cingqdeng, daj gij saeh Dangj raeuz buekguh bak bi yawj cingcuj doenghbaez raeuz vihmaz guh ndaej baenz、loengh mingzbeg daengzcog raeuz baenzlawz cij laebdaeb guh ndaej baenz, baenzneix engqgya giendingh、engqgya gagrox bae hengzguh diuz rap dawznduj, youq seizdaih moq engq ndei bae dawzyungh caeuq fatmaj yiengh sevei cujyi miz gij daegsaek Cungguek.

　　1945 nienz Baez Haj Cungh Daengxhoih Gaiq Daihroek Dangj raeuz doenggvaq 《Aen Gezyi Gvendaengz Doengh Gij Vwndiz Lizsij》、1981 nienz Baez Roek Cungh Daengxhoih Gaiq Cib’it Dangj raeuz doenggvaq《Aen Gezyi Gvendaengz Daj Laeb Guek Doxdaeuj Geij Aen Lizsij Vwndiz Aen Dangj》，song aen neix ciuq saed ciuq caen cungjgez gij saehgienh hungnaek caeuq gij gingniemh hitrox youqgaenj Dangj raeuz，hawj daengx Dangj youq gij seiz aeumingh haenx ndaej swhsiengj doxdoengz caeuq guhsaeh doengzyamq，neix cibfaen ndeileih doicaenh yinxlingx gij saehnieb Dangj caeuq yinzminz，ndaw neix gij lwnhgangj caeuq gietlwnh youqgaenj de daengz seizneix gojleix habyungh.

　　It、Duedaeu Aen Minzcuj Cujyi Gwzming Moq

　　Ndaej Hingz Hungmbwk

　　Duenh guh aen minzcuj cujyi gwzming moq, gij hong youqgaenj Dangj raeuz seizde bungz daengz, dwg fanjdoiq digoz cujyi、funghgen cujyi、gvanhliuz swhbwnj cujyi, ceng’aeu minzcuz doglaeb、yinzminz gaijfang, youq ndaw biengz roengz giek hawj baezlaeng ndaej guhbaenz Cunghvaz Minzcuz fukhwng hungmbwk.

　　Cunghvaz Minzcuz youq gwnz seiqgyaiq dwg aen minzcuz geqganggang haenqhangqhangq ndeu，cauh ok le gij vwnzmingz ronghsag raezrangh haj cien lai bi，gij goenglauz coengh gij vwnzmingz vunzloih baenaj mad hix mad mbouj ndaej. 1840 nienz Iennamh Dwkciengq gvaqlaeng，aenvih gij guekak Saefueng ciemqhaeuj caeuq funghgen gaemgienz baixnyieg，Cungguek cugdi bienqbaenz aen biengz bancizminzdi banfunghgen，guekgya deng soemx、 beksingq deng nanh、 vwnzmingz deng uq，doengh gij cainanh neix Cunghvaz minzcuz doenghbaez mbouj deng gvaq. Vih gouq minzcuz raeuz，yinzminz Cungguek dingj hwnjdaeuj，gyoengq vunz gyaezguek de buet gwnz buet laj， guh le gij doucwngh hawj vunz haenh、hawj vunz doek raemxda. Aen Yindung Daibingz Denhgoz、Aen Yindung Yangzvu、Aen Yindung Vusiz Benfaz、 Aen Yindung Yihozdonz aen riengz aen guh hwnjdaeuj， aeu gij fap neix fap de gouq guek doxlwnz okdaiz，hoeng cungj mbouj miz baenz. Sinhhai Gwzming youz Sunh Cunghsanh sienseng lingjdauj neix，boekfan le aen cidu vuengzdaeq gaemgienz geij cien bi，hoeng yax bienq mbouj ndaej yiengh Cungguek dwg bancizminzdi banfunghgen，yinzminz Cungguek gojleix deng nanh deng haep siliengz gvaq. Cungguek gaenj aeu miz swhsiengj moq daeuj dazyinx gouq guek，gaenj aeu miz cujciz moq daeuj gietcomz vunzlai guh gwzming.

　　Cib Nyied Gwzming mbat sing bauq ndeu, soengq Majgwzswh Lezningz Cujyi daeuj hawj Cungguek. Aen Yindung Haj Seiq coi Majgwzswh cujyi lai vaiq youq Cungguek cienzboq. Mwh yinzminz Cungguek caeuq Cunghvaz Minzcuz roxyiuj hungmbwk，Majgwzswh Lezningz Cujyi caeuq gij gunghyinz yindung Cungguek giethab ndaetndangq，hauhneix 1921 nienz 7 nyied Cunghgoz Gungcanjdangj cingq habseiz doekseng. Cungguek miz le gungcanjdangj，neix dwg gienh saeh hung hai diendeih ndeu，gij yienghsiengq Cunghgoz gwzming daj seizneix bienq moqsagsag bae.

　　Cunghgoz Gungcanjdangj laegdaeuq rox daengz,gij doxdawz baiz daeuz aen biengz Cungguek gaenhdaih, dwg gij doxdawz digoz cujyi caeuq Cunghvaz Minzcuz、gij doxdawz funghgen cujyi caeuq cungqvunz yinzminz. Yaek aeu guhbaenz Cunghvaz Minzcuz fukhwng hungmbwk， bietdingh aeu guh gij doucwngh fanj digoz cujyi fanj funghgen.

　　Mwh mboengq ngamq laeb Dangj caeuq duenh daih gwzming，Dangj ceiqdingh aen ganghlingj minzcuj gwzming，fat gunghyinz、bouxcoz、 bouxguhnaz、mehmbwk hwnjdaeuj guhsaeh，bangcoengh Gozminzdangj gaijcuj caeuq laebhwnj gozminz gwzmingginh，lingjdauj gij doucwngh hungmbwk daengx guek fanj di fanj funghgen，yienghneix daih gwzming cix ndaej hoenghhwdhwd guh hwnjdaeuj. 1927 nienz gozminzdangj baihndaw aen cizdonz fanjdung fanjgoet，doegsieb daih gaj gij vunz Gungcanjdangj caeuq doengh boux guh gwzming de，aenvih ndaw Dangj gij yougingh swhsiengj aeu Cinz Duzsiu guh lingxdaeuz haenx bienqbaenz yougingh gihvei cujyi yaek lah doh lingjdauj gihgvanh ndaw Dangj，Dangj caeuq yinzminz mbouj ndaej ndeindei bae cujciz dingjhoenx，yienghneix cauxbaenz daih gwzming deng gij vunzdig ak de caegguk hoenx le deng sieng naek lai.

　　Mwh duenh dwkciengq faen reihnaz，Dangj daj gij yiengh doegsieb de rox daengz，gwzming mbouj miz cungqbauq couh hingz mbouj ndaej gij fanjgwzming miz cungqbauq de，couh hingz mbouj ndaej Cunghgoz gwzming， couh bienq mbouj ndaej gij minghyinh yinzminz Cungguek caeuq Cunghvaz Minzcuz，itdingh aeu dawz cungqbauq hwnjdaeuj bae dingjhoenx gij fanjgwzming miz cungqbauq de. Baez Gijyi Nanzcangh nyingz yiengj gau cungq daih’it dingjhoenx Gozminzdangj fanjdungbai，mbat daih’it neix mai vunz rox Cunghgoz Gungcanjdangj gag lingjdauj gwzming cancwngh、cauhlaeb yinzminz ginhdui caeuq dawz cungq aeu gienz. Baez Hoih Bet Caet dinghcinj aen fuengcim saedhengz faen reihnaz caeuq dawz cungq dingjhoenx. Dangj lingjdauj guh Baez Gijyi Ciuhsouh、Baez Gijyi Gvangjcouh caeuq gizyawz gijyi haujlai mwnq dieg，hoeng aenvih vunzdig caeuq raeuz soqliengh cengca daiq lai，doengh gij gijyi neix daih dingzlai saetbaih lo. Saedsaeh cwngmingz，youq gij gwzgvanh diuzgen dangseiz，vunz Cunghgoz Gungcanjdangj mbouj ndaej lumj Ngozgoz Cib Nyied Gwzming yienghhaenx doenggvaq ciemqlingx aen singz youqgaenj gonq cix hawj gwzming ndaej youq daengx guek hingz caez，Dangj raeuz gaenj aeu ra ok diuz roen gwzming habngamj guekcingz Cungguek he. 

　　Daj hoenxgung hawsingz hung cienj haeuj lajmbanj bae，dwg giz hwnjdin moq gietdingh le gij byaijyiengq Cungguek gwzming. Mauz Cwzdungh dungzci lingjdauj bouxbing caeuq beksingq youq Cingjganghsanh laebhwnj aen gwzming gwnhgidi lajmbanj daih’it，Dangj lingjdauj yinzminz hoenx dujhauz、faen reihnaz. Baez Hoih Gujdenz dinghlaeb aen yenzcwz aeu swhsiengj laeb Dangj、aeu cwngci laeb bingdoih. Riengz doucwngh guh baenaj，Dangj laeb le Cunghyangh Gwzming Gwnhgidi caeuq doengh aen gwnhgidi Siengh Ngoz Sih、Haij Luz Fungh、Ngoz Yi Vanj、 Gingzyaz、 Minj Cez Gan、 Siengh Ngoz Gan、 Siengh Gan、 Cojgyangh Yougyangh、 Conh Sanj、Sanj Ganh、Siengh Ngoz Conh Genz. Dangj youq giz dieg Gozminzdangj guenj he hix laeb le doengh aen gwzmingz cujciz Dangj caeuq gizyawz gwzming cujciz，hawj ginzcung caeuqfaenh guh gwzming doucwngh. Hoeng， aenvih Vangz Mingz “you”gingh gyaudiuz cujyi ciuq buen guhfap vunz cix loengloek lingjdauj ndaw Dangj，Cunghyangh Gwzming Gwnhgidi baez daihhaj fanj “humxhoenx” saetbaih，Hungzginh mbouj ndaej mbouj daih senjnod，ginggvaq cien hoj fanh nanz byaij diuz roen youh raez youh hoj cix hoenx haeuj baihbaek Sanjsih. Gij loengloek “coj” gingh hawj gwzming gwnhgidi caeuq gij rengzlig gwzming giz Bwzgih deng sied haujlai.

　　1935 nienz 1 nyied，Cunghyangh Cwngcigiz youq gyangroen Cangzcwngh hai le Aen Hoih Cunhyi，caencingq laebdingh le youz Mauz Cwzdungh dungzci lingjdauj Dangjcunghyangh caeuq Hungzginh， hainduj laebdingh diuz lohsienq cingqdeng Majgwzswh cujyi aeu Mauz Cwzdungh dungzci guh daeuz lingjdauj Dangjcunghyangh， hainduj cauxbaenz aen cizdij cunghyangh lingjdauj daih daih’it aeu Mauz Cwzdungh dungzci guhgoek Dangj raeuz，aen Dangj yamq hwnj mbaek moq, gag gaijgez gij vwndiz saedceiq Cungguek gwzming，hawj Dangj、 Hungzginh、Cungguek gwzming youq mwh ceiq yungyiemj gaenjgip gouq dauqma，caemhcaiq daj mwhde gvaqlaeng hawj Dangj ndaej hoenxhingz gij faenmbek cujyi Cangh Gozdauh，byaij liux Cangzcwngh，hawj Cungguek gwzming miz le diendeih moq. Gijneix youq gwnz lizsij aen Dangj dwg giz utvan dingh dailix ndeu. 

　　Mwh hoenx Yizbwnj，Baez Saehbienq Gouj Itbet gvaqlaeng，gij ngaekngeu vunz Cungguek caeuq Yizbwnj cugdi mauhgvaq aen ngaekngeu gaihgiz ndaw guek bienqbaenz gij ceiq youqgaenj de. Yizbwnj digoz cujyi gyagaenj ciemq guek raeuz、youq mwh guekgya yaek deng mied，Dangj raeuz daiqdaeuz yaengx sang fan geiz dawz cungqbauq dwkhoenx Yizbwnj， gvangqlangh mbeguh gaiq hong hoenx Yizbwnj gouq Cungguek, gvaqnglangh guh yindung dingjhoenx Yizbwnj gouq guek, bangcoh huzbingz gaijgez Baez Saehbienq Sih’anh，coengh rengz hung doi Gozminzdangj Gungcanjdangj caiq baez gapguh、caez hoenx Yizbwnj. Baez Saehbienq Caet Caet gvaqlaeng， Dangj raeuz hengz yiengh cwngcwz cingqdeng diuz sienq minzcuz dungjyiz dingjhoenx Yizbwnj, dawzmaenh diuz lohsienq dohdaengz hoenx ciengq， daezok caeuq saedhengz aen fuengcim daengxbuenz naihnanz hoenx ciengq caeuq baenz dauq maeuzveh yinzminz cancwngh，youq baihlaeng vunzdig hailaeb haujlai aen cancangz caeuq aen gwnhgidi hoenx Yizbwnj，lingjdauj Bazluginh、 Sinhswginh、 Dunghbwz Gang Yiz Lenzginh caeuq gizyawz gij yinzminz aeu cungqbauq hoenx Yizbwnj haenx mbouj lau dai bae hoenx Yizbwnj，bienqbaenz diuz donghcawx dingj hawj daengx minzcuz hoenx Yizbwnj，cigdaengz vunz Cungguek ndaej hoenx hingz Yizbwnj liuxliux. Neix dwg ciuhgyawj doxdaeuj vunz Cungguek vih minzcuz gaijfang hoenx vunzdig rogguek ciemqhaeuj baez daih’it ndaej hingz caez，youq ndaw ciengz ciengq daengx seiqgyaiq dwkhingz Fazsihswh, neix dwg aen faenh youqgaenj ndeu.

　　Mwh hoenx aeu gaijfang，da raen Gozminzdangj fanjdungbai hengzmanz youq daengx guek hai hoenx neican，Dangj lingjdauj gyoengq bing gyoengq beksingq baezdi daj lailai fuengzdingj cienjcoh daengxbuenz gunghaeuj, hoenx hingz Liuz Sinj、 Vaizhaij、 Bingz Cinh sam ciengz ciengq hung caeuq Ciengz Ciengq Du’gyangh， dwk haeuj Cungnamz、 Saebaek、 Saenamz bae， siumied Gozminzdangj fanjdungbai 800 fanh bingdoih，doifan aen fanjdung cwngfuj Gozminzdangj，doifan digoz cujyi、funghgen cujyi、gvanhliuz swhbwnj cujyi sam ngoz bya hung neix. Aen bingdoih yinzminz youz Dangj lingjdauj haenx ndaej yinzminz bangcoengh， aeu yiengh mbouj lau dai roemx baenaj mbouj dingz caeuq gij vunzdig yakrwix buekmingh hoenx， vih duedaeu aen minzcuj cujyi gwzming moq ndaej hingz ok le goengrengz hungloet hab geiq haeuj lizsij.

　　Mwh guh gwzming doucwngh, gyoengq vunz Cunghgoz Gungcanjdangj youz Mauz Cwzdungh dungzci lingxdaeuz daibyauj haenx, aeu gij yienzleix giekbonj Majgwzswh Lezningz Cujyi caeuq gij saedsaeh Cungguek dox giethab, gyoebgyonj gij gingniemh gag cauh baenzroix dwg ginggvaq ganhoj damqra、sai lwed sai mingh cwkrom ndaej haenx baenz lijlun, hai ok diuz roen gwzming cingqdeng lajmbanj gvaeghumx hawsingz、hoenxciengq duedaeu cwnggenz, cauhlaeb le Mauz Cwzdungh Swhsiengj, vih duedaeu aen minzcuj cujyi gwzming moq ndaejhingz vixok fuengyiengq cingqdeng.

　　Mwh guh gwzming doucwngh，Dangj daihlig cienzhaenh yiengh cingsaenz laeb Dangj hungmbwk, couhdwg dingj aeu caenleix、souj maenh lijsiengj，saedguh simnduj、dangrap sawjmingh，mbouj lau vutmingh、 mbelaux dwkhoenx，doiq Dangj cungcig、doiq ndaej hwnj yinzminz， saedhengz caeuq doicaenh aen gunghcwngz hungmbwk dajcauh aen Dangj， daezok gij yenzcwz dawznaek daj swhsiengj fuengmienh laeb Dangj， dawzmaenh aeu minzcuj cizcunghci，seizseiz laeb maenh sam yiengh cozfungh ndei, couhdwg aeu lijlun lienzhaeh saedsaeh、maedcaed lienzhaeh ginzcung、baebingz caeuq gag guh baebingz，guhbaenz dungjyiz cansen、 vujcangh doucwngh、dajcauh aen Dangj sam yiengh guhfap ndei neix， roengzrengz dajcauh aen cwngdangj Majgwzswh cujyi dwg dohdaengz daengx guek、vunzlai gvangqlangh caeuqfaenh、gwnz swhsiengj gwnz cwngci gwnz cujciz gyamaenh caezcup. Dangj raeuz daj 1942 nienz hainduj youq daengx Dangj guh cingjceih cozfungh，ciengz yindung aeu Majgwzswh cujyi son’gyauq swhsiengj aeundaej cingzyauq gig daih. Dangj ceiqdingh 《Aen Gezyi Gvendaengz Doengh Gij Vwndiz Lizsij》，hawj daengx Dangj ndaej doengzcaez nyinhrox gij vwndiz goekgaen Cungguek gwzming. Caet Daih Dangj raeuz vih laebbaenz aen Cungguek moq yiengh minzcuj cujyi moq ceiqdingh le gij lohsienq fuengcim cwngcwz cingqdeng，hawj daengx Dangj youq gwnz swhsiengj、cwngci、cujciz doengzcaez liuxliux caeuq doxgiet ndaetndwt coengzlaiz caengz miz gvaq.

　　Ginggvaq 28 bi buekmingh guh，Dangj lingjdauj yinzminz，miz gak minzcuj dangjbai caeuq gyoengq vunz minzcuj mbouj haeuj dangjbai haenx caez gapguh，youq 1949 nienz 10 nyied 1 hauh gangj daengx seiqgyaiq nyi Cunghvaz Yinzminz Gunghozgoz laebbaenz，aeundaej minzcuz doglaeb、yinzminz gaijfang, daengzdaej gietsat le gij lizsij aen biengz bancizminzdi banfunghgen Cungguek gaeuq, daengzdaej gietsat le gij lizsij bouxgwncienzvunz gig noix bae gaemguenj baenzgyoengq baenzgyoengq bouxguhhong, daengzdaej gietsat le gij yiengh Cungguek gaeuq sanq lumj buenz sa ndeu, cawz raeg gij diuzyoz mbouj bingzdaengj doengh aen guek rog nyengh gya hawj Cungguek haenx caeuq sojmiz gij daeggienz digoz cujyi youq Cungguek miz he, hawj Cungguek daj yiengh cwngci funghgen conhci geij cien bi bonghyat haeuj daengz yinzminz minzcuj, hix gig daih gaijbienq le yiengh ndabaij cwngci lajmbwn, gikcoi le daengx seiqgyaiq gij minzcuz deng apbik caeuq gyoengq yinzminz deng apbik haenx engq miz mbeiheiq hoenx aeu gaijfang.

　　Doengh gij saeh gaenq guhbaenz neix gangjmingz，lizsij caeuq yinzminz genj aeu le Cunghgoz Gungcanjdangj，mbouj miz Cunghgoz Gungcanjdangj lingjdauj， minzcuz doglaeb、 yinzminz gaijfang haengjdingj guh mbouj ndaej. Cunghgoz Gungcanjdangj caeuq yinzminz Cungguek baengh yiengh gamj guh gamj buek yiemzrwd naeuz hawj daengx seiqgyaiq rox, yinzminz Cungguek daj seizneix ndwn hwnjdaeuj lo, aen seizdaih Cunghvaz Minzcuz caih vunz soemx、caih vunz gvej、caih vunz ciemq gaenq caiq mbouj dauqma lo, Cungguek hwngfat daj neix hai ok aen seizdaih moq.

　　Ngeih、Guhbaenz Sevei Cujyi Gwzming Caeuq

　　Doinyoengx Sevei Cujyi Gensez Baenaj

　　Duenh guh sevei cujyi gwzming caeuq gensez, gij hong youqgaenj Dangj raeuz seizde bungz daengz, dwg hawj yiengh minzcuj cujyi moq cienjbienq baenz sevei cujyi, guh sevei cujyi gwzming, doihaeuj sevei cujyi gensez, daj gwnz cwngci gwnz cidu roengz giek hawj raeuz guhbaenz Cunghvaz Minzcuz fukhwng hungmbwk. 

　　Cungguek moq laebbaenz gvaqlaeng, Dangj lingjdauj yinzminz hoenxhingz baenzroix diuhcan yiemzhaenq ok laeng cwngci、ginghci、 ginhsw daengj fuengmienh, cawzseuq gij vujcangh ligliengh lwlauq Gozminzdangj fanjdungbai caeuq gyoengq caegdoj, hozbingz gaijfang Sihcang, hawj mbiengj daluz guekcoj cienzbouh dungjyiz；onjdingh huqgyaq, gyonjcaez gaiq hong caizgingh, guhbaenz diegdeih gaijgwz, guh ndawbiengz gak fuengmienh minzcuj gaijgwz, saedhengz sai mbwk gienzleih bingzdaengj, dwknaenx fanjgwzming, haiguh ciengz yindung “Sam Fanj”、“Haj Fanj”, dongjseuq gij oepsoep biengz gaeuq louz roengzdaeuj, yienghsiengq ndawbiengz bienq ndaej moqyat. Cunghgoz Yinzminz Ciyenginh vifung fwdfwd hamj gvaq Dahyazluzgyangh, caeuq gyoengq yinzminz nem bingdoih Cauzsenh itheij hoenxciengq, hoenx hingz gij vunzdig ak cangbwh daengz heuj haenx, hoenx ok gij rengzvi guekgya rengzvi bingdoih, hoenx ok le gij goetheiq rem’ak gyoengq yinzminz Cungguek, aeundaej le ciengz ciengq Gang Meij Yenz Cauz ndaejhingz hungmbwk, henhoh le gij ancienz Cungguek moq, yienh ok le aen diegvih guek hung Cungguek moq. Cungguek moq youq yiengh vanzging hoedgeuj fukcab ndaw guek rog guek ndaej ndwn onj ndwn maenh lo.

　　Dangj lingjdauj laebhwnj caeuq gyamaenh aen guekgya cwnggenz yinzminz minzcuj conhcwng youz gunghyinz gaihgiz lingjdauj、aeu gungh nungz lenzmungz guh giekdaej haenx, vih guekgya fazcanj riengjvaiq cauh ok le diuzgen. 1949 nienz, Baez Hoih Daengxcungq Gaiq Daih’it Cunghgoz Yinzminz Cwngci Hezsangh Veiyi ceiqdingh《Aen Ganghlingj Caezcaemh Cunghgoz Yinzminz Cwngci Hezsangh Veiyi》. 1953 nienz, Dangj cingqsik daezok gij cungjlohsienq mboengq gvaqdoh, couh dwg youq ndaw mboengq maqhuz raez ndeu, cugdi hawj guekgya guhbaenz yiengh gunghyezva sevei cujyi, caemhcaiq cugdi hawj guekgya guhbaenz gaiq hong gaijcau nungzyez、soujgunghyez caeuq swhbwnj cujyi gunghsanghyez hab sevei cujyi bae. 1954 nienz, ciuhai Gaiq Daih’it Daengx Guek Yinzminz Daibyauj Daihhoih Baez Hoih Daih’it, doenggvaq le 《Aen Yenfaz Cunghvaz Yinzminz Gunghozgoz》. 1956 nienz, guek raeuz daihdaej guhsat gaiq hong doiq swnghcanj swhliu swhyoujci guh sevei cujyi gaijcauh, daihdaej guhbaenz aen cidu swnghcanj swhliu caezgya caemhmiz caeuq ciuq hong faenboiq, laebhwnj gij ginghci cidu sevei cujyi. Dangj lingjdauj laebdingh aen cidu yinzminz daibyauj daihhoih、aen cidu lai dangj doxgap caeuq cwngci hezsangh youz Cunghgoz Gungcanjdangj lingjdauj、aen cidu minzcuz gihyiz swci, hawj cidu bae bauj yinzminz danggya guhcawj. Dangj lingjdauj guhbaenz caeuq gyamaenh le daengx guek gak cuz yinzminz daih doxgiet, guhbaenz caeuq hwngfat gij gvanhaeh minzcuz sevei cujyi hawj gak minzcuz bingzdaengj doxbang, guhbaenz caeuq gyamaenh daengx guek gunghyinz、nungzminz、cihsiz fwnswj caeuq gij yinzminz gak aen gaihcwngz daih doxgiet, gyaak caeuq gyadaih le diuz dungjyiz cansen gvangqlangh. Laebhwnj gij cidu sevei cujyi, vih guek raeuz sojmiz cinbu caeuq fazcanj dwk roengz le giekdaej youqgaenj.

　　Bet Daih Dangj raeuz gaengawq gij hingzseiq guek raeuz daihdaej guhbaenz sevei cujyi gaijcauh, daezok yiengh doxdawz youqgaenj ndaw guek gaenq mbouj caiq dwg yiengh doxdawz gunghyinz gaihgiz caeuq swhcanj gaihgiz, cix dwg yiengh doxdawz yinzminz yaek aeu ginghci vwnzva fazcanj riengjvaiq, hoeng gij ginghci vwnzva seizhaenx mbouj ndaej muenxcuk yinzminz aeuyungh, gaiq hong baiz daeuz dwg daengx guek yinzminz comz rengz fazcanj sevei swnghcanjliz, hawj guekgya guhbaenz gunghyezva, cugdi muenxcuk yinzminz gij aeuyungh vuzciz caeuq vwnzva ngoenz beij ngoenz gyalai haenx. Dangj daezok roengzrengz dawz guek raeuz cugbouh hwnq baenz aen guek ak sevei cujyi miz yendai nungzyez、yendai gunghyez、 yendai gozfangz caeuq yendai gohyoz gisuz ndeu, lingjdauj yinzminz daj gak fuengmienh bae daih guh sevei cujyi gensez. Ginggvaq saedhengz geij aen haj bi giva, guek raeuz laebhwnj aen gunghyez dijhi caeuq gozminz ginghci dijhi doglaeb youh haemq caezcingj, gij diuzgen guh reihnaz bienq ndei lailai, gij saehnieb gyauyuz、gohyoz、vwnzva、veiswngh、dijyuz yamq ok yamq laux. Yenzswjdan、ginghdan、yinzcau veisingh doengh yiengh gozfangz gohgi ceiq maenhrem neix guh ndaej aen youh aen, gozfangz gunghyez daj mbouj miz daengz miz cugdi guhhung hwnjdaeuj. Yinzminz Gaijfangginh bienq coek bienq ak, youz dan miz luzginh cungj bing dog bienqbaenz aen bingdoih doxgyoeb miz haijginh、gunghginh caeuq gizyawz gisuz binghcungj, dang baihlaeng maenhrem hawj aen yinzminz cwnggenz ngamq laebhwnj haenx ndaej onjmaenh、aen diegvih guek hung Cungguek ndaej doekdingh、gij cunhyenz Cunghvaz Minzcuz ndaej henhoh.

　　Dangj dingjmaenh gij cwngcwz hozbingz vaigyauh doglaeb gag guhcawj, daiqdaeuz dizcang caeuq dingjmaenh haj hangh yenzcwz hozbingz caemhyouq, giendingh henhoh gij doglaeb、cawjgienz、cunhyenz guekgya, haeujcoengh caeuq bangcoh lajbiengz doengh aen minzcuz deng apbik haenx guh gaijfang、doengh aen guekgya ngamq doglaeb haenx guh gensez caeuq gak guek yinzminz vih cingqngeih guh doucwngh, fanjdui digoz cujyi、 bagenz cujyi、cizminz cujyi、cungjcuz cujyi, daengzdaej gietsat le yiengh vaigyauh sainaj Cungguek gaeuq. Dangj yawjcinj seizseiq diuzcingj gij canloz vaigyauh, doinyoengx hoizfuk sojmiz gij gienzleih habfap guek raeuz youq Lenzhozgoz wng miz haenx, hawj gij hong doiq rog hai ok buenzmienh moq, doinyoengx cauxbaenz aen gwzgiz gozci sevei cij nyinh aen Cungguek ndeu. Dangj daezok gij canloz vehfaen sam aen seiqgyaiq, guh ok yiengh wngqcingz yiemzrwd Cungguek ciengzlwenx mbouj baengh gienzseiq heifouh guekwnq, ndaej daengz gozci sevei daegbied dwg gyoengq guekgya cingqcaih fazcanj haenx gingqcungh caeuq haenhndei.

　　Dangj cukgaeuq liuh daengz youq daengx guek gaemgienz yaek bungz daengz diuhcan moq, senq youq Baez Ngeih Cungh Daengxhoih Gaiq Daihcaet Dangj raeuz mwh Gaijfang Cancwngh daengx guek yaek hingz caez ciuhai haenx, couh yiengq daengx Dangj daezok, itdingh aeu laebdaeb baujciz gij cozfungh giemhaw、siujsim、mbouj dasang、 mbouj simgaenj, itdingh aeu laebdaeb baujciz gij cozfungh mbouj lau sinhoj haenqrengz buekguh. Cungguek moq laebbaenz gvaqlaeng, Dangj haeujnaek daezok aen goqdaez hungnaek gaemgienz le baenzlawz guh dangjgen, daj swhsiengj fuengmienh cujciz fuengmienh cozfungh fuengmienh bae gyagiengz gensez Dangj raeuz、 gyamaenh gij lingjdauj Dangj raeuz. Dangj lai yungh rengz hawj ganbu hag lijlun caeuq sonlienh cihsiz, hawj Dangj engq ak lingjdauj, iugouz daengx Dangj daegbied dwg gij ganbu gaepsang Dangj raeuz lai gagrox bae henhoh yiengh doxgiet dungjyiz ndaw Dangj. Dangj haiguh cingjceih cozfungh cingjcoih ndaw Dangj, gyarengz guh ndaw dangj gyauyuz, cwngjdun gij dangjcujciz caengzdaej, daezsang gij diuzgen dangjyenz, fanjdui dangguen guh lauxyez、maij minghlingh vunz caeuq dam’aeu saiyaix. Dangj gig singjgaeh caemhcaiq roengzrengz fuengzre dangjyenz ganbu bienqvaih bienqcaet, laemxsim fadceih nduknaeuh. Doengh gij guhfap youqgaenj neix, hawj Dangj engqgya seuqcengh caeuq daengx Dangj engqgya doxgiet, hawj Dangj caeuq yinzminz ginzcung dox lienzhaeh bienq maedcaed, rom ndaej le gij gingniemh codaeuz dajcauh aen Dangj gaemgienz.

　　Mboengq neix, Mauz Cwzdungh dungzci daezok, dawz gij yienzleix giekbonj Majgwzswh Lezningz Cujyi caeuq gij gidij saedsaeh Cungguek guh “baez daihngeih giethab”, gyoengq vunz Cunghgoz Gungcanjdangj aeu Mauz Cwzdungh dungzci lingxdaeuz daibyauj haenx, giethab gij saedsaeh moq fungfouq caeuq hwngfat Mauz Cwzdungh Swhsiengj, daezok baenzroix swhsiengj youqgaenj gvendaengz sevei cujyi gensez, baudaengz sevei cujyi sevei dwg aen duenh lizsij gig raez ndeu, yiemzgek faenbied caeuq cingqdeng cawqleix yiengh doxdawz vunzdig caeuq raeuz nem yiengh doxdawz baihndaw yinzminz, cingqdeng cawqleix gij cib daih gvanhaeh sevei cujyi gensez guek raeuz,byaij ok diuz roen gunghyezva hab gij guekcingz guek raeuz，gingqcungh aen gvilwd gyaciz，youq gwnz gvanhaeh Dangj caeuq minzcuj dangjbai saedhengz aen fuengcim “ciengzgeiz caemhyouq、dox guh gamduk”，youq ndaw hongsaeh gohyoz vwnzva saedhengz aen fuengcim “bak va caez hai、bak gya ceng hangz” , yienghneix yienghhaenx. Doengh gij lijlun cwngzgoj gag cauh neix daengz seizneix raeuz lij aeu de daeuj dazyinx.

　　Mauz Cwzdungh Swhsiengj dwg Majgwzswh Lezningz Cujyi baeznduj youq Cungguek doek ceh fatmaj，dwg yiengh lijlun yenzcwz caeuq ginghyen cungjgez cingqdeng ok laeng gwzming caeuq gensez Cungguek caiqlij ndaej daengz sizcen cwngmingz gvaq，dwg Majgwzswh cujyi caeuq gij saedsaeh Cungguek giethab youq gwnz lizsij guh baez bonghyat daih’it. Mauz Cwzdungh Swhsiengj aen lingzhoenz maenh’ak de dwg gij lizcangz、 gvanhdenj、 fuengfap nemriengz doengh gij bouhfaenh gapbaenz，raen youq ndaw yienghsaeh yawj saedceiq guhsaeh、 ndaw lohsienq nemriengz ginzcung、ndaw yienghsaeh gag bae dangranz， hawj gij saehnieb Dangj caeuq yinzminz fatmaj ndaej daengz gohyoz dazyinx.

　　Hojsik dwg，diuz lohsienq cingqdeng youz aen hoih Bet Daih Dangj raeuz dingh ndei haenx mbouj ndaej itcig hengz doh roengzbae，doxriengz miz ok yiengh loengloek baez yindung “dayozcin”、baez yindung guh yinzminz gunghse daengj，ciengz doucwngh fanj youbai hix deng byaz gvangq gvaqbouh. Gyahwnj mwhhaenx yiengh vanzging baihrog yiemzhaenq fukcab，Dangj raeuz ngeixnaemj ceiq lai dwg baenzlawz bae gyamaenh aen cwnggenz sevei cujyi， vihneix cix lai fuengmienh roengzrengz. Hoeng，gij loengloek Mauz Cwzdungh dungzci ok laeng gwnz lijlun caeuq sizcen gvendaengz yiengh gaihgiz doucwngh ndaw sevei cujyi sevei haenx cix yied daeuj yied haenq，Dangjcunghyangh mbouj ndaej gibseiz niujcingq doengh gij loengloek neix. Mauz Cwzdungh dungzci seizhaenx doiq aen gaihgiz hingzsi guek raeuz caeuq gij cwngci canggvang Dangj caeuq guekgya gyonq guj loek bae liux，fathwnj caeuq lingjdauj le “Vwnzva Dagwzming”，Linz Byauh、Gyangh Cingh song aen cizdonz fanjgwzming neix leihyungh gij loengloek Mauz Cwzdungh dungzci， guh le daihbaj saeh yak saeh rwix haih guek haih minz，yinxhwnj ciengz luenhlaengz cib bi，hawj Dangj、guekgya、yinzminz daj Cungguek moq laebbaenz doxdaeuj deng mbat daemqdengj sonjsied ceiq naek ceiq haenq ndeu，mbat hit neix haeuj ndok haeuj ngviz he. 1976 nienz 10 nyied，Cunghyangh Cwngcigiz caephengz gij eiqceiq Dangj caeuq yinzminz， laemxsim dwksoiq le “Swyinzbangh”，sat seuq le “Vwnzva Dagwzming” ciengz cainanh neix.

　　Daj Cungguek moq laebbaenz daengz mwh yaek gaijgwz hailangh， Dangj lingjdauj yinzminz guhbaenz sevei cujyi gwzming，mied seuq sojmiz gij cidu gwn vunz hoiq vunz，hawj Cunghvaz Minzcuz daj miz lizsij doxdaeuj guhbaenz yiengh biengz bienq ceiq gvangq ceiq laeg, hawj aen guek hung baihdoeng yiengh hojndoq、vunz lai neix ndaej bonghyat haeuj daengz aen biengz sevei cujyi.Mwh Dangj ra roen，yienznaeuz ginggvaq le ngutngeuj youqgaenj，hoeng Dangj raeuz guh sevei cujyi gwzming caeuq gensez aeundaej gij lijlun cwngzgoj gag caux caeuq cwngciu hungloet，bwh ndei gij gingniemh dijbauj、lijlun、vuzciz hawj raeuz youq lizsij seizgeiz moq bae haiguh yiengh sevei cujyi miz gij daegsaek Cungguek.

　　Cunghgoz Gungcanjdangj caeuq yinzminz Cungguek aeu gij yiengh gamj guh gamj buek naeuz lajmbwn rox, yinzminz Cungguek mboujdan ak bae buqvaih aen seiqgyaiq gaeuq、hix ak bae dajcauh aen seiqgyaiq moq ndeu, cijmiz sevei cujyi gouq ndaej Cungguek, cijmiz sevei cujyi ndaej hawj Cungguek hwngfat.

　　Sam、Guh Gaijgwz Hailangh Caeuq

　　Sevei Cujyi Yendaiva Gensez

　　Duenh guh gaijgwz hailangh caeuq sevei cujyi yendaiva gensez, gij hong youqgaenj Dangj raeuz seizde bungz daengz, dwg laebdaeb ra aeu diuz roen cingqdeng hawj Cungguek gensez sevei cujyi, gaijfang caeuq fazcanj sevei swnghcanjliz, hawj yinzminz baet gungz duet hoj、vaiq di fouqmiz hwnjdaeuj, aeu yiengh dijci youh hoengh youh moq bae baujcingq、aeu yiengh hwngfat riengjvaiq guh vuzciz diuzgen hawj raeuz guhbaenz Cunghvaz Minzcuz fukhwng hungmbwk.

　　“Vwnzva Dagwzming” gietsat baezlaeng，youq mwh Dangj caeuq guekgya byaij daengz giz lohnga，Dangj raeuz laegdaeuq rox daengz，cijmiz byaij diuz loh guh gaijgwz hailangh，mboujne gij saehnieb yendaiva caeuq saehnieb sevei cujyi raeuz couh yaek satsoq. 1978 nienz 12 nyied， Baez Sam Cungh Daengxhoih Gaiq Cib’it Dangj raeuz，sikhaek gietsat “aeu gaihgiz doucwngh guh daeuz”，hawj gij hong Dangj caeuq guekgya comzrengz bae guh de guh daengxbuenz senjnod， hai guh gaijgwz hailangh caeuq sevei cujyi yendaiva gensez，daj Cungguek moq laebbaenz doxdaeuj youq gwnz lizsij Dangj raeuz guhbaenz baez cienjbienq hungmbwk youh ndeileih gyaeraez ndeu. Dangj raeuz guh’ok aen gezcwz hungnaek daengzdaej foujdingh “Vwnzva Dagwzming”. Seiqcib lai bi daeuj，aen Dangj raeuz itloh daengzdaej dawzmaenh gij lohsienq fuengcim cwngcwz baez daengxhoih neix dingh haenx.

　　Baez Sam Cungh Daengxhoih Gaiq Cib’it Dangj raeuz gvaqlaeng, gyoengq vunz Cunghgoz Gungcanjdangj youz Dwng Siujbingz dungzci lingxdaeuz daibyauj haenx, comzgiet daiqlingx daengx Dangj daengx guek gak cuz yinzminz, laegdaeuq cungjgez gij gingniemh baenzbaih daj Cungguek moq laebbaenz doxdaeuj, hopheux gijmaz dwg sevei cujyi、baenzlawz gensez sevei cujyi aen vwndiz ceiq goek neix, ciuq yawj gij gingniemh lizsij sevei cujyi lajbiengz, cauhlaeb le Dwng Siujbingz Lijlun, hawj swhsiengj hoiz haed, ciuq saedsaeh banhsaeh, guh ok aen gezcwz hawj gaiq hong aen Dangj caeuq guekgya comzrengz bae guh de cienj daengz gwnz gaiq hong guh ginghci gensez、guh gaijgwz hailangh daeuj, aen gezcwz hab geiq haeuj lizsij neix haeuj goek haeuj ceh gangj ok le sevei cujyi dauqdaej dwg yiengh lawz, doekdingh diuz gihbwnj lusen duenh codaeuz sevei cujyi, mingzbeg gangj ok aeu byaij diuz roen bonjfaenh、hwnqguh yiengh sevei cujyi miz gij daegsaek Cungguek, gohyoz hoizdap le doengh gij gihbwnj vwndiz baenzroix gvendaengz hwnqguh yiengh sevei cujyi miz gij daegsaek Cungguek, ceiqdingh le aen canloz hwngfat daengz ngeihcib it sigij buenqgyang faen sam yamq byaij、daihdaej guhbaenz sevei cujyi yendaiva, hai baenz le yiengh sevei cujyi miz gij daegsaek Cungguek.

　　Baez Seiq Cungh Daengxhoih Gaiq Cibsam Dangj raeuz gvaqlaeng, gyoengq vunz Cunghgoz Gungcanjdangj youz Gyangh Cwzminz dungzci lingxdaeuz daibyauj haenx, comzgiet daiqlingx daengx Dangj daengx guek gak cuz yinzminz, dawzmaenh gij gihbwnj lijlun、diuz gihbwnj lusen Dangj raeuz, gyalaeg nyinhrox gijmaz dwg sevei cujyi、baenzlawz hwnqguh sevei cujyi caeuq yaek hwnqguh aen Dangj baenz yiengh lawz、baenzlawz bae hwnqguh aen Dangj, guhbaenz le “Sam Aen Daibyauj”Cungyau Swhsiengj, youq mwh ndaw guek rog guek saeh lai gyauxgyog、gij sevei cujyi lajmbwn deng ngutngeuj youqgaenj doengh gij yienghsaeh neix cungj roemx haeuj baihnaj daeuj, henhoh le yiengh sevei cujyi miz gij daegsaek Cungguek, doekdingh le gij moegbiu gaijgwz caeuq aen gvaengxgaq dwkdaej aen dijci yiengh hawciengz ginghci sevei cujyi, doekdingh le youq duenh codaeuz sevei cujyi aen gihbwnj ginghci cidu aeu gij gunghyoujci guh goek、lai cungj sojyoujci ginghci doengzcaez hwngfat caeuq aen cidu faenboiq aeu ciuq hong faenboiq guh goek、lai cungj fuengsik faenboiq caezyouq haenx, cauh ok gij yiengh moqsak gaijgwz hailangh dohdaengz, doihaeuj hangh gunghcwngz hungmbwk moq hwnqguh aen Dangj, ndaej dawz yiengh sevei cujyi miz gij daegsaek Cungguek doi haeuj ngeihcib it sigij.

　　Cibroek Daih Dangj raeuz gvaqlaeng, gyoengq vunz Cunghgoz Gungcanjdangj youz Huz Ginjdauh dungzci lingxdaeuz daibyauj haenx, comzgiet daiqlingx daengx Dangj daengx guek gak cuz yinzminz, youq mwh dohdaengz hwnqguh aen biengz siujgangh doihaeuj cauhmoq guhsaeh、cauhmoq lijlun、cauhmoq cidu, laegdaeuq roxyiuj caeuq hoizdap le doengh gij vwndiz hungnaek gvendaengz youq laj hingzseiq moq guh yiengh hwngfat lawz、baenzlawz bae hwngfat daengj, guhbaenz le Gohyoz Fazcanjgvanh, gaemdawz mboengq seizgei youqgaenj he, haeujsim guh gensez, laemxsim maeuz hwngfat,daegbied gangj daengz dawznaek aeu vunz guh goek、hawj hwngfat ndaej dohdaengz doxdaengh lienzdaemh roengzbae, roengzrengz baujndei caeuq gaijndei gij gwndaenj beksingq, coihawj ndawbiengz goengbingz cingqngeih, doihaeuj gaiq hong hawj Dangj raeuz engq rox gaemgienz engq ak gaemgienz caeuq ndaej maenhndei gvaq vunz, youq baihlaj hingzseiq moq ndaej baujndei caeuq hwngfat le yiengh sevei cujyi miz gij daegsaek Cungguek.

　　Vihliux doihaeuj gaijgwz hailangh, Dangj raeuz dauqcungz laebdingh diuz lohsienq swhsiengj、 lohsienq cwngci、 lohsienq cujciz Majgwzswh cujyi, daengzdaej foujdingh diuz fuengcim loengloek “song aen fanzdwg”, cingqdeng bingzgyaq gij lizsij diegvih Mauz Cwzdungh dungzci caeuq aen gohyoz dijhi Mauz Cwzdungh Swhsiengj. Dangj raeuz mingzbeg doekdingh gij doxdawz youqgaenj aen biengz guek raeuz dwg aen doxdawz yinzminz aeu yungh vuzciz vwnzva ngoenz beij ngoenz demlai hoeng gij swnghcanj ndawbiengz doeklaeng, gaijgez aen doxdawz youqgaenj neix couh dwg gij cungsim yinvu raeuz, daezok gij moegbiu aen biengz siujgangh. Dangj raeuz youq gaiq hong gak fuengmienh hoizfuk caemhcaiq ceiqdingh baenzroix cwngcwz cingqdeng, diuzcingj gozminz ginghci. Dangj raeuz lingjdauj youq doengh aen lingjyiz swhsiengj、cwngci、cujciz daengj dohdaengz bae guh ceih luenh fuk cingq, daih gveihmoz bingzfanj anq ienuengj anq gyaj anq loek caeuq diuzcingj gij gvanhaeh ndawbiengz. Dangj raeuz ceiqdingh《Aen Gezyi Gvendaengz Daj Laeb Guek Doxdaeuj Geij Aen Lizsij Vwndiz Aen Dangj》, hauh ok le Dangj raeuz youq swhsiengj dazyinx fuengmienh ceih luenh fuk cingq gaenq guh ndei guh baenz.

　　Dangj raeuz laegdaeuq rox daengz, cauh’ok aen buenzmienh moq gaijgwz hailangh caeuq hwnqguh yiengh yendaiva sevei cujyi, bietdingh aeu yungh lijlun cauhmoq dazyinx saehnieb hwngfat. Dwng Siujbingz dungzci gangj gvaq, aen dangj ndeu, aen guekgya ndeu, aen minzcuz ndeu, danghnaeuz yienghyiengh ciuq ndaw saw bae guh, swhsiengj gyaengjgyat, maezsaenq hwnghengz, yienghneix de couh mbouj ndaej baenaj, gij rengzhoengh de couh dingz roengzdaeuj lo, couh yaek mied Dangj mied guek. Dangj raeuz lingjdauj caeuq haeujcoengh vunzlai yaenglwnh gij biucinj caenleix, daj saedsaeh moq caeuq gij daegdiemj seizdaih moq hwnjdin, dawzndei caeuq hwngfat Majgwzswh cujyi, gohyoz hoizdap le doengh roix vwndiz baeznaengz gvendaengz hwnqguh yiengh sevei cujyi miz gij daegsaek Cungguek, lumjbaenz diuz roen hwngfat、duenhmbaek hwngfat、faenhhong giekbonj、rengznyoengx hwngfat、aen canloz hwngfat、cwngci baujcingq、guekcoj dungjyiz、gij canloz vaigyauh caeuq gozci、gij rengz lingjdauj caeuq gij rengz ingbaengh daengj, guhbaenz aen lijlun dijhi yiengh sevei cujyi miz gij daegsaek Cungguek, hawj Majgwzswh cujyi habngamj Cungguek caiq ndaej bonghyat baenaj.

　　Baez hoih Cibngeih Daih、 Cibsam Daih、 Cibseiq Daih、 Cibhaj Daih、 Cibroek Daih、 Cibcaet Daih Dangj raeuz, gaengawq gij hingzseiq ndaw guek rog guek hwngfat bienqvaq, daj gij iugouz moq hwngfat guek raeuz bae ngeixnaemj, itloh doiq doicaenh gaijgwz hailangh caeuq hwnqguh yiengh yendaiva sevei cujyi guh ok baijbouh gvaq doh, caemhcaiq ciuhai lai baez daengxhoih cunghyangh faen ciendaez yaenggangj baijbouh gij hong hungnaek gaijgwz hwngfat onjdingh. Gij gaijgwz guek raeuz daj lajmbanj saedhengz yiengh cwzyinci gyahdingz lenzcanj cwngzbauh sien guh cungbyoengq, cugyamq cienj coh gaijgwz gij ginghci dijci hawsingz caemhcaiq mbehai daengz gak giz gak yiengh, laebdingh aen fuengyiengq gaijgwz yiengh hawciengz ginghci sevei cujyi, engq laeg engq gvangq bae hawj hawciengz youq mwh boiqceiq swhyenz ndaej guh goek, dingjmaenh caeuq laeb caezcienz gij ginghci cidu caeuq gij faenboiq cidu giekbonj. Dangj raeuz dinghmaenh laebdaeb gaijgwz ginghci dijci, doengzseiz gaijgwz gij dijci doengh aen lingjyiz cwngci、vwnzva、sevei daengj, doicaenh gaijgwz gij cidu dajcauh Dangj raeuz, mboujduenh cauxbaenz caeuq hwngfat gij dijci gihci hab gij guekcingz Cungguek dangdaih、gig miz rengzhoengh haenx. Dangj raeuz dawz doiq rog hailangh laebdingh guh gihbwnj gozcwz, daj hwngbanh Sinhcin daengj ginghci dwzgih、haifat hailangh Bujdungh、doidoengh dieg henzhaij henzbien henzdah henzsienq caeuq hawsingz dieggyang neiluz doiq rog hailangh daengz gyahaeuj Seiqgyaiq Mouyiz Cujciz, daj “yinx haeujdaeuj” daengz “byaij okbae”, lailai yungh ndaw guek rog guek song aen hawciengz、 song cungj swhyenz. Ginggvaq lienzdaemh doicaenh gaijgwz hailangh, guek raeuz guhbaenz le daj aen dijci giva ginghci gig gyonjconz haenx cienj haeuj aen dijci yiengh hawciengz ginghci sevei cujyi gig miz rengzhoengh、daj fungsaek buenq fungsaek cienj daengz gizgiz yienghyiengh hailangh yiengh cienjbienq doenghbaez caengz miz gvaq neix.

　　Vihliux gyavaiq doicaenh yiengh yendaiva sevei cujyi, Dangj raeuz lingjdauj yinzminz hwnqguh ginghci、cwngci、vwnzva、ndawbiengz, aeundaej baenzroix cingzcik hungnaek. Dangj raeuz dawzmaenh aeu hwnqguh ginghci guhgoek, dingj aeu hwngfat guh hongsaeh goekdaeuz, daezok gohyoz gisuz dwg swnghcanjliz daih’it, saedhengz gij canloz hungnaek baengh gohgyau hwng guek、ndaej lienzdaemh hwngfat、baengh vunzcaiz ak guek daengj, doicaenh Baihsae daih haifat, guhhoengh gij gunghyez gihdi geq dieg Doengbaek daengj, coihawj dieg Cungqgyang hwnghwnj, haeujcoengh dieg Baihdoeng hwngfat gonq, coihawj singz mbanj、ranghdieg doxdaengh hwngfat, doicaenh giyez guekmiz gaijgwz caeuq hwngfat, gikcoi caeuq haeujcoengh fazcanj gij ginghci mbouj dwg gunghyoujci, gyavaiq cienjbienq gij fuengsik hwngfat ginghci, gyarengz baujhoh swnghdai vanzging, doidoengh ginghci lienzdaemh riengjvaiq fatmaj, gij gueklig gyoebhab ndaej daezswng haujlai. Dangj raeuz dingjmaenh Dangj guh lingjdauj、yinzminz danggya guhcawj、 ciuqfap guenj guek ndeindei doengjit, hwngfat yiengh minzcuj cwngci sevei cujyi, laeb baenz yiengh cwngci vwnzmingz sevei cujyi, lailai onjdangq doihaeuj gaijgwz gij dijci cwngci, dawzmaenh ciuqfap guenj guek caeuq yungh daudwz guenj guek dox giethab, ceiqdingh yenfaz moq, hwnqguh aen guekgya sevei cujyi gangj fapceih, cauxbaenz aen faplwd dijhi sevei cujyi miz gij daegsaek Cungguek, gingqcungh caeuq baujcang yinzgenz, gyamaenh caeuq hwngfat diuz gyaezguek dungjyiz cansen ceiq gvangqlangh. Dangj raeuz gyarengz bae sonyinx laebhwnj lijsiengj saenqniemh,doicaenh hwnqguh aen hwzsinh gyaciz dijhi sevei cujyi, laebhwnj yiengh cingsaenz vwnzmingz sevei cujyi, hwngfat gij senhcin vwnzva sevei cujyi, doidoengh gij vwnzva sevei cujyi fatmaj hwnghoengh roengzbae. Dangj raeuz gyavaiq doicaenh hwnqguh aen biengz aeu gaijndei gwndaenj beksingq guh cungdenj haenx, gaijndei gwndaenj beksingq, siu nungzyezsui bae, mboujduenh doicaenh hag miz vunz son、guh miz souhaeuj、 bingh miz cienz yw、 laux miz vunz ciengx、 youq miz ranz youq, coicaenh ndawbiengz huzndei onjdingh. Dangj raeuz daezok gij saeh itdingh aeu guh hawj aen bingdoih gwzming bienq cwnggveih ndaej gaenhwnj ciuhneix akmaenh raixcaix, dawz gizgoek caepcawq ginhsw doucwngh cuengq youq laj diuzgen sinsizva hoenx hingz gij ciengq mbangj dieg, doicaenh yiengh ginhsw bengwz miz gij daegsaek Cungguek, byaij diuz roen hawj bing ak miz gij daegsaek Cungguek.

　　Najdoiq gij gozci hingzseiq boekbienq riengjvaiq, Dangj raeuz mbouj doenghngauz saek di dawzmaenh seiq hangh yenzcwz giekbonj, laemxsim baizcawz gak cungj gauxca, simdingh wngqdoiq baenzroix fungyiemj gaujniemh gvanhaeh daengz daengxbuenz gaijgwz hwngfat onjdingh guek raeuz haenx. Ngeihcib sigij betcib nienzdaih satbyai goujcib nienzdaih cogeiz, Suhlenz nyaihsanq、 Dungh’ouh boekbienq. Aenvih youq gwnz gozci miz gij seiqlig digdoiq fanj gung fanj sevei cujyi haenx haeujcoengh caeuq yukyon, gij hingzseiq hung seiqgyaiq caeuq gij hingzseiq iq ndaw guek cauhbaenz guek raeuz youq mwh 1989 nienz seizcin seizhah dox gapgyau fatseng cwngci funghboh youqgaenj. Dangj caeuq cwngfuj baenghgauq yinzminz, mingzbeg dawzdingh fanjdoiq doenghluenh, henndaet le gij cwnggenz aen guekgya sevei cujyi, henhoh le gij leih’ik gaenbonj yinzminz. Dangj raeuz lingjdauj yinzminz haemq ndei bae wngqdoiq gij fungyiemj ginghci beijlumj ciengz ginhyungz veizgih Yacouh、ciengz ginhyungz veizgih gozci daengj, banhbaenz 2008 nienz Bwzgingh Auyinvei、Canzauvei, hoenxhingz gij mbwncai rangh diegdah Dahcangzgyangh caeuq Dahnwn’gyangh、Dahsunghvahgyangh raemxrongz raemxdumh youqgaenj、Vwnconh deihdoengh daegdaih daengj, hoenxhingz gij binghraq feihdenj, yienh ok le gij naengzlig Dangj raeuz dingjdangj fungyiemj caeuq gaemguenj gij gizmen fukcab.

　　Dangj raeuz dawz guhbaenz guekcoj dungjyiz gaiq saeh hung neix dangguh diuz rapnaek lizsij, vih neix mboujduenh roengzrengz bae guh. Dwng Siujbingz dungzci rox cauhmoq bae daezok aen gousiengj gohyoz “aen guekgya ndeu, song cungj cidu”, hai ok le diuz roen moq aeu hozbingz fuengsik guhbaenz guekcoj dungjyiz. Guh haujlai hong caeuq doucwngh dwgrengz le, aen cwngfuj guek raeuz lienzdaemh doiq Yanghgangj、 Aumwnz hoizfuk hengzsawj cawjgienz, dawz gij saetnaj bak bi Cunghvaz Minzcuz swiq seuqsat lo.Yanghgangj、Aumwnz ma daengz guekcoj le，cunghyangh cwngfuj yiemzgek ciuq yenfaz caeuq aen gihbwnjfaz dwzbez hingzcwnggih guh saeh，hawj Yanghgangj、Aumwnz ciengzgeiz mwnhoengh onjdingh. Dangj raeuz gaemdawz aen daihbuenz gaijgez Daizvanh vwndiz，laebdingh aen fuengcim youqgaenj “hozbingz gyoeb dauq、aen guekgya ndeu song cungj cidu”，doinyoengx song hamq guhbaenz “Gij Nyinhrox Doxdoengz Goujngeih Nienz” daejyienh diuz yenzcwz aen Cungguek dog，doihaeuj song hamq daihcaez doxyaeng，guhbaenz song mbiengj cigsoh dohcaez “sam doeng”，hawj cwngdangj song hamq ndaej caez dox baedauq. Ceiqdingh aen fap fanj faenmbek guekgya，laemxsim naenxhaed gij seiqlig “Daizvanh doglaeb”、 coihawj guekcoj gyoeb dauq，akrengz dwkbaih doengh gij maeuzsuenq ceiqcauh “song aen Cungguek”、“aen Cungguek ndeu aen Daizvanh ndeu”、“Daizvanh doglaeb” . 

　　Dangj raeuz gohyoz duenqdingh aen daegdiemj seizneix caeuq gij hingzseiq gozci，daezok hozbingz caeuq hwngfat dwg gij cawjdaez aen seizdaih neix. Dangj raeuz dawzmaenh aen cunghcij cwngcwz vaigyauh aeu henhoh seiqgyaiq hozbingz、coihaeuj doengzcaez hwngfat，diuzcingj aen gvanhaeh caeuq aen guek hung youqgaenj，lai riengz doengh aen guekgya seiqhenz doxhuz doxndei，gyalaeg riengz bueng guekgya cingqcaih hwngfat de doxgap caez ndei，lailai caeuqfaenh gij yienghsaeh gozci caeuq digih，hawj aen gvanhaeh doiq rog laebhwnj gij yiengh moq faen lai caengz guh dohdaengz. Dangj raeuz gaenxmaenx coihaeuj seiqgyaiq guhbaenz lai mbiengj lai nga、coihaeuj gij gvanhaeh gozci yied guh yied minzcuj，doinyoengx yiengh ginghci daengx seiqgyaiq doxngaeu doxlienz byaij coh aen fuengyiengq ndeileih caezcaemh mwnhoengh，gangj mingz gangj seuq bae fanjdoiq bagenz cujyi caeuq yiengh cwngci hengzmanz，laemxsim henhoh gij leih’ik bueng guekgya cingqcaih hwngfat de，doinyoengx laebhwnj aen cizsi moq goengcingq hableix hawj gozci cwngci ginghci，coisawj seiqgyaiq hozbingz naihnanz、caezcaemh mwnhoengh.

　　Dangj raeuz itcig cungj gangjnaeuz，guenj guek itdingh aeu sien bae guenj Dangj，guenjleix saehdangj itdingh aeu yiemzhaenq， haeujsim haeujuk guh ndei gaiq hong dangjgen，haicauh caeuq doihaeuj hangh gunghcwngz hungmbwk moq dangjgen. Dangj raeuz ceiqdingh doengh gij cunjcwz gvendaengz yiengh cwngci swnghhoz ndaw Dangj，laebcienz aen cidu minzcuj cizcungh，lai guh yiengh minzcuj ndaw Dangj，hawj cwngci swnghhoz ndaw Dangj bienq baenz yiengh saeh ngoenznaengz； miz giva miz bouhloh bae cingjcoih ndaw dangj，roengzrengz gaijgez gij vwndiz swhsiengj mbouj cingh、 cozfungh mbouj cingh、 cujciz mbouj cingh ndaw Dangj； ciuq aen fuengcim engq gwzming、engq cozoiq、engq miz cihsiz、engqgya ciennieb gyarengz hawj aen doih ganbu bienq ndaej engq ndei，lailai senjaeu boux ganbu nienzoiq，coihaeuj aen doih ganbu laux oiq doxlawh. Dangj raeuz hopheux baenzlawz hawj Dangj engq rox lingjdauj caeuq engq rox gaemgienz、engq ak dingj nduk fuengz bienq caeuq engq ak dingjdangj fungyiemj song aen lizsij godiz neix，aeu gyaak gij bonjlingx gaemgienz caeuq hawj Dangj raeuz engqgya senhcin guh cawjsienq，gonqlaeng cien doiq doengh gij vwndiz hungnaek lumjbaenz hawj Dangj caeuq yinzminz ginzcung lienzhaeh engq ndei、 gya’ndei caeuq gaijndei yiengh cozfungh gensez Dangj raeuz、 gyaak gij bonjlingx gaemgienz Dangj raeuz daengj guh’ok gietdingh，cujciz haiguh gij yienghsaeh sonrox “gangj hagsib、gangj cwngci、gangj cingqheiq”、hagrox sonrox “Sam Aen Daibyauj” Cungyau Swhsiengj、sonrox gungcanjdangjyenz seizseiz miz yiengh senhcin、hagsib saedguh Gohyoz Fazcanjgvanh daengj. Dangj raeuz dawz gaiq hong guh ndei dangjfungh lenzcwng caeuq gij doucwngh fanj nduknaeuh yawjbaenz gij vwndiz nangqdaengz Dangj caeuq guekgya dailix，doihaeuj guh ndei aen dijhi fadceih caeuq yawhfuengz nduknaeuh.

　　Youq mwh gaijgwz hailangh ndaej seiqcib hopbi，Dangjcunghyangh lungzcung hai daihhoih angqhoh，Siz Ginbingz dungzci youq gwnz hoih gangjvah. Aen gangjvah neix dohdaengz cungjgez gij cwngzciu hungloet caeuq gij gingniemh dijbauj youq ndaw seiqcib bi gaijgwz hailangh aeundaej，daegbied gangj daengz gaijgwz hailangh dwg baez roxsingj hungmbwk Dangj raeuz，dwg baez gwzming hungmbwk yinzminz Cungguek、baez gwzming hungmbwk mbat’it gwnz lizsij hwngfat Cunghvaz Minzcuz，hemqheuh daengx Dangj daengx guek dawz gaijgwz hailangh guh daengzdaej, gangjvah youqgaenj dangqmaz. Aen cwngzciu hungloet gaijgwz hailangh caeuq sevei cujyi yendaiva gensez daengx seiqgyaiq cimyawj，guek raeuz cung byoengq lizsij, hawj aen guekgya swnghcanjliz haemq doeklaeng neix bonghyat daengz aen cungjliengh ginghci seiqgyaiq daihngeih，guek raeuz hamj gvaq lizsij, hawj yiengh saedceij yinzminz daj gwn daenj mbouj gaeuq bonghyat daengz cungjdaej siujgangh caiqlij byaij coh siujgangh dohdaengz，guek raeuz cingq caiq baez doihaeuj mbat bonghyat hungmbwk hawj Cunghvaz Minzcuz daj ndwn hwnjdaeuj daengz fouq hwnjdaeuj.

　　Cunghgoz Gungcanjdangj caeuq yinzminz Cungguek baengh yiengh gamj guh gamj buek yiemzrwd naeuz hawj daengx seiqgyaiq rox, gaijgwz hailangh dwg aen banhfap ceiq youqgaenj gietdingh yiengh ndeirwix baenzbaih ngoenzlaeng aen Cungguek ciuhneix, diuz roen sevei cujyi miz gij daegsaek Cungguek dwg diuz roen cingqdeng dazyinx Cungguek hwngfat hoenghhwd, Cungguek yamq hung boenq cimh le seizdaih.

　　Seiq、Cauh’ok Aen Seizdaih Moq Sevei Cujyi

　　Miz Gij Daegsaek Cungguek

　　Cibbet Daih Dangj raeuz doxdaeuj, yiengh sevei cujyi miz gij daegsaek Cungguek haeuj daengz seizdaih moq. Gij hong youqgaenj Dangj raeuz bungz daengz, dwg guhbaenz faenhhong buekguh aen bak bi daih’it, hainduj bae guh faenhhong buekguh aen bak bi daihngeih, gaenriengz aen moegbiu hungloet guhbaenz Cunghvaz Minzcuz fukhwng hungmbwk laebdaeb byaij baenaj.

　　Aen Dangjcunghyangh aeu Siz Ginbingz dungzci guhgoek dungjcouz gaemdawz yiengh baijbouh daengxbuenz Cunghvaz Minzcuz fukhwng hungmbwk caeuq yiengh bienqvaq hungloet seiqgyaiq bak bi caengz miz，daegbied gangjnaeuz aen seizdaih moq sevei cujyi miz gij daegsaek Cungguek dwg aen seizdaih swnj gonq ciep laeng、swnj roen hai loh、youq laj lizsij diuzgen moq laebdaeb hawj yiengh sevei cujyi miz gij daegsaek Cungguek baenzndei lailai，dwg aen seizdaih buekhingz ciengz ciengq dohdaengz hwnqbaenz aen biengz siujgangh、caiqlij dohdaengz hwnqguh aen guekak yendaiva sevei cujyi， dwg aen seizdaih daengx guek gak cuz yinzminz doxgiet buekguh、 mboujduenh dajcauh yiengh saedceij gyaeundei、 baez di hawj daengxcungq yinzminz daihcaez fouqmiz，dwg aen seizdaih daengxcungq lwglan Cunghvaz caezsim gaprengz、baedrengz guhbaenz aen loqsiengj Cungguek Cunghvaz Minzcuz fukhwng hungmbwk，dwg aen seizdaih guek raeuz mboujduenh vih vunzloih guh’ok gij gunglauz engq lai. Aen seizdaih moq sevei cujyi miz gij daegsaek Cungguek dwg aen fuengvih moq gwnz lizsij guek raeuz hwngfat.

　　Gyoengq vunz Cunghgoz Gungcanjdangj youz Siz Ginbingz dungzci lingxdaeuz daibyauj haenx, itloh aeu gij yienzleix giekbonj Majgwzswh cujyi caeuq gij saedsaeh Cungguek dox giethab、caeuq gij conzdungj vwnzva maenhndei Cunghvaz dox giethab, seizseiz dawzmaenh Mauz Cwzdungh Swhsiengj、Dwng Siujbingz Lijlun、“Sam Aen Daibyauj” Cungyau Swhsiengj、Gohyoz Fazcanjgvanh, laegdaeuq cungjgez caemhcaiq lailai yunghndei gij gingniemh lizsij daj Dangj raeuz laebbaenz doxdaeuj he, daj saedsaeh moq hwnjdin, cauhlaeb le Aen Swhsiengj Sevei Cujyi Miz Gij Daegsaek Cungguek Seizdaih Moq Siz Ginbingz，mingzbeg doekdingh ndaw goek sevei cujyi miz gij daegsaek Cungguek gizdieg ceiq mbouj doengz gijwnq de dwg Cunghgoz Gungcanjdangj lingjdauj，aen cidu sevei cujyi miz gij daegsaek Cungguek gizdieg ak vunz lailai de dwg Cunghgoz Gungcanjdangj lingjdauj，Cunghgoz Gungcanjdangj guhgoek lingjdauj cwngci，daengx Dangj itdingh aeu lailai guh daengz “seiq rox”、roengz maenh “seiq aen gagsaenq”、guh daengz “song aen henhoh”；mingzbeg doekdingh dawzmaenh caeuq hwngfat yiengh sevei cujyi miz gij daegsaek Cungguek，aen yinvu daengxbuenz de dwg guhbaenz sevei cujyi yendaiva caeuq Cunghvaz Minzcuz fukhwng hungmbwk，dohdaengz hwnqbaenz aen biengz siujgangh gvaqlaeng，caiq faen song yamq daeuj byaij, youq duenhgyang aen sigij neix hwnqbaenz aen guekak yendaiva sevei cujyi fouqmiz akrengz minzcuj vwnzmingz huzndei gyaeundei，aeu yiengh yendaiva Cungguek gag miz bae doi haeuj Cunghvaz Minzcuz fukhwng hungmbwk；mingzbeg doekdingh yiengh doxdawz youqgaenj ndawbiengz seizdaih moq guek raeuz dwg yiengh aeuyungh saedceij gyaeundei yinzminz ngoenz beij ngoenz demmaj caeuq yiengh hwngfat mbouj doxdaengh mbouj cukgaeuq doxdawz，itdingh aeu dawzmaenh yiengh swhsiengj hopheux yinzminz bae hwngfat， lai hawj yinzminz minzcuj ronzdoeng goekbyai， doihaeuj bouxvunz dohdaengz fatmaj、doihaeuj gaiq hong hawj daengxcungq yinzminz doengzcaez fouqmiz caen ndaej raenndei lailai dahraix;mingzbeg doekdingh yiengh baijbouh cungjdaej aen saehnieb sevei cujyi miz gij daegsaek Cungguek，dwg ginghci gensez、cwngci gensez、 vwnzva gensez、ndawbiengz gensez、swnghdai vwnzmingz gensez haj yiengh neix gap baenz aen，gij baijbouh gwnz canloz dwg cienzmienh hwnqguh aen guekgya yendaiva sevei cujyi、cienzmienh gyalaeg gaijgwz、cienzmienh ciuqfap guenj guek、cienzmienh yiemzhaenq guenj Dangj seiq aen cienzmienh；mingzbeg doekdingh aen cungjmoegbiu cienzmienh gyalaeg gaijgwz dwg laebndei caeuq fatmaj aen cidu sevei cujyi miz gij daegsaek Cungguek、doi hawj aen dijhi ceihleix caeuq gij naengzlig ceihleix guekgya hab yienhdaih aeuyungh；mingzbeg doekdingh aen cungjmoegbiu cienzmienh doihaeuj ciuqfap guenj guek dwg hwnqbaenz aen fapceih dijhi sevei cujyi miz gij daegsaek Cungguek、 hwnqguh aen guekgya fapceih sevei cujyi；mingzbeg doekdingh itdingh aeu dingjmaenh caeuq laebndei aen ginghci cidu giekbonj sevei cujyi， hawj hawciengz gietdingh baenzlawz boiqceiq swhyenz，engq ndei langh ok gij rengz cwngfuj， dawzndei duenh hwngfat moq，gvancez gij leixniemh hwngfat moq, couhdwg cauhmoq、gapguh、saekheu、hailangh、 caezyiengj，gyavaiq cauhlaeb aen gvaengxgaq hwngfat moq aeu aen baenq ndaw guek guh daeuz、ndaw guek rog guek song aen baenq dox coi hwngfat，coi hawj caetliengh sang bae hwngfat，doengbuenz maeuzveh hwngfat caeuq ancienz；mingzbeg doekdingh Dangj raeuz youq seizdaih moq yaek dajcauh aen bingdoih yinzminz remcieng ndeu, couhdwg dingq Dangj cijveih、hoenxciengq ndaej hingz、cozfungh maenhndei；mingzbeg doekdingh yiengh vaigyauh guekhung miz gij daegsaek Cungguek aeu fugsaeh minzcuz fukhwng、coi hawj vunzloih cinbu，doidoengh cauhlaeb cungj gozci gvanhaeh yienghmoq，doidoengh cauhlaeb aen minghyinh caezcaemh vunz lajmbwn；mingzbeg doekdingh diuz canloz fuengcim cienzmienh yiemzhaenq guenj Dangj，daezok seizdaih moq aeu dajcauh Dangj raeuz baenz yienghlawz，dohcaez doinyoengx laebndei cwngci、swhsiengj、cujciz、cozfungh、gijliz Dangj raeuz，aeu cauhlaeb cidu ronz gvaq doengh gaiq hong gwnzneix，haeujlaeg doihaeuj fanj nduknaeuh doucwngh，doeksaed gij cwngci cwzyin guenj Dangj ceih Dangj，doenggvaq gag gaij bienq ndei hungmbwk bae dazyinx ciengz gwzming ndawbiengz hungmbwk. Doengh gij swhsiengj doengbuenz caeuq gij leixniemh cauhmoq neix，dwg gij cwngzciu hungloet Dangj raeuz doenggvaq haeujlaeg nyinhrox gij gvilwd hwnqguh yiengh sevei cujyi miz gij daegsaek Cungguek caeuq doiq de guh lijlun cauhmoq cix aeundaej.

　　Siz Ginbingz dungzci doiq baenzroix vwndiz hungnaek doengh gij lijlun caeuq sizcen gvendaengz aen saehnieb Dangj caeuq guekgya seizdaih moq hwngfat guh le ngeixnaemj laegdaeuq caeuq gohyoz buenqduenh，lumjbaenz youq seizdaih moq aeu dingjmaenh caeuq hwngfat yiengh sevei cujyi miz gij daegsaek Cungguek lawz、baenzlawz dingjmaenh caeuq hwngfat yiengh sevei cujyi miz gij daegsaek Cungguek，hwnqguh aen guek ak yendaiva sevei cujyi yiengh lawz、baenzlawz hwnqguh aen guek ak yendaiva sevei cujyi，hwnqguh aen cwngdangj Majgwzswh cujyi ciengzgeiz gaemgienz yiengh lawz、baenzlawz hwnqguh aen cwngdangj Majgwzswh cujyi ciengzgeiz gaemgienz, doiq gij goqdaez hungnaek neix daezok baenzroix leixniemh moq swhsiengj moq canloz moq guenj guek ceih biengz dwg baeznduj cauhlaeb haenx，dwg boux youqgaenj haigoek laeb Aen Swhsiengj Sevei Cujyi Miz Gij Daegsaek Cungguek Seizdaih Moq Siz Ginbingz. Aen Swhsiengj Sevei Cujyi Miz Gij Daegsaek Cungguek Seizdaih Moq Siz Ginbingz dwg gij Majgwzswh cujyi aen Cungguek dangdaih、gij Majgwzswh cujyi ngeihcib it sigij，dwg gij ceiqndei ok laeng vwnzva Cunghvaz caeuq cingsaenz Cungguek seizneix，guhbaenz le Majgwzswh cujyi caeuq gij saedsaeh Cungguek dox giethab caiq ndaej yatbongh baenaj. Dangj raeuz dinghlaeb Siz Ginbingz dungzci guhgoek Dangjcunghyangh、guhgoek daengx Dangj，dinghlaeb aeu Aen Swhsiengj Sevei Cujyi Miz Gij Daegsaek Cungguek Seizdaih Moq Siz Ginbingz daeuj dazyinx，neix fanjyingj le gij simmuengh caezcaemh daengx Dangj daengx ginh daengx guek gak cuz yinzminz, yaek bauj ndaej hwngfat gij saehnieb aen Dangj caeuq guekgya seizdaih moq、doihaeuj aen lizsij Cunghvaz Minzcuz fukhwng hungmbwk.

　　Gaijgwz hailangh gvaqlaeng，gij saehnieb Dangj caeuq guekgya aeundaej cwngzciu hungloet，vih youq seizdaih moq fatmaj aen saehnieb sevei cujyi miz gij daegsaek Cungguek dwk roengz le giekdaej maenhsaed、cauh ok le diuzgen ndei. Doengzseiz，Dangj raeuz singjsag rox daengz，vanzging baihrog bienqvaq daiq miz haujlai fungyiemj diuhcan moq，ndaw guek gaijgwz hwngfat onjdingh bungzdaengz maqhuz lai doxdawz caeuq vwndiz caengzlaeg ciengzgeiz caengz ndaej gaijgez nem mbangj di doxdawz caeuq vwndiz moq，guenj Dangj ceih Dangj miz mboengq ndeu soeng yungz unq，hawj ndaw Dangj lah gij yiengh guhnyaek nduknaeuh、cwngci swnghdai ok vwndiz youqgaenj，haih daengz gij gvanhaeh Dangj caeuq ginzcung、ganbu caeuq ginzcung，soeknyieg gij rengzcauhguh、rengzgietcomz、rengzhoenxciengq Dangj raeuz，hawj Dangj raeuz guenj guek ceih biengz bungzdaengz gaujniemh hungnaek.

　　Aen Dangjcunghyangh aeu Siz Ginbingz dungzci guhgoek neix, yungh yiengh cingsaenz hungmbwk doi lizsij baenaj、yiengh cwngci damjceiq gamj guh、yiengh cwzyin gamj dawz rapnaek，bae doengbuenz maeuzveh ndaw guek rog guek song aen daihbuenz，gvancez gij lijlun giekbonj、lohsienq giekbonj、fanghloz giekbonj Dangj raeuz，doengjlamx gij doucwngh hungmbwk、gunghcwngz hungmbwk、saehnieb hungmbwk、loqsiengj hungmbwk，dawzmaenh aen cawjdiuh guhhong youq ndaw onjdingh gouz baenaj, okdaiz baenzroix fuengcim cwngcwz hungnaek, doi ok baenzroix guhfap hungnaek, doi bae guh baenzroix hong hungnaek, dwk hingz baenzroix fungyiemj nyaeknyex hungnaek, gaijgez le haujlai gij nanzdaez ciengzgeiz siengj gaijgez cix caengz ndaej gaijgez haenx, banh baenz le haujlai gij saehhung doenghbaez siengj banh cix caengz ndaej banh baenz haenx, doinyoengx gij saehnieb aen Dangj caeuq guekgya aeundaej gij cwngzciu hab geiq haeuj lizsij、miz ok gij bengwz doenghbaez caengz raen gvaq haenx.

　　（It）Youq dingjmaenh Dangj raeuz cienzmienh lingjdauj fuengmienh

　　Gaijgwz hailangh gvaqlaeng， Dangj vihliux gyaak caeuq gaijndei Dangj raeuz lingjdauj lienzdaemh roengzrengz，vih gij saehnieb Dangj caeuq guekgya hwngfat daezhawj le cwngci baujcwng gaenbonj. Doengzseiz，ndaw Dangj hix miz gij vwndiz doiq dingjmaenh Dangj raeuz lingjdauj nyinhrox myoxmyad、guhsaeh mbouj rengz haenx mbouj noix，miz gij vwndiz doeksaed Dangj raeuz lingjdauj fuengmienh bienq nyieg、bienq byouq、bienq damh、bienq dawz gvaq henz haenx mbouj noix，daegbied dwg caephengz gij gezcwz baijbouh hungnaek Dangjcunghyangh mbouj daeklig，miz mbangj guhsaeh dwg baihgwnz miz cwngcwz、baihlaj miz banhfap dingj，engqlij conghbak mbouj doiq conghhoz、gag luenh guhsaeh. Aen Dangjcunghyangh aeu Siz Ginbingz dungzci guhgoek neix mingzbeg cingcuj daezok，Dangj raeuz lingjdauj dwg gij goekgaen、 minghmeg Dangj caeuq guekgya，gvanhaeh daengz gij leih’ik、minghyinh daengx guek gak cuz yinzminz，daengx Dangj itdingh aeu gagrox youq swhsiengj fuengmienh cwngci fuengmienh hengzdoengh fuengmienh caeuq Dangjcunghyangh seizseiz doxdoengz caez，engq rox engq ak bae gohyoz gaemgienz、minzcuj gaemgienz、ciuqfap gaemgienz，hawj gij bonjlingx gaem fuengyiengq、 maeuz daihbuenz、 dingh cwngcwz、 coi gaijgwz engq ak，saedbauj ndaej lailai langh ok gij rengz Dangj raeuz guhgoek lingjdauj gaemguenj daengxbuenz、diuzndei gak fueng.

　　Dangj mingzbeg doekdingh daezok，Dangj raeuz lingjdauj dwg lingjdauj fuengfueng mienhmienh、 daengx gyoengq、 daengx buenz， baujcwng Dangj doxgiet doengjit dwg diuz mingh Dangj raeuz；Dangjcunghyangh gyonjcomz lingjdauj dwg aen yenzcwz ceiq sang Dangj raeuz lingjdauj，gyaak caeuq henhoh yiengh gyonjcomz lingjdauj Dangjcunghyangh dwg gij cwngci cwzyin caezcaemh daengx Dangj，dingjmaenh Dangj raeuz lingjdauj sien aeu mingzbeg cingcuj gangj cwngci，baujcwng daengx Dangj fugcoengz Cunghyangh. Baez Hoih Daengxcungq Daihroek Gaiq Cibbet Dangj raeuz doenggvaq doengh gij cunjcwz gvendaengz cwngci swnghhoz ndaw dangj laj hingzseiq moq，Dangjcunghyangh okdaiz geij aen gvidingh gvendaengz Cunghyangh Cwngcigiz gyaak caeuq henhoh yiengh gyonjcomz lingjdauj Dangjcunghyangh，yiemzmingz gij cwngci gijliz caeuq cwngci gvigawj Dangj raeuz，fuengzre caeuq fanjdoiq goyinz cujyi、 fwnhsan cujyi、 swyouz cujyi、 bwnjvei cujyi、 haujyinz cujyi daengj，fatmaj yiengh cwngci vwnzva ndaw Dangj hwnjheiq cangqheiq haenx，doinyoengx cauh ok yiengh cwngci swnghdai ndei fungheiq cinghseuq cingqbaiq. Dangjcunghyangh iugouz gyoengq lingjdauj ganbu Dangj raeuz youq gwnz cwngci engq ak buenqdingh、engq lai roxyiuj、engq ak caephengz，sim cang “saehhung guekgya”，doiq Dangj lauxsaed、dingq Dangj cijveih、vih Dangj caenh cwzyin.Dangj raeuz laebcienz gij cidu dijhi youz Dangj lingjdauj，caezcienz gij cidu Dangj lingjdauj yinzda、cwngfuj、cwnghez、aen gihgvanh genhcaz、aen gihgvanh saemjbuenq、aen gihgvanh genjcaz、gij ligliengh vujcangh、aen donzdij yinzminz、aen danhvei giyez swyez、gij ginzcung swci cujciz gihcwngz、sevei cujciz daengj，caencingq baujcingq Dangj youq ndaw gak cungj cujciz ndaej fatrengz lingjdauj. Dangj raeuz dingjmaenh aen cidu minzcuj cizcungh，laebhwnj laebcienz aen dijci youz Dangj lingjdauj gaiq hong hungnaek，gyaak gij cozyung Dangjcunghyangh dangguh aen gihgou dinghgeiq lwnhsaeh hezdiuz wng miz，caezcienz aen gihci doinyoengx doeksaed gij gezcwz hungnaek Dangjcunghyangh，yiemzgek caephengz aen cidu yiengq Dangjcunghyangh cingjsi baugau，gyarengz youq gwnz cwngci guh gamduk，gyalaeg daj gwnz cwngci bae liebyawj，cazcawq gij yienghsaeh boihfamh gij lohsienq fuengcim cwngcwz Dangj raeuz、buqvaih yiengh cizcungh doxcaez lingjdauj Dangj raeuz，cawzcingh “vunz song naj”，baujcingq daengx Dangj youq gwnz laebciengz cwngci、gwnz fuengyiengq cwngci、gwnz yenzcwz cwngci、gwnz roenloh cwngci caeuq Dangjcunghyangh seizseiz cungj doxdoengz liuxliux. 

　　Daj Cibbet Daih Dangj raeuz doxdaeuj,gij gienzvi caeuq yiengh gyonjcomz lingjdauj Dangjcunghyangh ndaej daengz baujcingq rengzrwd, aen cidu dijhi youz Dangj raeuz lingjdauj yied daeuj yied ndei, gij fuengsik Dangj raeuz guh lingjdauj engqgya gohyoz, daengx Dangj swhsiengj fuengmienh engqgya doxdoengz、cwngci fuengmienh engqgya doxgiet、guhsaeh fuengmienh engqgya doengzyamq, Dangj raeuz engq rox bae lingjdauj cwngci、dazyinx swhsiengj、cujciz cungqvunz、haucauh vunzlai.

　　（Ngeih）Youq gwnz hong yiemzhaenq dohdaengz guenj Dangj

　　Gaijgwz hailangh gvaqlaeng，Dangj raeuz dingjmaenh Dangj aeu guenj Dangj、yiemzhaenq guenj Dangj，doihaeuj gaiq hong dangjgen raenndei mingzyienj. Doengzseiz，aenvih miz mboengq ndeu guenj Dangj mbouj yunghrengz、guenj Dangj mbouj yiemzhaenq，mbangj di dangjyenz、ganbu youq gwnz cwngci mbouj caiq gangj sinyangj，mbangj di deihfueng caeuq bouhmonz youq mwh genj vunz yungh vunz fungheiq mbouj cingq，cungj fungheiq guh yiengh baij yiengh、dang guen naengh gwnz、youqlag daih’it caeuq sai gwn saengq yungh dauqcawq raen miz，gij swhsiengj daeggienz caeuq gij yienhsiengq daeggienz gizgiz mizyouq. Daegbied dwg, gij yienghsiengq yawj caen yungh vunz、caenxdeuz boux mbouj coengz swhgeij de hix miz，gij yienghsiengq gapbang guhdoih、doxyuk comz bang de hix miz，gij yienghsiengq muenzcoh luenh gauq、cauhgangj vahgyaj de hix miz，gij yienghsiengq soucawx simvunz、ragdoengh sienjbiuq de hix miz，gij yienghsiengq dapwngq hawj guen、angqyangz doxhoh de hix miz，gij yienghsiengq gag hengz gag guh、dangqnaj gingq baihlaeng dingj de hix miz，gij yienghsiengq dingq laj mbouj dingq gwnz、luenh lwnh cunghyangh de hix miz，gij vwndiz cwngci caeuq gij vwndiz ginghci doxsan doxgeuj，dam’aeu nduknaeuh haenq baenz yiengh haenx bouxlawz yawj raen cix doeksaet dangqmaz. Doengh gij vwndiz “caet yiengh hix miz” neix naekhaenq yingjyangj gij yienghsiengq caeuq visaenq Dangj raeuz，naekhaenq sonjhaih gij gvanhaeh Dangj caeuq vunzlai、ganbu caeuq vunzlai，yinxhwnj daih bueng dangjyenz、ganbu、vunzlai gig mbouj habhoz caeuq ndatheiq dangqmaz. Siz Ginbingz dungzci daegbied naeuz，cuiz ndongj cij ndaej diz diet，banh ndei gij saehcingz Cungguek，ceiq youqgaenj couh yawj Dangj，ceiq youqgaenj dwg Dangj aeu guenj Dangj、yiemzhaenq dohdaengz guenj Dangj. Itdingh aeu dawz gyarengz hawj Dangj raeuz dem’ak gij bonjlingx naihnanz gaemgienz、gyarengz hawj Dangj raeuz bienq ndaej engqgya senhcin caeuq engqgya seuqcengh guh cawjsienq，aeu gaiq hong cwngci gensez Dangj raeuz daeuj doengjlingx，aeu roengz maenh lijsiengj saenqniemh cunghcij daeuj guh goekgaen,aeu diuhcomz yungh ndei geu rengz gaenxmaenx、geu rengz gag maij、geu rengz cauhmoq daengx Dangj guh giz roengzrengz，mboujduenh hawj gaiq hong dangjgen guh ndaej engq ndei，roengzrengz hawj Dangj raeuz guh baenz aen dangj gaemgienz Majgwzswh cujyi seizseiz byaij youq baihnaj seizdaih、yinzminz caensim haeujcoengh、gamj bae gaijndei bonjfaenh、dingj ndaej hwnj gak cungj rumzlangh cungdongj caiqlij hoenghhwd rengzrwd. Dangj raeuz aeu ciengzlwenx uk singj sim dingh byaij gwnz loh，dingjmaenh aen goekdiuh yiemzrwd，roengzrengz cadawz “gij vunznoix youqgaenj”，doeksaed diuz rap cawjdaej caeuq diuzrap gamduk，gyarengz bae gamduk、bae caephengz gijliz、bae gyaepcaz cwzyin，dawz gij yienghsaeh dohdaengz yiemzhaenq guenj Dangj ronz doeng daengz gij hong neix hong haenx ndaw dangjgen. Dangjcunghyangh ciuhai aen hoih gak fueng gak mienh guh gaiq hong dangjgen, caemhcaiq guh ok yiengh baijbouh daeklig，doinyoengx gaiq hong dangjgen baenaj dohdaengz.

　　Dangjcunghyangh daegbied gangj daengz，Dangj raeuz ok laeng yinzminz、giz goek youq ndaw yinzminz、aeu fugsaeh yinzminz，buet ok ndaw gyang vunzlai couh yaek deng reuq deng roz，dohdaengz yiemzhaenq guenj Dangj itdingh aeu daj aen cozfungh vwndiz yinzminz ginzcung fanjyingj haenqrem haenx guh hwnj. Dangjcunghyangh youq ceiqdingh caeuq guhndei Bet Hangh Gvidingh Cunghyangh buqdaez，dingjmaenh daj Cunghyangh Cwngcigiz guh hwnj、daj lingjdauj ganbu guh hwnj，baihgwnz daiq baihlaj gaijndei gij cozfungh guhhong. Cunghyangh Cwngcigiz moix bi ciuhai aen hoih minzcuj swnghhoz，dingqaeu aen veibau gangj gij yienghsaeh gvancez caephengz Bet Hangh Gvidingh，haiguh baebingz caeuq gag guh baebingz. Dangjcunghyangh dawzmaenh yiengh cingsaenz dok ding，aeu geu rengz nyangqnywt ciengzlwenx bae niujcingq ceihleix “seiq yiengh”，fanjdoiq gij swhsiengj daeggienz caeuq gij yienhsiengq daeggienz，haenqrengz sabroengz gij yiengh mbouj cingq lumjnaeuz aeu cienz goenggya soengq laex、yungh cienz goenggya gwnndoet、yungh cienz goenggya lijyouz、daihsai daihsaengq daengj，gaijgez gij vwndiz naekhaenq vunzlai fanjyingj haenqrem、sonjhaih leih’ik vunzlai，doihaeuj gemjmbaeu diuz rap gihcwngz，haenhheuh gaenxgiemh mbaetyungh、fanjdoiq saisaengq baizciengz，sabdingz le doengh di yiengh rwix doenghbaez cungj naeuz sab mbouj ndaej dingz haenx，niujcingq ceihleix le doengh di binghnyangq baezgeq gwnz ndang lai bi cungj cawz mbouj bae de，yiengh fungheiq Dangj raeuz、yiengh fungheiq cwngfuj caeuq yiengh fungheiq ndawbiengz bienq yiengh moqsak.

　　Dangj raeuz soqlaiz cungj naeuz，daengx Dangj itdingh aeu guh daengz lijsiengj saenqniemh dinghmaenh、cujciz dijhi yiemzmaed、gijliz gvigawj yiemzmingz. Yiengh saenqyiengj Majgwzswh cujyi、yiengh lijsiengj hunggyae gungcanj cujyi、yiengh lijsiengj caezcaemh yiengh sevei cujyi miz gij daegsaek Cungguek，dwg diuz saeu cingsaenz caeuq aen hoenz cwngci gyoengqvunz Cunghgoz Gungcanjdangj，hix dwg aen giekdaej swhsiengj baujcingq hawj Dangj raeuz doxgiet doxcaez. Dangjcunghyangh daegbied naeuz daengz，lijsiengj saenqniemh dwg gij “gai” gwnz cingsaenz boux vunz gungcanjdangj，boux vunz gungcanjdangj danghnaeuz mbouj miz lijsiengj saenqniemh，gwnz cingsaenz couh yaek “giep gai”，couh yaek deng “binghbaix”，bietyienz yaek youq gwnz cwngci bienq nduk、gwnz ginghci damsim、gwnz daudwz bienq vaih、gwnz swnghhoz bienq naeuh. Dangj raeuz dingjmaenh gwnz swhsiengj laeb Dangj caeuq aeu cidu guenj Dangj doengz yiengq fat rengz，gonqlaeng haiguh yienghsaeh sonrox saedguh diuz lohsienq ginzcung Dangj raeuz、ciendaez sonrox “yiemzgek guhndei swhgeij、yiemzgek sawjyungh gienzlig、yiemzgek hanhhaed bonjfaenh, maeuzsaeh aeu saed、cauhnieb aeu saed、guh vunz aeu saed”、hagsib sonrox “hag dangjcangh dangjgveih、hag baenzroix gangjvah，guh boux dangjyenz habgek”、cawjdaez sonrox “mbouj lumz simnduj、geiq maenh dawz rap”、hagsib sonrox dangjsij daengj，aeu gij lijlun cauhmoq Dangj raeuz bae gyaak gyahoengh daengx Dangj，doihaeuj hwnqguh aen cwngdangj maij hagsib，sonrox dazyinx gyoengq dangjyenz、ganbu daegbied dwg lingjdauj ganbu youq gwnz swhsiengj daj goek coih hwnj、maenh goek ciengx rengz，cukmaenh aen giekdaej saenqyiengj、boujgaeuq gij gai cingsaenz、dawzmaenh aen dox swhsiengj，hawj gij bonjsaek cwngci vunz gungcanjdangj seizseiz youq ndang，hawj diuz ndoksaen cingsaenz vunz gungcanjdangj daengj soh mbouj gungq. Dangj raeuz dingh ok caeuq gvancez diuz lohsienq cujciz seizdaih moq bonjfaenh，mingzbeg doekdingh saenqniemh dinghmaenh、fugsaeh yinzminz、gaenx hong guhsaed、gamj dawz rapnaek、ndang cingq fwngz seuq dangbaenz aen biucinj boux ganbu ndei seizdaih moq，engqgya yawjnaek cwngci suciz、laebhwnj aen yinxyiengq yungh vunz cingqdeng，dingjmaenh guhvunz dungxcaiz caez aeu、sien yawj guhvunz doekgonq，dingjmaenh seiq fueng bet baih、vunz ndei caiz ndei sien yungh，dingjmaenh saehnieb daih’it、goengdauh cingqbaiq，dingjmaenh mbouj dan yawj biuqsoq、mbouj dan yawj faensoq、mbouj dan yawj swnghcanj cungjciz、mbouj dan yawj nienzgeij，mbouj guh “vunzlai doi”、mbouj guh “vunzlai senj”，gyarengz aeu dangjcujciz lingjdauj、aeu dangjcujciz bajgvan，niujcingq gij fungheiq mbouj cingq ok laeng genj vunz yungh vunz. Dangj raeuz iugouz gak gaep lingjdauj ganbu aeu gaijgez ndei sigaigvanh、yinzswnghgvanh、gyacizgvanh aen vwndiz “cungjhaigven” neix，insik gienzlig、guenj ndei gienzlig、siujsim yungh gienz，gagrox ciepsouh gak fuengmienh gamduk，seizseiz cungj naemj bang Dangj faen you、okrengz hawj guek、cauhfuk hawj yinzminz. Dangj raeuz dingjmaenh aen yenzcwz youz Dangj guenjleix vunzcaiz，saedhengz yiengh cwngcwz vunzcaiz engqgya raen ndei、engqgya hailangh、engqgya mizyauq，haeujlaeg saedhengz aen canloz baengh vunzcaiz hawj guekgya bienq ak seizdaih moq，gyavaiq hwnqguh aen cungsim gietcomz gij vunzcaiz youqgaenj caeuq giz dieg ceiq ak cauhmoq gwnz seiqgyaiq，conzgyonj vunzcaiz lajmbwn daeuj yungh. Dangj raeuz mboujduenh laebcienz aen dijhi cujciz，aeu gyaak geu rengz cujciz guh cungdenj，dem’ak yiengh cwngci gunghnwngz caeuq cujciz gunghnwngz dangjcujciz，cingcuj mingzbeg laebhwnj aen yinxyiengq haenqrengz guenj ndei gihcwngz，doi hawj doengh gij cujciz Dangj raeuz caeuq doengh gij hongsaeh Dangj raeuz cungj ndaej cwgoemq dohdaengz. Dangj raeuz dingjmaenh gijliz yiemz gvaq faplwd、hengz gijliz hengz fap doxdoeng, yungh ndei gamduk hengz gijliz “seiq cungj yienghsik”, gyarem cwngci gijliz caeuq cujciz gijliz, daiqdoengh gak hangh gijliz cungj yiemz hwnj daeuj. Raeuz dingjmaenh ciuq fapgvi guenj Dangj, yiemzgek ciuqsouj dangjcangh, cauxbaenz aen fapgvi dijhi ndaw Dangj haemq caezcienz, yiemzgek caephengz cidu, hawj gaiq hong dajcauh Dangj raeuz engq hab gohyoz、baenz cidu、hab gveihfan.

　　Dangjcunghyangh daegbied gangj daengz, nduknaeuh dwg cungj haephangz ceiq hung haih daengz Dangj raeuz ciengzgeiz gaemgienz， fanj nduknaeuh dwg ciengz cwngci doucwngh hungnaek saw mbouj ndaej hix baenzmaz cungj mbouj ndaej saw ndeu，mbouj daekcoih baenz bak baenz cien boux nduknaeuh，couh yaek daekcoih cibseiq ik yinzminz raeuz， itdingh aeu dawz gienzlig gven haeuj ndaw roengq cidu bae，ciuq gijliz ciuq faplwd daeuj laebdingh gienzlig、 gveihfan gienzlig、hanhhaed gienzlig、gamduk gienzlig. Dangj raeuz dingjmaenh mbouj gamj nduknaeuh、mbouj ndaej nduknaeuh、 mbouj siengj nduknaeuh itheij doi baenaj，hawj fadceih haeplau、cidu hanhhaed、daezsang nyinhrox itheij fat rengz，saedbauj gij gienzlig Dangj caeuq yinzminz gyauhawj haenx seizseiz yungh daeuj vih yinzminz maeuz vuenyungz. Dingjmaenh mbouj miz dieggimq、gizgiz guenj daengz、 mbouj yungznyaenx saekdi，dingjmaenh dawznaek naenxhaed、haenqrem gaemhnaenx、 ciengzgeiz haeplau， dingjmaenh hengzoet gwn’oet itheij caez， dingjmaenh miz anq bietdingh aeu caz、 miz nduknaeuh bietdingh aeu ceihfad， aeu cungj gietsim ywmengx yw binghnaek、fapnaek ceih luenh， yungh cungj damjliengh gvet ndok yw doeg、bouxak gat gen yw sieng ngwz， giendingh mbouj bienq bae “dwk guk”、“bek nengznyaen”、“dwk nyaenma”. Baenzlawz cungj aeu cingjceih gij vwndiz nduknaeuh henz ndang ginzcung，haeujlaeg bae youq gozci gyaepgaemh deuzfamh gyaep cienzcang，cawzseuq sojmiz boux nduknaeuh. Dangj raeuz comz lwgda haeuj gij anqgienh nduknaeuh miz cwngci vwndiz caeuq ginghci vwndiz doxsan doxgeuj haenx， fuengzre ndaw Dangj cauxbaenz gapgyoengq maeuzaeu leih’ik，cazcawq doengh aen anqgienh Couh Yungjgangh、 Boz Hihlaiz、Sunh Cwngcaiz、Ling Giva daengj famhfap famh gijliz youqgaenj haenx. Dangj raeuz lingjdauj laebndei aen gamduk dijhi Dangj caeuq guekgya，doinyoengx laebhwnj gozgyah genhcaz veijyenzvei caeuq deihfueng gak gaep genhcaz veijyenzvei，cauhlaeb aen gwzgiz liebyawj liebcaz gwnz laj lienzdoengh，cauhlaeb aen gihci aeu ndaw Dangj gamduk guh cujdauj、gak loih gamduk doxdoeng gapguh haenx，lai yunghrengz bae hanhhaed caeuq gamduk gienzlig yinhhengz.

　　Cibbet Daih Dangj raeuz doxdaeuj, ginggvaq laemxsim guh doucwngh， dohdaengz yiemzhaenq guenj Dangj ndaej gig ndei langh ok gij rengz cwngci yinxlingx caeuq cwngci baujcang de, Dangj raeuz gij rengz gag bienq cinghseuq、gag guh caezcienz、gag gaij bienq ndei、gag bae daezsang haenx dem’ak yienhda，yiengh cingzgvang guenj Dangj ceih Dangj soeng unq haenx ndaej daj goek niujcienj gvaqdaeuj, aen doucwngh fanj nduknaeuh ndaej hingz dingh caemhcaiq ndaej cienzmienh gyamaenh, siucawz le gij huxndumj youqgaenj baihndaw aen Dangj、 guekgya、 bingdoih，Dangj raeuz youq mwh muzlienh bienq ndei ndawde engqgya rem’ak.

　　（Sam） Youq hwnqguh ginghci fuengmienh

　　Gaijgwz hailangh gvaqlaeng， Dangj raeuz dawzndaet ginghci gensez aen cungsim neix， lingjdauj yinzminz ngaemgyaeuj haenqrengz guh， cauh’ok ginghci fazcanj riengjvaiq yiengh saeh mbouj bingzciengz neix， gij saedlig ginghci guekgya ndaej yat hwnj haujlai. Doengzseiz，aenvih miz mbangj deihfueng caeuq bumwnz damdoz gyaepgouz suzdu gveihmoz、 gij fuengsik fatmaj co’nyauq, caiq gya deng gozci ginhyungz veizgih gvaqlaeng ginghci seiqgyaiq lienzdaemh mbouj hoengh yingjyangj，gij doxdawz ok laeng gezgou dijci ginghci mboujduenh cwkrom，gij vwndiz fatmaj mbouj doxdaengh、mbouj doxhab、mbouj ndaej lienzdaemh de gig naekhaenq. Dangjcunghyangh gangj daengz，guek raeuz ginghci hwngfat haeuj daengz yienghdingh moq，gaenq daj duenh demmaj riengjvaiq cienjcoh duenh hwngfat caetliengh sang，dangqnaj bungzdaengz gij yiengh fukcab mboengq demmaj vaiqmenh doxvuenh、 mboengq diuzcingj gezgou camh miz hojnanz、mboengq siuvaq gij cwngcwz gikcoi seiznduj “sam mboengq daebgya”，gij yienghsik hwngfat conzdungj nanz ndaej ciep guh roengzbae. Dangjcunghyangh daegbied gangj daengz，gvancez gij leixniemh hwngfat moq dwg ciengz bengwz laegdaeuq gvanhaeh daengz gij daengxbuenz hwngfat guek raeuz， mbouj ndaej genjdanh aeu swnghcanj cungjciz demlai beijlwd daeuj lwnh maenh’ak，bietdingh aeu guhbaenz yiengh hwngfat ndeindi hawj cauhmoq baenz aen doenghlig daih’it、doxdaengh baenz aen daegdiemj daj ndaw okdaeuj、saekheu baenz gij yiengh seiqlengq raen、 hailangh baenz diuz roen bietdingh aeu byaij、caezyiengj baenz aen muzdiz goekgaen haenx, doinyoengx hwngfat ginghci aeu gaijbienq caetliengh、 gaijbienq yauqlwd、gaijbienq doenghlig.

　　Dangj raeuz roengzrengz lai bae doengbuenz maeuzveh caeuq gyonjcomz lingjdauj gij hong ginghci， laebndei gij dijci gihci Dangj lingjdauj gaiq hong ginghci. Baez Haj Cungh Daengxhoih Gaiq Cibbet Dangj raeuz、 Cibgouj Daih Dangj raeuz、Baez Haj Cungh Daengxhoih Gaiq Cibgouj Dangj raeuz caeuq doenghbaez gak baez hai gij hoih lwnh gaiq hong ginghci cunghyangh gyonjcomz baijbouh le gij hong hwngfat guek raeuz，guh ok lai hangh gezcwz hungnaek, ndawde miz dawzdingh aeu hwngfat caetliengh sang guh cawjdaez、aeu gaijgwz gij gezgou mbiengj gunghawj guh cawjsienq、 hwnqguh aen ginghci dijhi yendaiva、dawzndei aen giekdaej canloz gyadaih gij aeuyungh ndaw guek，dwk ndei fuengzre vaqgej fungyiemj hungnaek、 dawzcinj duetgungz、fuengzceih uqlah sam ciengz ciengq nyangq neix. Dangj raeuz mbouj doenghngauz saekdi bae gyamaenh caeuq fatmaj gunghyoujci ginghci，mbouj doenghngauz saekdi bae gikcoi、haeujcoengh、dazyinx gij ginghci mbouj dwg gunghyoujci de fatmaj，haeujcoengh gij swhbwnj guekmiz caeuq gij giyez guekmiz guh ak guh ndei guh hung，laebhwnj aen cidu yendai giyez miz gij daegsaek Cungguek he, hawj gij ginghci guekmiz lai ak bae doxdax、cauhmoq、gaemhanh、yingjyangj、dingjdangj fungyiemj；cauxlaeb yiengh gvanhaeh cwngfuj caeuq canghseng’eiq youh gyawj youh seuq，hawj gij ginghci mbouj dwg gunghyoujci de caeuq doengh boux guh gij ginghci mbouj dwg gunghyoujci de ndaej youh ndei youh seuq guh. Dangj raeuz guhdingh aen canloz aeu cauhmoq doidoengh fatmaj，dawz gohgi gag laeb gag ak dangguh aen canloz daemxcengj guekgya fatmaj，laebcaez aen dijci yienghmoq aeu rengz daengx guek bae guh， gyaak gij ligliengh canloz gohgi guekgya，gyaak yiengh yenzgiu giekdaej, doicaenh gungroengz gizhoj gij gisuz ceiq maenh ceiq youqgaenj caeuq gag guhcawj cauhmoq，gyaak dajcauh、 baujhoh、yinhyungh cihsiz canjgenz，gyavaiq hwnqguh aen guekgya ak cauhmoq caeuq aen guekak gohgi maenh gwnz seiqgyaiq. Dohdaengz bae saedhengz gaijgwz gij gezgou mbiengj gunghawj，doicaenh siu canjnwngz、 siu daenzcang、siu gangganj、gyangq cingzbonj、bouj giz dinj，doeksaed gij iugouz gyamaenh、dem’ak、 daezswng、doengrat，doicaenh hwnqguh aen guekak cauhguh，gyavaiq fatmaj aen canjnieb dijhi ciuhneix，guhhung saeddaej ginghci，hwngfat soqcih ginghci. Ceihleix ndei hungzgvanh ginghci，cauhmoq gij lohnaemj caeuq fuengsik hungzgvanh diuzgung，hawj hungzgvanh cwngcwz lai ndaej gag guhcawj，saedhengz gij caizcwng cwngcwz ndeileih caeuq gij hobi cwngcwz onjmaenh haenx，dingjmaenh doicaenh gemj cwng cuengq gienz、cuengq guenj giethab、gaijndei fugsaeh，baujcang haeuxgwn ancienz、nwngzyenz swhyenz ancienz、diuz lienh canjnieb diuz lienh gung’wngq ancienz，dohdaengz bae gyaak ginhyungz gamguenj，fuengzre vaqgej gij fungyiemj ndaw lingjyiz ginghci ginhyungz，gyarengz gamguenj hawciengz caeuq fanj lungjdon gveihci，fuengzre swhbwnj mbouj miz bouhloh bae gyadaih，henhoh gij cizsi hawciengz，gikfat gij rengzhoengh gak loih hawciengz cawjdaej daegbied dwg giyez rauh、iq、saeq，baujhoh gij gienzik gyoengq bouxguhhong caeuq bouxsawjngaenz.Dangj raeuz saedhengz aen canloz ranghdieg doxdaengh hwngfat，coicaenh Baekging Denhcinh Hozbwz guhdoih hwngfat、rangh dieg ginghci Cangzgyangh hwngfat、hwnqguh Yez Gangj Au Davanhgih、rangh dieg dah Cangzsanhgoz gyonj baenz aen cingjdaej ndeu hwngfat、baujhoh gij swnghdai rangh dieg dah Vangzhoz caeuq hawj de caetliengh sang bae hwngfat，ciuq biucinj sang caetliengh sang bae hwnqguh Yungzanh Sinhgih，doinyoengx Baihsae daih haifat cauxbaenz gwzgiz moq， doinyoengx Doengbaek hwnghwnj caiq ndaej cungbyoengq，doinyoengx dieg Cungqgyang caetliengh sang bae hwngfat，gujli dieg Baihdoeng gyavaiq doicaenh yendaiva，haeujcoengh giz dieg gaeuq gwzming、giz dieg minzcuz、giz dieg henzguek、giz dieg gungzhoj gaijndei gij diuzgen guhhong gvaq saedceij, doicaenh gij hawsingzvaq yienghmoq aeu vunz guh goek haenx, engq ndei bae nda veh、hwnqguh、guenjleix hawsingz. Dangj raeuz seizseiz dawz gaijgez ndei gij vwndiz “sam nungz” dangguh gij hong youqgaenj daengx Dangj ndawde gij ceiq youqgaenj he，saedhengz aen canloz guhhoengh lajmbanj，gyavaiq doicaenh nungzyez lajmbanj yendaiva， dingjmaenh aeu reihnaz cwk haeux、baengh gisuz dem haeux， saedhengz aen cidu baujhoh reihnaz ceiq yiemz haenx, doinyoengx hangz cungjceh baengh gohgi gag laeb gag ak、gij goek cehhaeux ndaej gag guenj，saedbauj vanjhaeux vunz Cungguek raeuz gaem youq ndaw fwngz bonjfaenh ndaetndwtndwt bae.

　　Cibbet Daih Dangj raeuz doxdaeuj，gij ginghci fazcanj guek raeuz ngoenz dem ngoenz doxdaengh、ngoenz dem ngoenz doxhuz、ngoenz dem ngoenz ndaej lienzdaemh，aen swnghcanj cungjciz ndaw guek mauh gvaq bak fanh ik maenz baenz lai，aen swnghcanj cungjciz ndaw guek moix vunz bingzyaenz mauhgvaq baenz fanh meijyenz，gij saedlig ginghci、ginghci gohgi、gueklig cunghab guekgya yat hwnj mbaek moq， gij ginghci guek raeuz hwngfat ndaej engq maenh、yauqlwd engq sang、engq goengbingz、engq ndaej lienzdaemh、 engqgya ancienz.

　　（Seiq） Youq cienzmienh gyalaeg gaijgwz hailangh fuengmienh

　　Baez Sam Cungh Daengxhoih Gaiq Cib’it Dangj raeuz gvaqlaeng，guek raeuz gaijgwz hailangh singseiq hoenghhwd， aeundaej gij cingzcik de daengx seiqgyaiq cimyawj. Gaenriengz sizcen gyalai gyalaeg，mbangj di dijci gihci caengzlaeg caeuq doengh faj led lei’ik ndaekgeng ngoenz beij ngoenz yienhda， gaijgwz haeuj daengz mwh ceiq hoj guh caeuq giz raemx ceiq laeg. Dangj cunghyangh laegdaeuq rox daengz， sizcen baenaj mbouj dingz mbouj daengx， hawj swhsiengj soeng haed mbouj dingz mbouj daengx， gaijgwz hailangh hix mbouj dingz mbouj daengx，gaijgwz hailangh cijmiz youq gwnz roen、 mbouj rox byaij daengz gyaeuj，dingzdaengx caeuq doiqdauq mbouj miz roen byaij， itdingh aeu youq gwnz cwngci dawz ok yiengh damjliengh engq hung caeuq yiengh dungxcaiz engq raeh bae doihaeuj cienzmienh gyalaeg gaijgwz，gamj henx ndok genq， gamj gvaq raiqdat，comzrengz gaijndei cidu， yawjnaek gij yienghsaeh doxrangh doxlienz mwh gaijgwz，caen dahraix doi gaijgwz baenaj，mizyauq cawz ok doengh yiengh yaez yiengh rwix ndaw dijci gihci.

　　Baez Sam Cungh Daengxhoih Gaiq Cibbet Dangj raeuz doiq gij yienghsaeh gaijgwz aen dijci ginghci、aen dijci cwngci、aen dijci vwnzva、aen dijci sevei、 aen dijci swnghdai vwnzmingz、gozfangz caeuq ginhdui caeuq aen cidu dangjgen guh ok baijbouh， doekdingh aen moegbiu daihbuenz、giz mbaenqnaek daengxbuenz、gij gonqlaeng anbaiz、aen fuengyiengq cawjgung、aen gihci guhhong、yiengh fuengsik doihaeuj caeuq aen biuj seizgan、mbaw doz lohsienq. Baez Sam Cungh Daengxhoih Gaiq Cib’it Dangj raeuz dwg baez hoih hai ok seizdaih moq，guek raeuz daj neix byaij haeuj aen seizgeiz moq gaijgwz hailangh caeuq hwnqguh sevei cujyi yendaiva. Baez Sam Cungh Daengxhoih Gaiq Cibbet Dangj raeuz hix doengzyiengh hai ok seizdaih moq，hawj gaijgwz daj guh saek giz saek yiengh damqra、soeng haed cuengq fwngz daengz hidungj comzbaenz、gyalaeg dohdaengz，hawj aen saehnieb gaijgwz hailangh guek raeuz guh ok yiengh moq.

　　Dangj itloh dazyinx gaijgwz byaij haeuj diuz roen cingqdeng，aeu hawj sevei engqgya goengbingz engqgya cingqngeih、hawj yinzminz engqgya vuenyungz guhbaenz gizdieg hwnjdin roengzdin，lai aeu vwndiz yinx roen， comzrengz hwnjmbaek gaijfang swhsiengj、gaijfang caeuq fazcanj sevei swnghcanjliz、gaijfang caeuq demlai gij rengzhoengh sevei，gyarengz daj caengzdingj bae sezgi daj daengxbuenz bae maeuzveh，hawj gaijgwz engq baenz diuzloh、engq baenz cingjdaej、engq ndei gapdoih，hawj yinzminz engq maij cauhmoq，hawj gij gaijgwz ndaw lingjyiz youqgaenj、giz hothoh youqgaenj guh ndaej engq onj engq laeg. Dangj raeuz doinyoengx gaijgwz cienzmienh fat rengz、lai diemj cungbyoengq、yamq vaiq yamq onj、haeuj laeg nyoengx haeuj，daj cuk giek caep daiz、haem saeu gaq liengz daengz cienzmienh doihaeuj、 rom na baenz rengz， caiq daengz hidungj comzbaenz、 gapguh akrem，aen gvaenghgyaq yiengh cidu youqgaenj gak aen lingjyiz daihdaej laebdingh，haujlai lingjyiz guhbaenz yiengh bengwz gwnz lizsij caengz miz、yiengh cauhmoq gig baenz hidungj、yiengh cungzgou gig baenz cingjdaej.

　　Dangjcunghyangh laegdaeuq rox daengz，hailangh hawj raeuz baenaj， fungsaek bietdingh doeklaeng；guek raeuz fatmaj yaek ndaej ndei lai gvaq vunz、yaek ndaej cwxcaih byaij gonq、yaek ndaej yinxlingx ngoenzlaeng， itdingh aeu swnh ginghci cenzgiuzva bae byaij，ingbaengh aen hawciengz guek raeuz hung gvaq vunz lailai，saedhengz aen canloz hailangh engqgya cizgiz cawjdoengh. Guek raeuz dingjmaenh caez yaeng caez hwnq caez yungh， doinyoengx “it rangh it loh” caez hwnq hwnj gwnz mbaek maenh hwngfat，doihaeuj daih buek hanghmoeg doxgap nangqdaengz gij ginghci hwngfat、 gaijndei minzswngh doengh aen guekgya henzsienq，hwnqguh diuz loh hozbingz、diuz loh mwnhoengh、diuz loh hailangh、diuz loh saekloeg、diuz loh cauxmoq、diuz loh vwnzmingz，hawj caez hwnq “it rangh it loh” guh baenz yiengh canjbinj gozci caezcaemh caeuq aen bingzdaiz hamj guek doxgap youq gwnz aen seiqgyaiq seizneix daihcaez cungj maijgyaez dangqmaz he. Guek raeuz dingjmaenh hawj doiq ndaw doiq rog hailangh dox caemh bae naj、hawj “yinx haeujdaeuj” caeuq “byaij okbae” giethab engq ndei， doinyoengx gaicawx caeuq douzswh bienq ndaej engq swyouz engq fuengbienh，cauxlaeb fan muengx swyouz mouyizgih biucinj sang najyiengq daengx seiqgyaiq，laebhwnj aen siyengih swyouz mouyiz caeuq Aen Gangj Swyouz Mouyiz Haijnanz，doinyoengx gveihcwz、gveihci、guenjleix、biucinj daengj doengh gij lumj yiengh cidu neix hailangh，guhbaenz aen baijbouh doiq rog hailangh gvaengxlaengx engq gvangq、lingjyiz engq lai、cwngzsw engq laeg，laebhwnj aen ginghci dijhi baenz yiengh hailangh doxleih caez ndei、lai yiengh doxdaengh、youh ancienz yauqlwd youh sang，hawj guek raeuz youq mwh hamjguek gapguh ginghci caeuq caez guh ginghci gingcwngh mboujduenh ndaej demgya gij rengz moq lai ak gvaq vunz.

　　Cibbet Daih Dangj raeuz doxdaeuj，Dangj raeuz mboujduenh doinyoengx gij hong cienzmienh gyalaeg gaijgwz haeuj laeg haeuj gvangq, aen cidu sevei cujyi miz gij daegsaek Cungguek engqgya cingzsug engqgya dinghyiengh, aen dijhi caeuq gij naengzlig ceihleix guekgya engq hab yiengh guhfap ciuh neix，gij saehnieb aen Dangj caeuq guekgya caiq fat ok rengzhoengh rengzmoq.

　　(Haj) Youq cwngci gensez fuengmienh

　　Gaijgwz hailangh gvaqlaeng，Dangj lingjdauj yinzminz byaij maenh diuz roen cwngci fazcanj yiengh sevei cujyi miz gij daegsaek Cungguek，mbeguh yiengh minzcuj sevei cujyi yamq ok yamq hung. Dangj daj ndaw baenz baih ndaej sied cwngci fazcanj ndaw guek rog guek laegdaeuq nyinhrox，yaek laemxsim gagsaenq aen cidu sevei cujyi miz gij daegsaek Cungguek，sien aeu laemxsim gagsaenq gij cwngci cidu sevei cujyi miz gij daegsaek Cungguek，hwnqguh yiengh cwngci minzcuj sevei cujyi，hwngfat yiengh vwnzmingz cwngci sevei cujyi，itdingh aeu hawj aen cwngci cidu sevei cujyi miz gij daegsaek Cungguek roengz goek daz rag daengz ndaw namh Cungguek，cau aeu beuj aeu gij cwngci cidu guek wnq hengz mbouj doeng，caiqlij rox hawj guekgya mboujmiz ngoenzcog. Itdingh aeu hawj dingjmaenh aeu Dangj lingjdauj、yinzminz danggya、 ciuqfap guenj guek ndeindei gyonjcomz， lailai bae guh yiengh yinzminz minzcuj ronz goek doeng byai，laebcienz gij cidu dijhi yinzminz danggya guhcawj youh cienzmienh youh gvangqlangh youh doxciep ndaej ndei de，vat ok gij miengloh minzcuj youh lai yiengh youh doengrat youh miz gonqlaeng haenx，hawj gij yienghsik minzcuj lai cungj lai yiengh，daj gak cwngzsw gak lingjyiz lailai hawj yinzminz miz bouhloh bae caeuqfaenh cwngci，hawj gak fuengmienh cidu caeuq guekgya ceihleix engq ndei daejyienh gij eiqceiq yinzminz、baujcang gij gienzik yinzminz、gikfat yinzminz cauxmoq. Itdingh aeu singjgaeh caeuq fuengzre yiengh “yencwng” Saefueng、lai dangj doxlwnz gaemgienz、“sam gienz faen laeb” daengj doengh gij swhcauz cwngci ciemqhenx caeuq yingjyangj.

　　Baez Seiq Cungh Daengxhoih Gaiq Cibgouj Dangj raeuz daj gij yienghsaeh baenzlawz hawj Dangj raeuz ciengzgeiz gaemgienz caeuq baenzlawz hawj guekgya ciengzgeiz andingh bae ngeixnaemj，doiq hengz dingh caeuq caezcienz aen cidu sevei cujyi miz gij daegsaek Cungguek、doihaeuj gij naengzlig ceihleix guekgya engq hab yiengh guhfap ciuh neix guh ok daengxbuenz maeuzveh，comzrengz baijbouh gaiq hong dawzmaenh caeuq caezcienz gij cidu gaenbonj、cidu giekbonj、cidu youqgaenj dingjmaenh aen cidu sevei cujyi miz gij daegsaek Cungguek. Dangjcunghyangh daegbied gangj daengz，itdingh seizseiz aeu yinzminz guhgoek，baujcingq yinzminz ciuqfap saedhengz minzcuj senjgij、minzcuj doxyaeng、minzcuj gezcwz、minzcuj guenjleix、minzcuj gamduk. Dangj dingjmaenh caeuq laebcienz gij cidu yinzminz daibyauj daihhoih，haeujcoengh caeuq baujcingq yinzminz doenggvaq yinzminz daibyauj daihhoih bae hengzsawj gij gienzlig guekgya， haeujcoengh caeuq baujcingq yinzda ciuqfap hengzsawj gij gienz laebfap、gienz gamduk、gienz gietdingh、gienz nyaemhmienx，laemxsim cazcawq gij anqgienh oetcienz aeu biuq senjgij，henhoh gij gienzvi caeuq cunhyenz aen cidu yinzminz daibyauj daihhoih，hawj aen cidu yinzminz daibyauj daihhoih dangbaenz aen cwngci cidu gaenbonj he lailai fat rengz. Dangj dingjmaenh caeuq laebndei aen cidu lai dangj doxgap caeuq cwngci hezsangh youz Cunghgoz Gungcanjdangj lingjdauj haenx, laebndei gij cidu minzcuj dangjbai cunghyangh cienhangh gamduk gij cingzgvang gvancez doeksaed gezcwz baijbouh hungnaek、cigsoh yiengq Cunghgung Cunghyangh daezok genyi daengj, gyarengz hwnqguh gij cidu aen gihgou cienmonz doxyaeng yinzminz cwnghez, doicaenh yiengh hezsangh minzcuj sevei cujyi gvangqlangh lai caengz baenz cidu bae fatmaj, cauxbaenz aen dijhi hezsangh minzcuj miz gij daegsaek Cungguek. Dangj itcig gyamaenh gij cwnggenz caengzdaej, laebndei gij minzcuj cidu caengzdaej, laebndei aen cidu goenghai banhsaeh, baujhawj yinzminz miz gienz rox cingzgvang、miz gienz caeuqfaenh、miz gienz gangjok、miz gienz gamduk. Ciuq aen yenzcwz dingjmaenh Dangj raeuz lingjdauj gizgiz yienghyiengh、dingjmaenh aeu yinzminz guh goek、dingjmaenh gaijndei gapguh akguh、dingjmaenh cienzmienh ciuqfap guenj guek, cienzmienh gyalaeg gaijgwz gij gihgou Dangj caeuq guekgya, gij ciznwngz aen gihgou Dangj caeuq guekgya ndaej dauqcungz cauhlaeb baenz hidungj、baenz cingjdaej. Dangj dingjmaenh caeuq laebndei hangh cidu minzcuz gihyiz swci, giendingh mbouj bienq byaij diuz roen cingqdeng gaijgez minzcuz vwndiz miz gij daegsaek Cungguek, dingjmaenh dawz seizseiz geiqmaenh caezgya doengzcaemh Cunghvaz Minzcuz dangguh diuz cawjsienq hong minzcuz aen Dangj, laebdingh ndaw seizdaih moq aen guhfap doengbuenz ceihleix Sihcang、aen guhfap doengbuenz ceihleix Sinhgyangh Dangj raeuz, gyamaenh caeuq hwngfat yiengh minzcuz gvanhaeh sevei cujyi dwg bingzdaengj doxgiet doxbang huzndei haenx, coihawj gak minzcuz doengzcaez doxgiet buekguh、doengzcaez hwngfat mwnhoengh. Dangj dingjmaenh diuz fuengcim giekbonj hong cunghgyau aen Dangj, dingjmaenh gij cunghgyau guek raeuz ciuq aen fuengyiengq habngamj guekcingz Cungguek bae fatmaj, yunghsim dazyinx cunghgyau caeuq aen biengz sevei cujyi dox hab’wngq. Dangj laebcaez aen gvaengxgaq guh gaiq hong dungjyiz cansen gvangqlangh, roengzrengz ra aeu giz doxdoengz ceiq lai、veh ok aen luenz doengzsim ceiq hung, gietcomz gij rengz hungdaih bae guhbaenz Cunghvaz Minzcuz fukhwng hungmbwk. Dangj hopheux lai yunghrengz bae gangj cwngci、gyaep senhcin、baengh vunzlai, doinyoengx gaijgwz cauhmoq gij hong ginzdonz, hawj gunghvei、gungcinghdonz、fulenz daengj yinzminz donzdij caeuq ginzcung cujciz engq ndei langh rengz okdaeuj. Raeuz aeu baujhawj yinzminz ndaej lixmingh、ndaej fatmaj guhdaeuz bae doicaenh saehnieb yinzgenz fatmaj dohdaengz.

　　Cibbet Daih Dangj raeuz doxdaeuj, cienzmienh doihaeuj yiengh minzcuj cwngci sevei cujyi guek raeuz baenz cidu、hab gveihfan、miz bouhloh, gij ndeicawq yiengh cwngci cidu sevei cujyi miz gij daegsaek Cungguek ndaej engq ndei langh okdaeuj, aen cwngci gizmen sengdoengh hozboz、andingh doxgiet neix ndaej gyamaenh caeuq hwngfat.

　　（Roek） Youq cienzmienh ciuqfap guenj guek fuengmienh

　　Gaijgwz hailangh gvaqlaeng, Dangj dingjmaenh ciuqfap guenj guek, mboujduenh doicaenh hwnqguh gij fapceih sevei cujyi. Doengzseiz, gij vwndiz miz fap mbouj ciuq、caepfap mbouj yiemz、dawzfap mbouj goengcingq、famh fap mbouj cazdawz daengj mizyouq gig lai, dawzfap nduknaeuh seiz mbouj seiz raen miz, mbangj boux caepfap dawzfap vih seicingz uengj fap, caiqlij vih boux famhcoih dang bouxhenyak dem, sonjhaih gij gienzvi fapceih youqgaenj, yingjyangj ndawbiengz goengbingz cingqngeih youqgaenj. Dangj laegdaeuq rox daengz, gienzlig dwg fag “giemqsongbak” ndeu, ciuq faplwd ciuq gvidingh bae yungh ndaej cauhfuk hawj yinzminz, famh faplwd famh gvidingh bae yungh bietdingh huxhaih guekgya caeuq yinzminz. Dangjcunghyangh daegbied gangj daengz, fapceih hwng guekgya couh hwng, fapceih nyieg guekgya couh luenh；cienzmienh ciuqfap guenj guek dwg hengz yiengh sevei cujyi miz gij daegsaek Cungguek itdingh aeu baenzneix guh caemhcaiq baengh de daeuj bauj maenh, dwg ciengz gwzming laegdaeuq gvendaengz ceihleix guekgya he；dingjmaenh ciuqfap guenj guek aeu dingjmaenh ciuq yenfaz guenj guek gonq, dingjmaenh ciuqfap gaemgienz aeu dingjmaenh ciuq yenfaz gaemgienz gonq. Bietdingh aeu itcig byaij diuz roen fapceih yiengh sevei cujyi miz gij daegsaek Cungguek, gvancez gij lijlun fapceih yiengh sevei cujyi miz gij daegsaek Cungguek, dingjmaenh doengzcaez doihaeuj ciuqfap guenj guek、ciuqfap gaemgienz、ciuqfap yunghgienz, dingjmaenh itcaez hwnqguh aen guek fapceih、aen cwngfuj fapceih、aen biengz fapceih, dohdaengz bae hawj daengx biengz engq rox engq ndaej gingq fap hag fap souj fap yungh fap.

　　Baez Seiq Cungh Daengxhoih Gaiq Cibbet Dangj raeuz caeuq aen hoih Cunghyangh Cienzmienh Ciuqfap Guenj Guek Gunghcoz Veiyi ciendaez muhnaemj aen vwndiz cienzmienh ciuqfap guenj guek, daj caengzdingj ndabaij caeuq haeujsim baijbouh gaiq hong gohyoz laebfap、yiemzgek caepfap、goengcingq dawzfap、bouxboux soujfap, dungjcouz doihaeuj hwnqguh aen dijhi gveihfan faplwd、 aen dijhi saedhengz fapceih、aen dijhi gamduk fapceih、aen dijhi baujcang fapceih caeuq aen dijhi fapgvi ndaw Dangj.

　　Dangj daegbied gangj daengz, cienzmienh ciuqfap guenj guek aen giekdaej ceiq gvangqlangh、ceiq laegna de dwg yinzminz, bietdingh aeu dawz daejyienh gij leih’ik yinzminz、fanjyingj gij simmuengh yinzminz、henhoh gij gienzik yinzminz、gyalai gij fukheiq yinzminz daj goek daengz byai doeksaed daengz gak aen lingjyiz cienzmienh ciuqfap guenj guek bae, baujndaej caeuq coicaenh ndawbiengz goengbingz cingqngeih, roengzrengz hawj yinzminz ginzcung youq moix hangh faplwd cidu、moix aen caepfap gietdingh、moix aen swhfaz anqgienh ndawde cungj gamjsouh daengz goengbingz cingqngeih. Dangj lingjdauj laebcaez gij dijci gihci baujcingq yenfaz saedhengz dohdaengz, dinghlaeb aen cidu yiengq yenfaz guhmieng, hungzyangz gij cingsaenz fapceih yiengh sevei cujyi, hawj aen gihgou guekgya engq ndei ciuqfap guh faenhhong swhgeij, hawj gak gaep lingjdauj ganbu engq rox yungh fapceih bae naemj bae gaijgez vwndiz、doidoengh hwngfat, hawj daengx biengz lai rox fapceih. Doenggvaq aen coihcingqanq Yenfaz, ceiqdingh Aen Fap Minzfaz、Aen Fap Vaisangh Douzswh、Aen Fap Guekgya Ancienz、Aen Fap Gamcaz daengj faplwd, coihgaij Aen Fap Laebfap、Aen Fap Gozfangz、Aen Fap Henhoh Vanzging daengj faplwd, gyarem laebfap hawj gij lingjyiz cungqdiemj、gij lingjyiz ngamq hwng、gij lingjyiz nangq daengz guekrog, gyavaiq laebndei aen faplwd dijhi yiengh sevei cujyi miz gij daegsaek Cungguek aeu yenfaz guh goek haenx. Dangj lingjdauj gyalaeg gaijgwz gij swhfaz dijci aeu swhfaz cwzyinci guh cungdenj haenx, doicaenh aen lingjyiz cwngfaz cienzmienh gyalaeg gaijgwz, gyarengz gamduk hanhhaed gij hozdung caepfap dawzfap, sonyinx cingj ndei aen doih cwngfaz, ciuqfap niujcingq gij anqgienh ienvuengj anqgienh loek, yiemzhaenq fadceih gij nduknaeuh ndaw caepfap dawzfap, saedbauj caepfap dawzfap goengcingq cinghseuq vaiqdangq miz gienzvi.

　　Cibbet Daih Dangj raeuz doxdaeuj，aen fapceih dijhi sevei cujyi miz gij daegsaek Cungguek mboujduenh laeb caezcienz, hwnqguh aen Cungguek fapceih yamq ok yamqdin maenhsaed，hawj fapceih engq lai fatok gij rengz maenh goekgaen、onj yawhgeiz、ndei bae gyae de，gij bonjsaeh Dangj raeuz yungh fapceih daeuj lingjdauj caeuq ceihleix guekgya ndaej dem’ak yienhda.

　　（Caet）Youq hwnqguh vwnzva fuengmienh

　　Gaijgwz hailangh gvaqlaeng，Dangj raeuz dingjmaenh gaemdawz、gaemndei vuzciz vwnzmingz caeuq cingsaenz vwnzmingz，doinyoengx yiengh vwnzva sevei cujyi mwnhoengh hwngfat，hawj minzcuz cingsaenz ndaej saenqhwnj，hawj goengrengz minzcuz ndaej gietcomz. Doengzseiz，yiengh swhcauz loekcak cienzngaenz daih’it、youqlag daih’it、gag goq bonjfaenh、mbouj nyinh lizsij daengj seiz mbouj seiz miz okdaeuj，gwnz vangj miz daihbaj luenh gangj luenh hoed，mbangj boux lingjdauj ganbu cwngci lizcangz myoxmyad、mbouj miz doucwngh cingsaenz，daihdaih yingjyangj gij swhsiengj gyoengqvunz caeuq aen vanzging baklinx ndawbiengz. Dangj raeuz cinjdeng gaemdawz aen byaijyiengq gij swhsiengj vwnzva daengx seiqgyaiq dox cungdongj、gij swhsiengj gvanhnen ndawbiengz guek raeuz bienqvaq laegdaeuq haenx，daegbied gangj daengz gaiq hong yisiz hingzdai dwg gaiq hong vih guekgya laeb sim、vih minzcuz laeb hoenz，gagsaenq vwnzva bonjfaenh dwg cungj gagsaenq engqgya goekdaej、engqgya gvangqlangh、engqgya laegna，dwg gij ligliengh ceiq goekgaen、ceiq naekcaem、ceiq dingjnanz ndaej hwngfat aen guekgya ndeu、aen minzcuz ndeu，mbouj gig saenq gij vwnzva bonjfaenh、mbouj miz vwnzva hoenghvuengh couh mbouj miz gij fukhwng hungmbwk Cunghvaz Minzcuz. Itdingh aeu dawzmaenh aen fuengyiengq dazyinx guhhong dwg aeu yinzminz guh cungsim，yaengx geizhauh、comz simvunz、ganq vunz moq、hwng vwnzva、baij yienghsiengq， gaemmaenh gij gienz lingjdauj hong yisiz hingzdai，hwnqguh yiengh yisiz hingzdai sevei cujyi miz rengzgietcomz caeuq rengzdazyinx giengzak haenx，hwnqguh aen guekak vwnzva sevei cujyi，coi hawj daengx minzcuz maij bae cauhguh cauhmoq vwnzva，engq ndei bae cauhlaeb gij cingsaenz Cungguek、gij gyaciz Cungguek、gij ligliengh Cungguek，gyamaenh aen swhsiengj giekdaej caezcaemh hawj daengx Dangj daengx guek gak cuz yinzminz doxgiet buekguh.

　　Dangj raeuz roengzrengz gaijgez aen vwndiz Dangj raeuz youq yisiz hingzdai fuengmienh lingjdauj mbouj gaeuq，laeb byoengq caez guh、hongz rwix haenh ndei，doiq ndaw lingjyiz yisiz hingzdai haujlai fuengyiengq vwndiz、canloz vwndiz guh’ok baijbouh，laebdingh caeuq dingjmaenh gij cidu giekbonj youq yisiz hingzdai fuengmienh aeu Majgwzswh cujyi guh dazyinx， laeb caezcienz aen cwzyinci guh hong yisiz hingzdai，doihawj daengx Dangj ca gij hong senhconz swhsiengj，miz cwzyin hen diegguek、rap cwzyin hen diegguek、caenh cwzyin hen diegguek，gamj ca gamj guenj、gamj guh doucwngh，geizhauh sienmingz bae fanjdoiq caeuq dingjdangj gak cungj gvanhdenj loek. Dangj raeuz daj dawzcingq goekgaen roengzfwngz gyarengz bae guh hong senhconz swhsiengj，ciuhai aen hoih lwnh gij hong senhconz swhsiengj daengx guek，faenbied ciuhai doengh aen codanzvei lwnh hongsaeh vwnzyi、hongsaeh sinhvwnz yizlun Dangj raeuz、hongsaeh vangjloz ancienz caeuq sinsizva、hongsaeh cezyoz sevei gohyoz caeuq aen hoih mizgven gij hong swhsiengj cwngci gauhyau daengx guek，doiq baenzroix vwndiz goekgaen gangjmingz yenzcwz lizcangz，cawzseuq le gij lijlun loekloeng， doiqcingq le aen fuengyiengq dazyinx guhhong，swhsiengj vwnzva fuengmienh mboujduenh hwngfat bienq ndei. Doinyoengx yungh gij lijlun cauhmoq Dangj raeuz vujcangh daengx Dangj、son’gyauq yinzminz、dazyinx guhsaeh，haeujlaeg bae muhnaemj caeuq laebndei aen lijlun Majgwzswh cujyi，doicaenh hwnqguh aen yozgoh dijhi、yozsuz dijhi、gangjvah dijhi cezyoz sevei gohyoz miz gij daegsaek Cungguek. Gig yawjnaek cauhlaeb caeuq cauhmoq gij banhfap cienzboq，doidoengh meizdij yungzhab fatmaj，hawj sinhvwnz yizlun cienzboq ndaej gyae、dazyinx ndaej ndei、yingjyangj ndaej lai、ndaej vunzlai saenq. Dangjcunghyangh mingzbeg daezok，guenj mbouj ndei hulenzvangj couh mbouj miz banhfap ciengzgeiz gaemgienz. Dangj raeuz gig yawjnaek hulenzvangj aen dieg youqgaenj、aen cancangz youqgaenj、dieg ceiq baihnaj guh yisiz hingzdai doucwngh neix，laebcaez aen dijci lingjdauj caeuq guenjleix hulenzvangj，dingjmaenh ciuqfap guenj vangj ceih vangj，dajcauh aen gyanghoeng vangjloz seuqsaksak he.

　　Dangj raeuz dawzmaenh aeu aen hwzsinh gyacizgvanh sevei cujyi dazyinx dajcauh vwnzva，yawjnaek yungh gij vwnzva senhcin、vwnzva gwzming、conzdungj vwnzva maenhndei Cunghvaz bae ganqrag raixrag，lailai bae senhconz sonrox yiengh sevei cujyi miz gij daegsaek Cungguek caeuq aen loqsiengj Cungguek，doihawj gaiq hong sonyinx lijsiengj saenqniemh baenz cidu ciengzseiz guh， laebndei aen dijhi guh hong swhsiengj cwngci，laebhwnj laeb caezcienz aen cidu byaujcangh goenglauz mingzdaeuz Dangj caeuq guekgya，laeb ngoenz geiqniemh lezsw，haeujlaeg cauhlaeb gij cingsaenz vwnzmingz cungqvunz caeuqfaenh haenx，hwnqguh aen cungsim hengzguh vwnzmingz seizdaih moq，doinyoengx hwnqguh aen guek hung maij hagsib. Dangj raeuz doinyoengx hag gij lizsij aen Dangj、gij lizsij Cungguek moq、gij lizsij gaijgwz hailangh、gij lizsij hwngfat sevei cujyi，hwnqbaenz aen Cunghgoz Gungcanjdangj Lizsij Canjlanjgvanj，guh yiengh saeh angqhoh Cunghgoz Gungcanjdangj laebbaenz bak hopbi、Cunghvaz Yinzminz Gunghozgoz laebbaenz caetcib hopbi、Cunghgoz Yinzminz Gaijfangginh laebbaenz goujcib hopbi、gaijgwz hailangh seiqcib hopbi caeuq geiqniemh Cunghgoz Yinzminz Gang Yiz Cancwngh Nem Seiqgyaiq Fanj Fazsihswh Cancwngh ndaejhingz caetcib hopbi、Cunghgoz Yinzminz Ciyenginh Gang Meij Yenz Cauz okguek hoenxciengq caetcib hopbi daengj， rengzrwd yienh’ok le gij simmuengh Dangj caeuq yinzminz、gij yiengh viyiemz guekgya caeuq bingdoih，youq daengx biengz ciengqgok le cujsenzliz、hungzyangz le rengzcingq. Dangj raeuz dawzmaenh aeu gij yauqik ndawbiengz cuengq baihgonq，gij yauqik ndawbiengz caeuq gij yauqik ginghci dox dungjyiz，doicaenh vwnzva saehnieb caeuq vwnzva canjnieb hwngfat dohdaengz，guhhoengh vwnzyi dajcauh，laebndei aen dijhi yiengh fugsaeh vwnzva vunzlai caezcaemh, hawj engqlai haeuxliengz cingsaenz maenhndei hawj yinzminz.

　　Dangjcunghyangh daegbied gangj daengz，gij conzdungj vwnzva maenhndei Cunghvaz dwg gijndei mingzyienj Cunghvaz Minzcuz，dwg aen giekdaej hawj raeuz youq mwh caeuq seiqgyaiq vwnzva dox bungqdongj ndaej ndwn onj，itdingh aeu giethab seizdaih diuzgen moq cienzciep caeuq hungzyangz ndei. Raeuz hengz aen gunghcwngz ciepswnj caeuq fatmaj gij conzdungj vwnzva maenhndei Cunghvaz，doi hawj gij conzdungj vwnzva maenhndei Cunghvaz baengh dajcauh bae cienjvaq、baengh cauhmoq bae hwngfat，hawj daengx biengz lai rox baujhoh vwnzvuz，lai roengzrengz baujhoh vwnzva yizcanj. Lai vaiq gyamaenh gij rengz youq gwnz seiqgyaiq boqgangj，youq gwnz seiqgyaiq gangj ndei gojgaeq Cungguek、gojgaeq Cunghgoz Gungcanjdangj，boqgangj ndei sing’yaem Cungguek，coi hawj vwnzmingz vunzloih dox gyaulouz dox hag’aeu，gij saedlig’unq vwnzva guekgya、gij vwnzva Cunghvaz youq seiqgyaiq yingjyangj engq hung.

　　Cibbet Daih Dangj raeuz doxdaeuj，gij hingzseiq aen lingjyiz yisiz hingzdai guek raeuz ndaej daj daengxbuenz、daj goekgaen bae cienjbienq, daengx Dangj daengx guek gak cuz yinzminz engqgya gagsaenq vwnzva bonjfaenh, daengx biengz engq rox comzgiet caeuq engq rox gaenriengz, vih seizdaih moq haicauh gij yiengh moq saehnieb Dangj caeuq guekgya daezhawj le swhsiengj baujcingq rengzrwd caeuq cingsaenz ligliengh hung’ak.

　　(Bet) Youq hwnqguh ndawbiengz fuengmienh

　　Gaijgwz hailangh gvaqlaeng, saedceij yinzminz guek raeuz gaijndei haujlai，ndawbiengz ceihleix gaijndei mingzyienj. Doengzseiz，gaenriengz seizdaih fatmaj caeuq ndawbiengz cinbu，yinzminz muengh gvaq saedceij gyaeundei engqgya haenqrem，doiq minzcuj、fapceih、goengbingz、cingqngeih、ancienz、vanzging daengj miz gij iugouz ngoenz beij ngoenz sang. Dangjcunghyangh daegbied gangj daengz，yinzminz muengh gvaq saedceij gyaeundei raeuz couh itdingh aeu buekguh baenz hawj gyoengqde，hawj beksingq yied gvaq yied ndei dwg raeuz dinghmaenh laeb Dangj vih vunzlai、gaemgienz vih yinzminz itdingh aeu baenzneix guh，raeuz guh sojmiz hong gangj liux bae cungj dwg vihliux hawj beksingq gvaq saedceij ndei，boujcaez gizmbangnyieg baujcang gwndaenj beksingq、gaijgez ndei gij vwndiz yinzminz ginzcung gip nanz you muengh gaijgez haenx dwg gaiq hong gaenjgip laebndei biengz raeuz aeu guh. Itdingh aeu baujcang caeuq gaijndei gwndaenj beksingq guh cungdenj bae laeb aen biengz engq ndei，caenhrengz guh、aenqrengz guh，gienh ciep gienh bae banhsaeh，bi ciep bi bae guh，lienzdaemh roengzrengz guhdaengz nomj miz vunz ganq、hag miz vunz son、guh miz ngaenzhong、bingh miz cienz yw、geq miz vunz ciengx、youq miz ranz youq、nyieg miz vunz bang，dem’ak ndawbiengz ceihleix caeuq cauhmoq gij fuengsik ceihleix，hawj yinzminz yiengh roxnyinh ndaej ndei、vuenyungz、ancienz engqgya cungsaed、engq miz baujcang、engq ndaej lienzdaemh.

　　Dangj laegdaeuq roxdaengz，siujgangh mbouj siujgangh，gvanhgen yawj beksingq，haenq rengz duetgungz dwg gij iugouz ceiq daemq cienzmienh hwnqbaenz aen biengz siujgangh，cijmiz dwkhingz ciengz ciengq haenqrengz duetgungz，cijndaej saedbauj cienzmienh hwnqbaenz aen biengz siujgangh、guhdaengz aen muzbyauh buekguh aen bak bi daih’it；itdingh aeu yungh gietsim engq hung、lohnaemj engq dawzcinj、banhfap engq ndaejrengz，yungh gij banhfap mauhgvaq bingzciengz，bae hengz aen gunghcwngz haenqrengz duetgungz. Dangj raeuz dinghmaenh dawzcinj banggungz，laebdingh aen muzbyauh guhhong dwg hawj mbouj you gwn、mbouj you daenj caeuq hawj yivu gyauyuz、gihbwnj yihliuz、ranzyouq ancienz miz baujcang，hengz yiengh cwzyinci “ginhlingcang”，ciucomz gij rengzlig daengx Dangj daengx guek daengx biengz，gwnz laj doengzsim、caenh rengzak bae hoenx， gungroengz gij geng ndaw geng、gaijgez gij nanz ndaw nanz，cujciz dwk ciengz ciengq haenqrengz duetgungz youq gwnz lizsij vunzloih gveihmoz ceiq hung、ligdoh ceiq ak de，guhbaenz gij cingsaenz haenqrengz duetgungz hungmbwk. Cibbet Daih Dangj raeuz doxdaeuj，daengx guek bet bak samcib ngeih aen yienh gungzhoj duetgungz caez，cibngeih fanh bet cien aen mbanj gungz ndaej ok aen doih gungz caez，gaenh baenz ik vunz gungzhoj lajmbanj ndaej duetgungz，daezgonq cib bi guhdaengz aen muzbyauh gemjnoix gungzhoj gwnz aen yicwngz ndaej lienzdaemh hwngfat bi 2030 Lenzhozgoz，gwnz lizsij Cungguek baeznduj gaijgez le aen vwndiz cieddoiq gungzhoj，cauh ok le yienghsaeh mbouj bingzciengz gwnz lizsij vunzloih gemjnoix gungzhoj.

　　Bi 2020，mienhdoiq gij binghraq bwtbingh sinhgvanh，Dangjcunghyangh sikhaek guh’ok gezcwz、damhdingh wngqdoiq，dingj aeu yinzminz cuengqyouq vih daih’it、yawj diuzmingh ceiq dij，daezok aeu guhdaengz giendingh saenqsim、caezsim caezrengz、gohyoz fuengzceih、dawzcinj hengz banhfap，mbeguh ciengz ciengq bingdoih caeuq yinzminz caez hoenx、daengxbuenz hoenx、lanzdangj hoenx binghraq，fuengfueng mienhmienh baijbouh hoenx Vujhan Baujveican、Huzbwz Baujveican，yungh rengzlig daengx guek daeuj guh ciengz gouqcoengh minghvunz gveihmoz caengz raen gvaq，daj gyaeuj daengz rieng nyinhcaen ca ndei yienghsaeh “fuengz baihrog cienz haeuj、fuengz baihndaw fanjdanz”，dinghmaenh itcaez maeuzveh gaiq hong fuengzre gaemhanh binghraq caeuq fatmaj ginghci ndawbiengz，ceiq daih hanhdoh baujhoh le minghvunz ancienz caeuq ndangdaej cangqheiq，youq daengx seiqgyaiq sien gaemhanh ndei binghraq、sien dauq haihong、sien hoizfuk ginghci ndawbiengz hwngfat，aen doucwngh dingjhoenx binghraq aeundaej cwngzgoj daengxbuenz hungloet，couqbaenz le gij cingsaenz dingjhoenx binghraq hungmbwk.

　　Vihliux baujcang caeuq gaijndei gwndaenj beksingq，Dangj raeuz ciuq diuz lohnaemj souj maenh daejsienq、doedok cungdenj、caezcienz cidu、dazyinx yawhgeiz，youq doengh fuengmienh lumjbaenz souhaeuj faenboiq、couhnieb、gyauyuz、sevei baujcang、yihliuz veiswngh、ranzyouq baujcang doiok baenzroix banhfap hungnaek，yawjnaek lai roengzrengz hwnqguh gaiq gwndaenj beksingq ndei doh、giekdaej、gvakdaej，doi hawj yiengh fugsaeh vunzlai caezcaemh ceiq noix boux boux doxdoengz. Raeuz roengzrengz cauhlaeb aen dijhi faenboiq souhaeuj yienh’ok yauliz、coi hawj goengbingz he， diuzcez gij souhaeuj sang gvaqbouh，gimqcawz gij souhaeuj mbouj habfap，demgya gij souhaeuj boux souhaeuj noix，onjbouh gyalai gyoengq vunz souhaeuj cungdaengj，doi hawj guhbaenz yiengh faenboiq lumj lwggyamj nei，souhaeuj gihminz demmaj caeuq ginghci demmaj daihdaej doengzbouh，gij souhaeuj gihminz lajmbanj demmaj vaiq gvaq gij gihminz hawsingz. Hengz gij cwngcwz hawj couhnieb baiz youq gonq，doinyoengx guhdaengz miz hong engqgya lai、ndaej hong engqgya ndei. Cienzmienh gvancez diuz gyauyuz fuengcim Dangj raeuz，hwngfat gyauyuz saehnieb gonq，mingzbeg doekdingh faenhhong goekdaej gij gyauyuz raeuz dwg laebhwnj daudwz son ndei vunz, gungganq bouxcauhguh caeuq bouxciepswnj sevei cujyi dwg dwz ci dij meij lauz yienghyiengh fatmaj ndei he，gyalaeg gaijgwz cauhmoq gyauyuz caeuq sonhag，coihaeuj goengbingz caemhcaiq hawj sonhag guh ndaej engq ndei，doihaeuj yivu gyauyuz hwngfat doxdaengh caeuq singz mbanj caemhyiengh，guhdoh guhndei gij hong sonrox sonhag gij vah gij saw doengyungh daengx guek，coihcingq gij beizyin gihgou baihrog hagdangz，lailai haiguh cizyez gyauyuz，doinyoengx gauhdwngj gyauyuz baengh rengzndaw bae hwngfat，doihaeuj guhndei gaiq hong baengh gyauyuz hawj guek bienq ak，banh ndei yiengh gyauyuz habhoz yinzminz. Guek raeuz hwnqbaenz aen sevei baujcang dijhi gwnz seiqgyaiq gveihmoz ceiq hung，cib ik song cien fanh vunz miz yiengh baujyiemj ciengxlaux baujdaej，cib sam ik roek cien fanh vunz miz yiengh baujyiemj ywbingh baujdaej. Dohdaengz doihaeuj gaiq hong hwnqguh aen Cungguek bouxboux ndangcangq，hengzdingh diuz fuengcim yawhfuengz guhdaeuz，gyalaeg gaijgwz aen dijci yihyoz veiswngh，dazyinx gaiq hong yihliuz veiswngh nod cungqsim roengz laj、hawj swhyenz roengz laj，gibseiz doinyoengx caezcienz gij dijci gihci fuengzre gaemhanh binghraq hungnaek、laebcienz aen dijhi dangqhaenq guenjleix yiengh gunghgung veiswngh guekgya，coihawj cunghyihyoz cienzciep cauhmoq hwngfat，laebcienz aen gunghgung veiswngh fuzvu dijhi doh daengz singzmbanj. Gyavaiq hwnqguh aen guek dijyuz ak，hawj daengxgyoengq ndaej engqlai bae lienh ndang，hawj bouxboux lai rox gij cingsaenz dijyuz Cunghvaz. Gyarengz muhnaemj aen canloz vunzgyaeuj hwngfat，lai rox bae wngqdoiq boux geq bienq lai，gyavaiq hwnqguh aen dijhi fugsaeh ciengxlaux，diuzcingj gaijndei gij cwngcwz senglwg，coihawj vunzgyaeuj hwngfat ciengzgeiz bingzyaenx. Yawjnaek guhndei gyadingz gya’gyauq gyafung，baujcang gij gienzik mehmbwk lwgnyez. Gyavaiq hwngfat gij saehnieb haeujcoengh bouxcanz. Dingjmaenh yiengh dinghvih ranz dwg aeu daeuj youq、mbouj dwg aeu daeuj cauj，gyavaiq laebhwnj aen cidu ranzyouq lai aen cawjdaej gunghawj、lai diuz roenloh baujcang、co cawx caez guh，roengz rengzhung douzcienz hwnqguh gij ranz bauj miz youq，hawj gij diuzgienh ranzyouq gyoengq gihminz singzmbanj gaijndei mingzyienj.

　　Dangj raeuz daj guekgya ciengzgeiz andingh、yinzminz youq onj maij hong bae ngeixnaemj，hwnqguh aen Cungguek bingzan engqgya maenhndei，laebndei aen dijhi guenjleix ndawbiengz，laebcienz aen dijhi guenjleix aen gihcwngz singzmbanj aeu gagguenj、fapguenj、daekguenj dox giethab caiqlij youz dangjcujciz lingjdauj haenx，doihawj gaiq hong guenjleix ndawbiengz nod giz dawznaek roengz daengz gihcwngz，hwnqguh aen cidu guenjleix ndawbiengz baenz yiengh caezlaeb caezguenj caezyungh，comzbueng caez guenj ndawbiengz, guh daengz bouxboux dawzrap、bouxboux roengzrengz、baenz ndei caez ndaej. Gyarengz guh gaiq hong fuengz cai gemj cai gouq cai caeuq ancienz swnghcanj，roengzrengz gya’ndei aen dijhi caeuq gyaak gij bonjlingx guekgya guh yiengh guenjleix dangqhaenq. Hengzdingh caeuq hwngfat gij “gingniemh Funghgyauz” seizdaih moq，dingjmaenh baenzroix bae guenjleix、ciuqfap bae guenjleix、gyoebhab bae guenjleix、daj gyaeujgoek bae guenjleix，caezcienz aen cidu sinfangj，laebcienz aen gihci gyoebhab lai yiengh bae yawhfuengz diuzgaij cawqleix vaqgej gij ngaekngeu cengnauh ndawbiengz，gyarengz gyoebhab guenjleix cianh ndawbiengz，guh ciengz doucwngh cienmonz baet yak cawz rwix，baenzbaenz cungj aeu fadceih doengh boux dangjyenz ganbu cuengqyungz、baulumx gij seiqlig yakrwix vanzlij dang bouxhenyak haenx，fuengzre caeuq dwkceih yiengh dwglau bauqlig、yiengh famhcoih gwnz vangj saen ok、yiengh famhcoih hamj guek.

　　Cibbet Daih Dangj raeuz doxdaeuj，guek raeuz cienzmienh gyarengz hwnqguh ndawbiengz，gij gwndaenj yinzminz fuengfueng mienhmienh cungj ndaej gaijndei, ceihleix ndawbiengz miz vunzbiengz caeuqfaenh、ciuq fap bae guenj、guhbaenz cinwngz、bienq ciennieb doengh fuengmienh neix ndaej daezswng gig lai, aen gizmen ndei yinzminz an’onj gvaq saedceij、ndawbiengz andingh mbouj luenh haenx ndaej hwngfat, hawj ndawbiengz ciengzgeiz onjdingh gienh saeh mbouj yungzheih neix itcig swnj guh roengzbae.

　　（Gouj）Youq hwnqguh swnghdai vwnzmingz fuengmienh

　　Gaijgwz hailangh gvaqlaeng，Dangj raeuz yied ngoenz yied yawjnaek baujhoh aen vanzging swnghdai. Doengzseiz，gaiq hong hwnqguh yiengh vwnzmingz swnghdai lij guh ndaej gig mbouj gaeuq，deng swhyenz vanzging hanhhaed yied daeuj yied haenq、swnghdai hidungj doiqvaq daengj hix yied daeuj yied rem，daegbied dwg gij saeh yienghneix yienghhaenx uqlah vanzging、yienghneix yienghhaenx buqvaih swnghdai yied guh yied lai，guhbaenz diegnamh deng sieng、diegyouq deng haih. Danghnaeuz mbouj ca gaenj niujcienj aen seiqdaeuz swnghdai vanzging bienq rwix neix，couh itdingh yaek cauhbaenz yiengh sonjsied hungloet. Dangjcunghyangh daegbied gangj daengz，hwnqguh yiengh vwnzmingz swnghdai dwg yiengh goekgaen nanangq Cunghvaz Minzcuz ciengxlwenx lienzdaemh hwngfat，baujhoh aen vanzging swnghdai couh dwg baujhoh swnghcanjliz，gaijndei aen vanzging swnghdai couh dwg hawj swnghcanjliz fatmaj，baenzlawz cungj mbouj ndaej vih saekseiz hawj ginghci demmaj cix mbouj goq vanzging bienq rwix. Itdingh aeu geiqmaenh raemxsaw byaheu couh dwg byagim bya’ngaenz，dingjmaenh bya raemx ndoeng naz huz diegnywj diegsa doengzcaez baujhoh caeuq baenzroix ceihleix，lumj baujhoh lwgda ityiengh baujhoh aen vanzging swnghdai，lumj doiqdaih minghvunz ityiengh doiqdaih aen vanzging swnghdai，engqgya gagrox bae doihaeuj yiengh hwngfat saekheu、yiengh hwngfat sinzvanz、yiengh hwngfat danqnoix，byaij dingh diuz roen vwnzmingz hwngfat miz yiengh swnghcanj hwngfat、swnghhoz fouqmiz、swnghdai maenhndei.

　　Dangj raeuz daj gwnz swhsiengj、faplwd、dijci、cujciz、cozfungh dohdaengz fatrengz，cienzmienh、daengx dieg、daj goek daengz byai bae gyarengz baujhoh aen vanzging swnghdai，doinyoengx vehdingh diuz sienqhoengz baujhoh swnghdai、diuz daejsienq vanzging ndeirwix、diuz sienq ceiqsang leihyungh swhyenz，daj giz goekgaen、yawj daengz gyaeraez、daihdamj haigoek bae guh baenzroix hongsaeh. Dangj raeuz cujciz hengzguh aen canloz vehfaen cujdij gunghnwngzgih，laebhwnj laebcienz aen cidu canjgienz swhcanj swyenz swhyenz、aen cidu haifat baujhoh gyanghoeng diegguek、aen cidu bingzgyaq gaujhaed caeuq aen cidu gyaepcaz cwzyin gij moegbiu hwnqguh yiengh vwnzmingz swnghdai、aen cidu boizbouj swnghdai、aen cidu bouxdaeuz guenj dah（huz）、aen cidu bouxdaeuz guenj ndoeng、yiengh cidu “dangj cwng caemh rap cwzyin” caeuq “aen gangjvei ndeu song yiengh cwzyin” baujhoh vanzging daengj doengh gij cidu yienghneix yienghhaenx，ceiqdingh coihdingh gij faplwd fapgvi doxgven. Gaijndei aen gvaengxgaq haifat baujhoh gyanghoeng diegguek，laebhwnj aen dijhi dieg baujhoh swyenz aeu gozgyah gunghyenz guh cawjdaej，laebdaeb daihbenq hawj diegguek bienq heu，gyarengz baujhoh caeuq baenzroix ceihleix gij swnghdai dahhung caeuq diegcumx aen huz youqgaenj nem ranghdieg haenzhaij，gyarengz baujhoh caeuq coihfuk swnghdai hidungj，gyarengz baujhoh doenghduz doenghgo lai cungj lai yiengh，doinyoengx guhbaenz yiengh ndabaij gyanghoeng、aen gezgou canjnieb、gij fuengsik swnghcanj、gij fuengsik swnghhoz ndaej mbaetyungh swhyenz caeuq baujhoh vanzging. Dangj raeuz lingjdauj roengzrengz dwkhingz ciengz ciengq haenqrengz fuengzceih uqlah，haeujlaeg hengzguh sam daih giva bae fuengzceih gij uqlah daihheiq、raemx、doemnamh，hoenx ndei ciengz ciengq henhoh mbwn lamz、raemx saw、namh seuq，cingjceih aen vanzging vunz youq lajmbanj，dohdaengz gimqhaed cingouj gij “labsab guekrog”. Mbeguh cunghyangh dukcaz gaiq hong baujhoh swnghdai vanzging，laemxsim cazcawq buek anqgienh denjhingz hungnaek buqvaih swnghdai vanzging ndeu、gaijgez buek vanzging vwndiz naekhaenq yinzminz ginzcung fanjyingj haenqrem ndeu. Guek raeuz gaenxmaenx caeuqfaenh ceihleix gij vanzging caeuq dienheiq daengx seiqgyaiq，wngqcingz roengzrengz daengz 2030 nienz gaxgonq guhbaenz gaiq hong habgek baiz danq、2060 nienz gaxgonq guhdaengz danq cung saw，hawj vunz raen daengz raeuz dang aen guek hung gamj dawz rap ndeu.

　　Cibbet Daih Dangj raeuz doxdaeuj，Dangjcunghyangh roengz gij rengz hung doenghbaez caengz miz gvaq bae ca gaiq hong cauxlaeb swnghdai vwnzmingz, daengx Dangj daengx guek engqgya lailai gag rox gag aeu bae doinyoengx saekheu fazcanj，hwnqguh aen Cungguek gyaeundei yamq ok yamq hung, guekgya raeuz baujhoh swnghdai vanzging mizok yiengh bienqvaq doenghbaez caengz miz gvaq、gaenq cienj ndei、daengxbuenz caez bienq haenx.

　　（Cib）Youq hwnqguh gozfangz caeuq bingdoih fuengmienh

　　Gaijgwz hailangh gvaqlaeng，bingdoih yinzminz yied daeuj yied rox gwzming hab ciuhneix bienq cwnggveih，saedlig gozfangz ngoenz beij ngoenz ak，hawj raeuz ancienz onjdwt guh gaijgwz、bae fazcanj、ndaej onjdingh. Dangjcunghyangh daegbied gangj daengz，yaek aeu guekgya ak itdingh aeu bingdoih ak、bingdoih ak le guekgya cij ndaej andingh，itdingh aeu hwnqguh gij gozfangz maenh’ak caeuq aen bingdoih yinzminz akrengz ha gij diegvih gozci guek raeuz、cengj ndaej gij ancienz nem leih’ik hwngfat guekgya.

　　Dangj raeuz daezok aen moegbiu laeb ak bingdoih seizdaih moq，laebdingh gij fuengcim doengbuenz gvendaengz ginhsw seizdaih moq， ceiqdingh aen canloz moq faen “sam yamp byaij”: Daengz 2027 nienz haenqrengz guhbaenz aen moegbiu Cunghgoz Yinzminz Gaijfangginh laebnbaenz bak bi、daengz 2035 nienz daihdaej guhbaenz gozfangz caeuq bingdoih yendaiva、daengz buenqgyang aen sigij neix dohcaez guhbaenz yiengh gozfangz caeuq bingdoih baiz youq seiqgyaiq baizgonq he caeuq guhbaenz bingdoih yendaiva，doihaeuj aeu cwngci dajcauh bingdoih、baengh gaijgwz guh’ak bingdoih、baengh gohgi guhndei bingdoih、baengh vunzcaiz guhrengz bingdoih、ciuqfap guenjleix bingdoih，gyavaiq hawj gij lijlun bingsaeh、gij cujciz hingzdai bingdoih、ginhsw yinzyenz、vujgi canghbei cungj gaenhwnj ciuhneix，gyavaiq hawj lai yungh gihgai sinsiz cinwngz yungzhab hwngfat，dohcaez gyarengz lienh bing bwh hoenx，dingjmaenh byaij diuz roen hawj bingdoih giengzak miz gij daegsaek Cungguek.

　　Yaek hwnqguh aen bingdoih yinzminz akrengz，ceiq youqgaenj dwg mbouj doenghngauz saekdi bae dingjmaenh gij yenzcwz caeuq cidu youqgaenj seizseiz aeu Dangj lingjdauj bingdoih yinzminz，dingjmaenh hawj Dangjcunghyangh caeuq Cunghyangh Ginhveij gaemdawz gij gienz ceiq sang lingjdauj caeuq cijveih bingdoih yinzminz，dohcaez haeujlaeg gvancez aen cidu ginhveij cujsiz fucwz. Miz mboengq ndeu，youq ndaw bingdoih yinzminz, ok aen vwndiz Dangj lingjdauj noix lai，danghnaeuz mbouj daj goek bae gaijgez，mboujdan ngaih daengz hoenxciengq，lij ning daengz Dangj cijveih bingdoih aen cwngci yenzcwz hungnaek neix. Dangjcunghyangh caeuq Cunghyangh Ginhveij haenq ca dohcaez yiemzhaenq guenj bingdoih，mbouj yaemhywx saekdi guh’ok gezcwz cingj ndei gij cwngci ganghgij bingdoih yinzminz，youq Gujdenz hai aen hoih lwnhgangj gaiq hong cwngci daengx ginh，ndabaij gij hong youq seizdaih moq aeu cwngci dajcauh bingdoih， dauq cienzhaenh gij conzdungj miznaj caeuq cozfungh maenhndei Dangj raeuz bingdoih raeuz，aeu gij cingsaenz cingjceih cozfungh bae doicaenh aeu cwngci coih bingdoih lienh bingdoih，cienzmienh youq ndaw bingdoih gyahaenq Dangj raeuz lingjdauj bingdoih caeuq gyahaenq guh dangjgen，haeujlaeg youq ndaw bingdoih guh ndei dangjfungh lenzcwng caeuq fanj nduknaeuh doucwngh，nyenghdingh cazcawq gij anqgienh famh fap famh gijliz naekhaenq doengh boux Goz Bwzyungz、Ciz Caizhou、Fangz Funghveih、Cangh Yangz daengj, caemhcaiq daj goek canjseuq gij rag de liux bae，doinyoengx gij cwngci swnghdai bingdoih yinzminz daj goek bienq ndei dauq.

　　Dangj raeuz daezok aen canloz baengh gaijgwz guh’ak bingdoih，lingjdauj mbeguh ciengz gozfangz caeuq bingdoih gaijgwz daj Cungguek moq laebbaenz doxdaeuj ceiq gvangq、ceiq laeg he，dauqcungz cauxlaeb gij dijci lingjdauj cijveih bingdoih yinzminz、aen dijhi ligliengh bingsaeh ciuhneix、gij cidu caeuq cwngcwz bingsaeh，gemj bae gij vunz lij youq ndaw bingdoih de samcib fanh boux，cauxbaenz le aen yiengh moq ginhveij guenj doh、cangih guenj dwkciengq、ginhcungj guenj gensez. Najdoiq yiengh ginhsw gwzming moq gwnz seiqgyaiq，raeuz saedhengz aen canloz baengh gohgi guhndei bingdoih，dajcauh aen bingdoih yinzminz ak cauhmoq，dajcauh yiengh houginz akrengz hab ciuhneix， gyaak gozfangz gohgi caeuq vujgi canghbei yamq ok yamq laux. Saedhengz aen canloz baengh vunzcaiz guhrengz bingdoih，laebdingh diuz fuengcim sonrox bingsaeh seizdaih moq，mingzbeg doekdingh gij biucinj ganbu ndei ndaw bingdoih，doinyoengx cauxlaeb aen dijhi sam yiengh caez gungganq gij ginhsw vunzcaiz yienghmoq，hawj doengh bouxbing youq seizdaih moq miz swhsiengj、miz bonjsaeh、miz goetheiq、miz binjdwz, dajcauh aen bingdoih sinyangj maenh、sinnen dingh、gijliz yiemz、gamj dangrap ndeu. Gvancez aen canloz ciuqfap guenjleix bingdoih，cauxlaeb aen dijhi ciuqfap guenjleix bingsaeh miz gij daegsaek Cungguek， gyavaiq daj goek bae cienjbienq gij fuengsik guenj bingdoih. Doicaenh laebguh aen dijhi hawj mingzdaeuz hawj bouxbing.

　　Dangj raeuz daezok gij sawjmingh yinvu bingdoih yinzminz seizdaih moq，cauhmoq gij cijdauj ginhsw canloz，diuz ndei gij baijbouh ginhsw canloz， hawj bingdoih yinzminz gyamaenh gij bonjsaeh doengbuenz maeuzveh dajcauh seiqdaeuz、guenjhaed goekhux、naenxhaed hoenxciengq、hoenxhingz dwkciengq. Rengz hoenxciengq dwg aen biucinj goekgaen hix dwg aen biucinj dandog, bingdoih yinzminz dawzndaet aen biucinj neix，dawzmaenh ndaej hoenx ciengq、hoenx ndaej hingz aen yeixyiengq gaenbonj neix，gyaak geu rengz doengbuenz maeuzveh caeuq lai lingjyiz lai yiengh hoenx ciengq, gyarengz hwnqguh gij dijhi caeuq naengzlig cijveih lienzhab hoenxciengq， roengzrengz lai bae niujcingq ceihleix “gij congh laeuh yiengh rwix ok laeng nanz mbouj hoenxciengq”，daih ca lumj caen dwkciengq lienh hoenxciengq，dajcauh yiengh fuengzhen henzguek gwnzhaij gwnzmbwn hungrem onjmaenh，giendingh youh lingzvued guh ginhsw doucwngh，mizyauq wngqdoiq gij yienghsaeh baihrog nyex raeuz doxdwk，haeplau gij yienghsaeh “daizduz” maeuz guh faenmbek，guhbaenz doengh gaiq hong naek lumjbaenz benhfangz doxdouq、gwnz haij hen gienz、fanj gungj hen onj、ciengjyiemj gouqcai、dingjhoenx binghraq、veizhoz huhangz、yinzdau cujyi gouqbang nem caeuq guekrog gapguh bingsaeh.

　　Cibbet Daih Dangj raeuz doxdaeuj, eibaengh Dangj raeuz lingjdauj rengzrwd，bingdoih yinzminz ndaej daj cingjdaej daj goekgaen caiqcauh、dauqcungz coih ndang caiq hwnjdin, saedlig gozfangz caeuq saedlig ginghci caez ndaej bienqak, aen dijhi caeuq gij bonjlingx guekgya itcaez maeuzveh ndaej gyavaiq cauhlaeb，aen dijci guenjleix baujcang bouxbing duiyiz ndaej laebhwnj laebcaez，gozfangz dungyenz yauqlwd engqsang，bingdoih riengz cwngfuj、bingdoih riengz beksingq doxgiet engq maenh. Bingdoih yinzminz laemxsim raphwnj diuz rap seizdaih moq, yungh gij cingsaenz haenqmengx buekhoenx caeuq yiengh hengzdoengh saedsaeh henhoh gij cawjgienz、ancienz、leih’ik hwngfat guekgya.

　　（Cib’it）Youq henhoh guekgya ancienz fuengmienh

　　Gaijgwz hailangh gvaqlaeng，Dangj raeuz gig yawjnaek cingqdeng cawqleix gij gvaenhaeh gaijgwz hwngfat onjdingh，aeu henhoh guekgya ancienz caeuq ndawbiengz onjdingh dangguh hangh hong giekdaej Dangj caeuq guekgya daeuj guh，vih gaijgwz hailangh caeuq hwnqguh sevei cujyi yendaiva cauh ok giz dieg ancienz maenhndei. Haeuj daengz seizdaih moq， gij hingzseiq guekgya ancienz guek raeuz engqgya yiemzhaenq，baihrog hawj gij atlig mboujcaengz miz gvaq，yiengh haephangz ancienz gaeuq caeuq yiengh haephangz ancienz lij caengz raen gvaq haenx doxsan doxgeuj，gij saehgienh “hanqmbwn ndaem”、“vaiz mong” seiz mbouj seiz raen ok. Caeuq gij iugouz hingzseiq yinvu doxbeij，gij bonjlingx henhoh guekgya ancienz guek raeuz lij mbouj gaeuq，gij bonjlingx wngqdoiq gak cungj fungyiemj hungnaek lij mbouj ak，aen gihci doengbuenz maeuzveh hezdiuz henhoh guekgya ancienz de lij mbouj caezcienz. Dangjcunghyangh daegbied gangj daengz，gij yiengh vunzlai ceiq siengj miz ceiq siengj aeu dwg guekgya anonj beksingq andingh. Itdingh aeu dingjmaenh ngeixnaemj daejsienq、youq onj ngeix nanh、caengz fwn bwh liengj， seizseiz cuengq gij leih’ik guekgya youq daihnduj，aeu hawj yinzminz youq an guh baenz moegdik, hawj cwngci ancienz guh baenz gaenbonj，hawj ginghci ancienz guh baenz giekdaej， hawj ginhsw、gohgi、vwnzva、sevei ancienz guh baenz baujcang，aeu doinyoengx gozci ancienz guh giz ingbaengh，doengbuenz suenqveh hwngfat caeuq ancienz，doengbuenz suenqveh hailangh caeuq ancienz，doengbuenz suenqveh yiengh ancienz gaeuq caeuq yiengh ancienz mbouj dwg gij gaeuq，doengbuenz suenqveh yiengh ancienz bonjndang caeuq yiengh ancienz caezcaemh，doengbuenz suenqveh henhoh guekgya ancienz caeuq dajcauh guekgya ancienz.

　　Siz Ginbingz dungzci daegbied gangj daengz, baujcwng guekgya ancienz dwg gienh saeh daeuzlaux he，caemhcaiq daezok yiengh swhsiengj hawj guekgya cungjdaej ancienz，baudaengz cwngci、ginhsw、diegguek、ginghci、vwnzva、sevei、gohgi、vangjloz、swnghdai、swhyenz、hwz、gij leih’ik youq rog、giz mbwn sangsang、giz haijlaeg、dieg Bwzgiz Nanzgiz、swnghvuz daengj haujlai lingjyiz，iugouz daengx Dangj engq gamj bae hoenx、engq ak bae hoenx，doeksaed gij lingjdauj cwzyin caeuq gunghcoz cwzyin fuengzre vaqgej gak cungj fungyiemj. Dangjcunghyangh laegdaeuq rox daengz，da raen vunzrog yienghneix yienghhaenx daeuj humxdonj、dwkat、daujluenh、boekfan raeuz，gaej saenq iu hix gaej lau fangz，danhfanz siengj boekfan Cunghgoz Gungcanjdangj lingjdauj caeuq aen cidu sevei cujyi guek raeuz、siengj rag nguh caiqlij laengzdangj Cunghvaz Minzcuz fukhwng hungmbwk, mboujlwnh duz iu lawz duz fangz lawz cungj aeu caenh de ma daengz ranz meh de bae， yied doiqlaeng de cix yied daeuj gyangq raeuz，yied ndwnj raemxda roengz dungx cix yied daeuj nyoegnyamx raeuz.

　　Dangj raeuz roengzrengz gya ndei gya maenh aen dijhi caeuq gyaak gyalai yiengh bonjlingx baujcingq guekgya ancienz，laebhwnj aen veijyenzvei guekgya ancienz cunghyangh，caezcienz aen dijci hawj lingjdauj gij yienghsaeh guekgya ancienz engq gyonjcomz、engq mizyouq、engq miz vi，caezcienz aen dijhi fapceih、aen dijhi canloz caeuq aen dijhi cwngcwz daeuj bauj guekgya ancienz，laebhwnj aen gihci gap fwngz caez guh caeuq gihci guenjleix wngqgip gaiq hong guekgya ancienz. Dangj raeuz cuengq ancienz hwngfat daengz ndaw gak aen lingjyiz guekgya hwngfat caemhcaiq hawj de ronz goek daengz byai，yawjnaek fuengzre vaqgej gij fungyiemj hungnaek aiq bae gazngaih guek raeuz doihaeuj yendaiva，laemxsim henhoh guekgya cwnggenz ancienz、cidu ancienz、yisiz hingzdai ancienz，gyarengz bae riuzgangj sonrox guekgya ancienz、hawj vunzvunz ndaej rox gij yienghsaeh gozfangz， cukmaenh diuz ciengz baengh yinzminz henhoh guekgya ancienz， doihaeuj gaiq hong hawj henzguek hwnghwnj hawj beksingq fouqmiz、hawj henzguek onjdingh hawj henzguek onjmaenh，yiemzmaed fuengzre caeuq yiemzhaenq dwkceih mbiengj vunzdig guh gij yienghsaeh iemqhaeuj、buqvaih、boekfan、faenmbek，dingjdauq caeuq fanjhoenx guekrog hengzmanz daeuj gaemh’at hanhhaed guek raeuz，haiguh gij doucwngh nangqdaengz Yanghgangj、Daizvanh、Sinhgyangh、Sihcang、lingjhaij daengj，gyavaiq hawj guek raeuz hwnq baenz aen guekak haijyangz，mizyauq henhoh guekgya ancienz.

　　Cibbet Daih Dangj raeuz doxdaeuj, guekgya ancienz ndaej gyaak dohcaez, dingj ndaej hwnj gij fungyiemj diuhcan ok laeng cwngci、ginghci、yisiz hingzdai、diendeih daengj gaujniemh, rengzrwd baujhawj aen Dangj caeuq guekgya hwngvuengh fatdad、ciengzgeiz onjdingh.

　　（Cibngeih）Youq dingjmaenh “aen guekgya ndeu song cungj cidu” caeuq doihaeuj guekcoj gyoebdauq fuengmienh

　　Yanghgangj、Aumwnz dauqgvi guekcoj le， dauqcungz gvihaeuj aen dijhi ceihleix guekgya，byaij hwnj diuz loh gvangqlangh riengz guekcoj caez aeu gij ceiq ndei doiqmbiengj daeuj doxbouj、doengzcaez hwngfat，daengx seiqgyaiq cungj caez nyinhnaeuz, “aen guekgya ndeu song cungj cidu” youq Yanghgangj、Aumwnz guh ndaej baenzyiengh dangqmaz. Mboujgvaq，miz mboengq ndeu，deng gij yinhsu fukcab yienghneix yienghde baihndaw baihrog gauxca，gij yienghsaeh “fanj Cunghyangh luenh Yanghgangj” nauh dwk guengzmanz dangqmaz，Yanghgangj miz mboengq ndeu gaenq maqhuz yiemzhaenq.Dangjcunghyangh daegbied gangjdaengz，itdingh aeu cienzmienh cinjdeng、giendingh mbouj bienq bae gvancez diuz fuengcim “aen guekgya ndeu song cungj cidu”，hengzdingh caeuq caezcienz gij cidu dijhi “aen guekgya ndeu song cungj cidu”，eiciuq faplwd ceihleix Yanghgangj、Aumwnz， henhoh aen yenci cizsi dwzbez hingzcwnggih youq ndaw yenfaz caeuq gihbwnjfaz gaenq doekdingh haenx，doeksaed aen gienzlig cunghyangh cienzmienh ceihleix dwzbez hingzcwnggih，laemxsim doeksaed “bouxgyaezguek ceihleix Yanghgangj”、“bouxgyaezguek ceihleix Aumwnz”.

　　Dangjcunghyangh yawj seiz yawj saeh，guh ok aen gezcwz hungnaek laebcienz aen gihci cunghyangh ciuq yenfaz caeuq gihbwnjfaz hengzsawj aen gienzlig cienzmienh guenjceih dwzbez hingzcwnggih、caezcienz gij cidu dwzbez hingzcwnggih caeuq saedhengz yenfaz nem gihbwnjfaz doxgven de，doidoengh laebhwnj laebcaez gij faplwd cidu caeuq caephengz gihci dwzbez hingzcwnggih henhoh guekgya ancienz、ceiqdingh 《Aen Fap Henhoh Guekgya Ancienz Yanghgangj Dwzbez Hingzcwnggih Cunghvaz Yinzminz Gunghozgoz》、laebndei gij senjgij cidu Yanghgangj Dwzbez Hingzcwnggih, doeksaed aen yenzcwz “bouxgyaezguek ceihleix Yanghgangj”, haeujcoengh dwzbez hingzcwnggih laebndei aen cidu boux guh goengsaeh doiq Yenfaz guhmieng. Cunghyangh Yinzminz Cwngfuj ciuqfap laeb aen gunghsuj henhoh guekgya ancienz capyouq Yanghgangj Dwzbez Hingzcwnggih, Yanghgangj Dwzbez Hingzcwnggih ciuqfap laeb aen veijyenzvei henhoh guekgya ancienz. Cunghyangh giendingh haeujcoengh Yanghgangj Dwzbez Hingzcwnggih eifap haeddingz bauqlig ceihleix doenghluenh、hawj ndawbienz dauqfuk andingh miz bouhloh, haeujcoengh hingzcwng cangjgvanh caeuq dwzbez hingzcwnggih cwngfuj ciuqfap gaemgienz, baenzlawz cungj aeu fuengzre caeuq naenxroengz gij seiqlig baihrog capfwngz gij hongsaeh Gangj Au, yiemzhaenq dwkceih yiengh saeh faenmbek、boekfan、iemqhaeuj、buqvaih. Fuengfueng mienhmienh haeujcoengh Yanghgangj、Aumwnz engq ndei yungzhaeuj aen daihbuenz hwngfat guekgya bae, caetliengh sang bae hwnqguh Yez Gangj Au Davanhgih, haeujcoengh Gangj Au fatmaj ginghci、gaijndei gwndaenj beksingq, hawj gij beixnuengx Gangj Au ndaw sim engqgya cang miz guekgya caeuq engqgya gyaez guek. Baenzroix guhfap goek byai caez ceih neix, doinyoengx seizseiq Yanghgangj ndaej daj luenhyub cienj daengz guenj ndei, vih doihaeuj ciuqfap ceihleix Yanghgangj ceihleix Aumwnz、coihawj “aen guek ndeu song cungj cidu” ndaej byaij onj bae gyae dwk roengz le giekdaej onjmaenh.

　　Gaijgez Daizvanh vwndiz、hawj guekcoj dungjyiz caezcup, dwg faenhhong lizsij Dangj raeuz laemxsim bae guh daengz daej haenx, dwg gij simmuengh doxdoengz daengxcungq lwglan Cunghvaz, dwg guhbaenz Cunghvaz Minzcuz fukhwng hungmbwk itdingh aeu baenzneix guh. Dangj gaenhwnj yamqdin song hamq gvanhaeh riengz seizdaih bae bienq, gyalai caeuq fatmaj gij lijlun gvendaengz dungjyiz guekgya caeuq gij fuengcim cwngcwz doiq Daizvanh, doidoengh gij gvanhaeh song hamq coh aen fueng’yiengq cingqdeng bae guh. Siz Ginbingz dungzci doiq gij hong naqdaengz Daizvanh daezok baenzroix leixniemh youqgaenj、cwngcwz cawjcieng hungnaek, guhbaenz aen banhfap doengbuenz Dangj raeuz youq seizdaih moq gaijgez gij vwndiz Daizvanh. Raeuz doinyoengx guhbaenz 1949 nienz doxdaeuj bouxdaeuz song hamq baez daih’it doxraen、bouxdaeuz song hamq cigsoh doiqvah gaeudoeng. Dangj dawzdingh aen leixniemh “song hamq caen ranz ndeu”, doinyoengx song hamq gvanhaeh hozbingz byaij baenaj, okdaiz baenzroix cwngcwz hawj guengjdaih beixnuengx Daizvanh ndaej ndeicawq haenx, hawj song hamq ginghci vwnzva engq lai engq ndei gyaulouz doxgap. 2016 nienz doxdaeuj, Daizvanh danghgiz gyagaenj guh yienghsaeh faenmbek “Daizvanh gaglaeb”, hawj song hamq gvanhaeh aen seiqdaeuz hozbingz hwngfat deng cungdongj youqgaenj. Raeuz dingjmaenh gij yenzcwz aen Cungguek dog caeuq “Gij Nyinhrox Doxdoengz Goujngeih Nienz”, baenzbaenz fanjdoiq guh gij saeh faenmbek “Daizvanh gaglaeb”, baenzbaenz fanjdoiq gij seiqlig baihrog capfwngz, gaemndaet gaemmaenh gij gienzguhdaeuz caeuq gienzcawjdoengh ndaw gvanhaeh song hamq. Seiz lawz caeuq baenzlawz guhbaenz guekcoj dungjyiz caezcup seizseiz youz mbiengj raeuz dingh.

　　Doengh gij saeh gaenq guhbaenz neix cwngmingz, miz Cunghgoz Gungcanjdangj lingjdauj maenh’ak, miz guekcoj hungmbwk cengjdingx rengzrwd, miz daengx guek gak cuz yinzminz baudaengz gyoengq beixnuengx Yanghgangj Dwzbez Hingzcwnggih、gyoengq beixnuengx Aumwnz Dwzbez Hingzcwnggih caeuq gyoengq beixnuengx Daizvanh caezsim roengzrengz, Yanghgangj、Aumwnz ciengzgeiz mwnhoengh onjdingh itdingh ndaej lienzdaemh roengzbae, guekcoj dungjyiz caezcup itdingh ndaej guhdaengz.

　　（Cibsam）Youq gij hong vaigyauh fuengmienh

　　Gaijgwz hailangh gvaqlaeng, Dangj raeuz dingh aeu gij hozbingz vaigyauh cwngcwz doglaeb gag guhcawj, vih guek raeuz hwngfat caux ok le vanzging baihrog ndei, vih aen saehnieb vunzloih cinbu gunghawj goenglauz hungnaek. Haeuj daengz seizdaih moq, rengzlig gak guek doiqbeij diuzcingj laegdaeuq, danhbenh cujyi、baujhu cujyi、bagenz cujyi、gyangzgenz cwngci engq haenq hangzhaep seiqgyaiq hozbingz caeuq fatmaj, cungj siengjfap mbouj hawj cenzgiuzva demlai, seiqgyaiq haeujdaengz aen seizgeiz fubfab bengwz. Dangjcunghyangh daegbied gangj daengz, najdoiq gij hingzseiq gozci fukcab yiemzhaenq caeuq gij fungyiemj diuhcan baihrog doenghbaez caengz miz gvaq, bietdingh aeu itcaez maeuzveh ndaw guek rog guek song aen daihbuenz, laeb caezcienz aen dijci gihci Dangj lingjdauj gij hong doiq rog, gyamaenh daj caengzdingj ndabaij gij hong doiq rog, doiq yiengh vaigyauh guekhung miz gij daegsaek Cungguek doengbuenz maeuzveh, doinyoengx hwnqguh yiengh gozci gvanhaeh moq, doinyoengx cauhlaeb aen minghyinh caezcaemh vunz lajmbwn, hungzyangz gij gyaciz caezcaemh vunz lajmbwn hozbingz、fatmaj、goengbingz、cingqngeih、minzcuj、swyouz haenx, guh bouxdazyinx vunzloih cinbu.

　　Dangj gaemdawz aen daihbuenz gij hong vaigyauh seizdaih moq, gaemndaet diuz cawjsienq fugsaeh minzcuz fukhwng、coicaenh vunzloih cinbu neix, yaengx sang mbaw geiz hozbingz、fatmaj、gapguh、caezndaej, doicaenh caeuq laebndei yiengh baijbouh vaigyauh dohdaengz、lai caengz、lai fuengmienh, lailai caeuq gak guek guhdoih. Raeuz couzveh gij gvanhaeh guekhung, doicaenh guekhung doxyaeng caeuq gapguh. Ciuq aen leixniemh doxndei doxsaenq doxik dox yungz caeuq aen vaigyauh fuengcim ndij gueknden doxndei、caeuq gueknden guhdoih bae gyalaeg gij gvanhaeh guek raeuz caeuq guekgya seiqhenz, hawj seiqhenz onjdingh ingbaengh ndaej, dajcauh aen minghyinh caezcaemh seiqhenz. Dawzdingh gij gvanhnen cingqngeih caeuq leih’ik cingqdeng nem gij leixniemh caengaenh caensim Cungguek caeuq gyoengq guekgya cingq fazcanj haenx doxgiet gapguh, aen gihci cingjdaej gapguh ndaej dohdaengz caez. Dangj caeuq gwnz seiqgyaiq 500 lai aen cwngdangj caeuq cwngci cujciz itcig ciengzseiz lienzhaeh, gyalaeg cwngdangj gyaulouz gapguh. Hab’wngq aen hingzseiq moq “byaij okbae” ngoenz beij ngoenz gyagvangq, mboujduenh laeb caezcienz aen dijhi baujhoh gij leih’ik youq rog guek he, mizrengz bae wngqdoiq baenzroix fungyiemj diuhcan doiq leih’ik rog guek mboujleih haenx.

　　Guek raeuz gaenxmaenx caeuqfaenh gaijgwz caeuq cauhlaeb aen dijhi ceihleix seiqgyaiq, henhoh gij gozci dijhi aeu Lenzhozgoz guh goek、gij gozci cizsi aeu Gozcifaz guh goek、gij cunjcwz giekbonj gozci gvanhaeh aeu gij cunghcij caeuq yenzcwz Lenzhozgoz Yencangh guh goek haenx, henhoh caeuq hengzguh gij yienghsaeh caen dwg lai guek caeuqfaenh，fanjdoiq aen guek dog gag guh、dan baujhoh bonjfaenh、guh giengzmanz haephangz caeuq yiengh cwngci hengzmanz，lailai bae doinyoengx ginghci cenzgiuzva gaenriengz aen fuengyiengq engqgya hailangh、bauyungz、ndei doh、doxdaengh、caezhingz bae hwngfat. Guek raeuz haeuj ndei caeuqfaenh yungh cwngci bae gaijgez gij vwndiz gozci caeuq digih cungj cimyawj de，youq dienheiq bienqvaq、gemj gungz、fanj gungj、vangjloz ancienz caeuq henhoh digih ancienz daengj doengh gij fuengmienh neix ok rengz haeujcoengh. Youq mwh dingjhoenx bwtbingh sinhgvanh guek raeuz caeuq gozci gap fwngz caez guh，iudaeuz guh baez hengzdoengh heuh daengx seiqgyaiq gaenjgip guh yinzdau cujyi gouqbang dwg Cungguek moq laebbaenz doxdaeuj gveihmoz ceiq hung haenx，aeu doxgaiq、aeu yihliuz、aeu yizmyauz bae bangcoengh haujlai guekgya daegbied dwg doengh aen guekgya cingqcaih fazcanj de, cailij caeuq gyoengqde doxgap caez guh，hawj daengx seiqgyaiq yawj raen Cungguek dwg aen guek hung gamj bae dawzrap he.

　　Baenzneix roengzrengz mbouj dingz，dohdaengz doihaeuj yiengh vaigyauh guekhung miz gij daegsaek Cungguek, cauhlaeb aen minghyinh caezcaemh vunz lajmbwn bienqbaenz mbaw geiz ronghsien dazyinx aen cauzliuz seizdaih caeuq aen fuengyiengq baenaj vunzbiengz, gij vaigyauh guek raeuz youq ndaw seiqgyaiq boekbienq haicauh buenzmienh moq、youq ndaw buenzmienh luenhlab seiqgyaiq dawz yungyiemj bienqbaenz seizgei, gij rengzyingjyangj、rengzgamjciu、rengzdajcauh guek raeuz youq gwnz seiqgyaiq ndaej bienq ak yienhda.

　　Gyonj daeuj gangj，Cibbet Daih Dangj raeuz doxdaeuj，aen Dangjcunghyangh aeu Siz Ginbingz dungzci guhgoek haenx lingjdauj daengx Dangj daengx ginh daengx guek gak cuz yinzminz haenqrengz baenaj，aen moegbiu cienzmienh hwnqbaenz aen biengz siujgangh ndaej ciuqgeiz guhbaenz，gij saehnieb aen Dangj caeuq guekgya aeundaej gij cwngzciu hab geiq haeuj lizsij、miz ok gij bengwz doenghbaez caengz raen gvaq haenx，hawj vunz caencengq yawj raen yiengh sevei cujyi miz gij daegsaek Cungguek rengzhoengh rim ndang，aen sim Dangj、aen sim ginhdui、aen sim yinzminz cix coengzlaiz mbouj raen baenzneix comzgiet baenzneix saenqhwnj gvaq， vih guhbaenz Cunghvaz Minzcuz fukhwng hungmbwk daezhawj le yiengh cidu baujcwngq engq ndei、aen giekdaej doxgaiq engq maenh、yiengh ligliengh cingsaenz engq cawjdoengh. Cunghgoz Gungcanjdangj caeuq yinzminz Cungguek baengh yiengh gamj guh gamj buek yiemzrwd naeuz hawj daengx seiqgyaiq rox, Cunghvaz Minzcuz ciep daeuj le baez bonghyat hungmbwk daj ndwn hwnjdaeuj、fouq hwnjdaeuj daengz ak hwnjdaeuj.

　　Haj、Gij Eiqngeih Lizsij Cunghgoz Gungcanjdangj

　　Buekguh Bak Bi

　　Bak bi daeuj，Dangj raeuz itcig hengzguh diuz rap dawznduj，doxgiet daiqlingx daengx guek gak cuz yinzminz veh baenz gienj dozveh gyaeundei ndaw lizsij vunzbiengz hwngfat，Cunghvaz Minzcuz fukhwng hungmbwk da yawj couh yaek daeuj daengz.

　　（It）Dangj raeuz buekguh bak bi daj goekgaen bae gaijbienq le gij roennaj minghyinh yinzminz Cungguek. Ciuhgyawj doxdaeuj， yinzminz Cungguek deng digoz cujyi、funghgen cujyi、gvanhliuz swhbwnj cujyi apbik gig haenq，doengh guek giengzmanz Sihfangh hix riu raeuz guh “bouxbinghgeq Dunghya”. Bak bi daeuj，Dangj raeuz lingjdauj yinzminz guh mbat doucwngh hungmbwk gvangqlangh hoenghhwd，yinzminz Cungguek daengzdaej baetduet yiengh minghyinh deng haephangz、deng apbik、deng guhhoiq, bienqbaenz bouxcawj guekgya、ndawbiengz caeuq minghyinh bonjfaenh，yinzminz minzcuj mboujduenh hwngfat，cibseiq ik lai vunz haeujdaengz cienzmienh siujgangh，yinzminz Cungguek gij siengjmuengh gvaq saedceij gyaeundei haenx mboujduenh ndaej guhbaenz. Ngoenzneix， yinzminz Cungguek engqgya gag saenq bonjfaenh、engq rox gag guh gag gwn、engq rox baengh bonjfaenh bienq ak，yiengh ceiqheiq、goetheiq、daejheiq raeuz ndaej bienq ak lailai，gij goengrengz maenh’ak youq mwh gaenriengz lizsij baenaj cwkrom roengzdaeuj haenx ndaej daengzdaej cuengqlangh okdaeuj，yiengh cingsaenz hungmbwk doinyoengx lizsij、yiengh cingsaenz dajcauh lizsij coengzlaiz caengz raen baenzneix hwnghoengh，yinzminz Cungguek cingq gig miz saenqsim bae cauh ok yiengh lizsij hungmbwk hwngfat Cungguek seizdaih moq.

　　（Ngeih）Dangj raeuz buekguh bak bi hai ok le diuz roenloh cingqdeng guhbaenz Cunghvaz Minzcuz fukhwng hungmbwk. Ciuhgyawj doxdaeuj，aen Cunghvaz minzcuz gaenq cauh’ok yiengh vwnzmingz ronghlwenq haenx bungzdaengz yiengh cainanh naeklaeg vwnzmingz nanz ndaej ciepswnj，baij youq baihnaj seiqgyaiq dwg gij yienghsiengq doekbaih nyomqnywg. Bak bi daeuj，Dangj raeuz lingjdauj yinzminz mboujduenh buekguh、mboujduenh baenaj，hai ok le diuz roenloh cingqdeng guhbaenz Cunghvaz Minzcuz fukhwng hungmbwk. Cungguek daj yiengh sikdinz sanqdanh、sanq lumj buenz sa bienqbaenz yiengh dungjyiz lailai、minzcuz doxgiet，daj yiengh ciengzgeiz gungz nyieg、hojndoq guhdaengz cienzmienh siujgangh、mwnhoengh fouqgiengz，daj yiengh deng moeb、deng hangz bienq ndaej gag ndaej dang ranz、gagsaenq bonjfaenh， ngamq yungh geijcib bi couh byaij caez duenh roen gunghyezva doengh aen guekgya fatdad geij bak bi cij byaij gvaq de, guhbaenz ginghci riengjvaiq hwngfat caeuq ndawbiengz ciengzgeiz onjdingh song yiengh saeh hawj vunz siengj cungj siengj mbouj daengz neix. Ngoenzneix，youq baihnaj seiqgyaiq, gij yienghsiengq Cunghvaz Minzcuz dwg gij yienghsiengq hwngfwdfwd he，de daengjsoengz youq baihdoeng seiqgyaiq.

　　（Sam）Aen bak bi buekguh Dangj raeuz hawj vunz yawjraen Majgwzswh cujyi caen akrengz dahraix. Majgwzswh cujyi biengjloh le gij gvilwd aen biengz vunzloih hwngfat，dwg aen caenleix gohyoz roxnaj seiqgyaiq、gaijcauh seiqgyaiq. Doengzseiz，dawzmaenh caeuq hwngfat Majgwzswh cujyi，daj lijlun daengz guhsaeh cungj aeu doengh boux saenqyiengj Majgwzswh cujyi daengx seiqgyaiq mbouj lau gannanz、gamj guh saehhoj、roengzrengz buekguh. Bak bi daeuj，Dangj raeuz itloh yaengx sang fan geiz Majgwzswh cujyi，mboujduenh doihawj Majgwzswh cujyi habngamj Cungguek habngamj seizdaih，lailai bae supaeu doengh gij vwnzmingz cingzgoj maenhndei youz vunzbiengz dajcauh okdaeuj haenx，yungh aen gohyoz lijlun Majgwzswh cujyi gaenq habngamj Cungguek bae dazyinx guhsaeh. Gij yiengh caen gohyoz、caen caenleix Majgwzswh cujyi youq Cungguek ndaej daengzdaej genjniemh, gij yiengh ndwn youq mbiengj yinzminz、ndwn youq gwnz sizcen Majgwzswh cujyi youq Cungguek ndaej daengzdaej guh daengz, gij yiengh hailangh caeuq gij yiengh gaenriengz seizdaih Majgwzswh cujyi youq Cungguek ndaej daengzdaej yienjloh. Majgwzswh cujyi giethab Cungguek giethab seizdaih baez dem baez ndaej baenz，hawj Majgwzswh cujyi baenz yiengh moqsak daengjsoengz youq gwnz seiqgyaiq，yinxhawj daengx seiqgyaiq sevei cujyi caeuq swhbwnj cujyi song cungj yisiz hingzdai、song cungj sevei cidu youq ndaw lizsij bienqhaeuj caeuq mwh song de doxdik ceng’ak miz yiengh cienjbienq hungnaek ndeileih sevei cujyi.

　　（Seiq）Dangj raeuz buekguh bak bi laegdaeuq yingjyangj daengz lizsij seiqgyaiq baenaj. Gij saehnieb Dangj caeuq yinzminz dwg aen bouhfaenh youqgaenj gapbaenz gij saehnieb vunzloih cinbu. Bak bi daeuj， Dangj gawq vih yinzminz Cungguek maeuz vuenyungz、vih Cunghvaz Minzcuz maeuz fukhwng，hix vih vunzloih maeuz cinbu、vih seiqgyaiq maeuz bingzdaengj swyouz，doenggvaq gag buekguh mbouj dingz laegdaeuq gaijbienq le aen byaijyiengq caeuq yiengh baijbouh seiqgyaiq fatmaj. Dangj raeuz lingjdauj yinzminz gaenq byaij baenz diuz roen yendaiva Cungguek gag miz，cauh ok gij yiengh moq hawj vwnzmingz vunzloih， haigvangq diuz roen byaij coh yendaiva hawj doengh aen guekgya cingqyouq hwngfat，vih daengx seiqgyaiq doengh aen guekgya caeuq minzcuz gawq maqmuengh vaiq di hwngfat youh maqmuengh mbouj deng saetbae doglaeb de daezhawj yiengh genjleh moqsak. Dangj raeuz doinyoengx cauhlaeb aen minghyinh caezcaemh vunz lajmbwn，vih gaijgez gij vwndiz hungnaek vunzloih， hwnqguh aen seiqgyaiq ciengxlwenx doxhuz、gizgiz ancienz、doengzcaez mwnhoengh、hailangh bauyungz、cinghseuq gyaeundei dawzok le yiengh dungxcaiz Cungguek、aen fueng’anq Cungguek、gij goengrengz Cungguek，guh baenz geu rengz ak doinyoengx vunzloih hwngfat cinbu.

　　（Haj）Dangj raeuz buekguh bak bi diz baenz yiengh Cunghgoz Gungcanjdangj byaij youq baizgonq seizdaih. Dangj raeuz youq mwh laebbaenz ngamq miz hajcib lai boux dangjyenz，hoeng ngoenzneix gaenq bienqbaenz aen dangjgaemgienz ceiq hung gwnz seiqgyaiq， gouj cien haj bak lai fanh boux dangjyenz、lingjdauj aen guekhung miz cibseiq ik lai vunz, baez cienqndang hix ning daengz daengx seiqgyaiq. Bak bi daeuj，Dangj dinghmaenh singqcaet cunghcij，dinghmaenh lijsiengj saenqniemh， soujmaenh simnduj sawjmingh，gamj gag gaij bienq ndei，youq ndaw doucwngh mbouj dai couh lix caeuq ndaw haemzhoj gannanz buekguh dingj gvaq le gak cungj yungyiemj、roengz le haujlai rengz ok le haujlai mingh，dizlienh ok yiengh cwngci binjgwz sienmingz，cauxbaenz le diuz meg cingsaenz aeu yiengh cingsaenz laeb dangj hungmbwk guhgoek de，hawj gij yiengh senhcin caeuq seuqcengh seizseiz raen youq ndang Dangj raeuz，gij bonjlingx gaemgienz caeuq gij suijbingz lingjdauj Dangj raeuz ndaej lienzdaemh bienq ak bienq sang，cingq lingjdauj yinzminz Cungguek youq gwnz roen sevei cujyi miz gij daegsaek Cungguek mbouj ndaej niujcienj dauqlaeng dwk byaij coh Cunghvaz Minzcuz fukhwng hungmbwk，caen dwg aen Dangj hungmbwk miznaj cingqdeng he.

　　Roek、Gij Gingniemh Lizsij Buekguh Bak Bi

　　Cunghgoz Gungcanjdangj

　　Bak bi daeuj，Dangj raeuz lingjdauj yinzminz guh ciengz buekguh hungmbwk，youq mwh baenaj guh cungbyoengq，youq ndaw daemdengj bae caengqhwnj，daj ndaw cungjgez bienq engq ndei，cwkrom ndaej gij gingniemh lizsij dijbauj.

　　（It）Dingjmaenh aeu Dangj lingjdauj. Cunghgoz Gungcanjdangj dwg geu rengz guhgoek lingjdauj gij saehnieb raeuz. Yinzminz Cungguek caeuq Cunghvaz Minzcuz vihmaz ndaej niujcienj aen minghyinh lizsij ciuhgyawj gvaqlaeng、aeundaej gij cwngzciu hungmbwk ngoenzneix，gangj daengz ndaw goekgaen couh dwg miz Cunghgoz Gungcanjdangj akrengz lingjdauj. Lizsij caeuq ngoenzneix cungj cwngmingz，mbouj miz Cunghgoz Gungcanjdangj，couh mbouj miz Cungguek moq， couh mbouj miz Cunghvaz Minzcuz fukhwng hungmbwk. Ceihleix ndei aen cwngdangj ceiq hung caeuq aen guekgya vunz ceiq lai gwnz seiqgyaiq，itdingh aeu dinghmaenh aeu Dangj daeuj cienzmienh lingjdauj daegbied dwg Dangjcunghyangh daeuj gyonjcomz lingjdauj，hengz dingh aen cidu minzcuj cizcungh，caencingq baujcingq hawj Dangj daj gyaeuj daengz rieng gaemguenj daengxbuenz、diuz daengh gak fueng. Cijaeu raeuz dinghmaenh aeu Dangj cienzmienh lingjdauj mbouj doenghngauz，laemxsim henhoh Dangj raeuz guhgoek caeuq gij gienzvi Dangjcunghyangh，lailai hawj yiengh bonjlingx ceiq ak ceiq rox lingjdauj cwngci Dangj raeuz fat rengz okdaeuj，hawj Dangj raeuz lingjdauj doeksaed daengz moix aen lingjyiz moix aen fuengmienh moix aen hothoh ndaw saehnieb Dangj caeuq guekgya，couh itdingh ndaej saedbauj daengx Dangj daengx aen bingdoih daengx guek gak cuz yinzminz doxgiet caezsim byaij baenaj.

　　（Ngeih）Dinghmaenh yinzminz ceiq sang. Aen giekdaej Dangj raeuz youq ndaw yinzminz、meglwed ok laeng yinzminz、goengrengz ok laeng yinzminz，yinzminz dwg aen daejheiq ceiq hung Dangj raeuz gaemgienz hwng guek. Minzsim dwg yiengh cwngci swhbwnj ceiq hung，cingqngeih dwg yiengh goengrengz ceiq ak. Youq gwnz cwngci, giz ak gvaq vunz lailai Dangj raeuz dwg maedcaed lienzhaeh ginzcung; Dangj raeuz gaemgienz gvaqlaeng, giz ceiq yungyiemj de dwg mbouj caeuq ginzcung youq itheij. Dangj raeuz daibyauj gij leih’ik gaenbonj vunz ceiq lai Cungguek，mbouj miz saekdi leih’ik daegbied bonjfaenh，coengzlaiz mbouj daibyauj gij leih’ik aen liyiz cizdonz lawz、aen genzsi donzdij lawz、aen dwzgenz gaihcwngz lawz，neix couh dwg gij goekgaen Dangj raeuz ciengxlwenx mbouj baih. Cijaeu raeuz itcig dawzmaenh aen moegdik ceiq hung itsim iteiq fugsaeh yinzminz，hengzdingh diuz ginzcung lusen Dangj raeuz，seizseiz geiqmaenh guekgya couh dwg yinzminz、yinzminz couh dwg guekgya，dingjmaenh guh maz cungj vihliux yinzminz、guh maz cungj baenghgauq yinzminz，dingjmaenh vih yinzminz gaemgienz、baengh yinzminz gaemgienz，dingjmaenh hwngfat vih yinzminz、hwngfat baengh yinzminz、cwngzgoj hwngfat youz yinzminz caemhyungh，laemxsim byaij diuz roen hawj daengxcungq yinzminz doengzcaez fouqmiz，couh itdingh ndaej lingjdauj yinzminz duedaeu gij cwngzgoj engq hung engq moq yiengh sevei cujyi miz gij daegsaek Cungguek，yiengh maeuzsuenq hawj Cunghgoz Gungcanjdangj caeuq yinzminz Cungguek faengat okdaeuj、doiqdingj hwnjdaeuj haenx mboujlwnh daengz seiz lawz cungj mbouj ndaej baenz saek di saek yiengh.

　　（Sam）Dingjmaenh youq gwnz lijlun bae cauhmoq. Majgwzswh cujyi dwg aen cijdauj swhsiengj gaenbonj raeuz laeb Dangj laeb guek、hwng Dangj ak guek. Gij lijlun Majgwzswh cujyi mbouj dwg gyaudiuz cix dwg son raeuz baenzlawz bae guh dahraix，itdingh aeu gaenriengz saedguh baenaj cix fatmaj，itdingh aeu hab dieg hab deih Cungguek cijndaej doeknamh daz rag、itdingh aeu hab bak hab dungx Cungguek cijndaej haeuj ndaw sim vunz. Dangj raeuz vihmaz ndaej lingjdauj yinzminz youq mwh baez dem baez gouzra、baez dem baez bungzdaengz daemdengj、baez dem baez haivat baenaj guhbaenz gij yinvu gannanz hoeng doengh gij cwngci lizlieng wnq cix cungj mbouj gojnwngz guh ndaej daengz haenx，goekgaen dwg aeu itcig gaijfang swhsiengj、ciuq saedsaeh bae guh、caeuq seizdaih caez baenaj、gouz caen guh saed，itcig aeu gij yienzleix giekbonj Majgwzswh cujyi caeuq gij saedsaeh Cungguek dox giethab、caeuq gij conzdungj vwnzva maenhndei Cunghvaz dox giethab，dingjmaenh saedguh dwg gaiq biucinj dog bae gienjniemh caenleix, dingjmaenh yienghyiengh daj saedsaeh hwnjdin，gibseiz hoizdap gij vwndiz seizdaih、gij vwndiz yinzminz，mboujduenh doicaenh Majgwzswh cujyi habngamj Cungguek habngamj seizdaih. Siz Ginbingz dungzci vixok， ciengz boekbienq hungmbwk ndawbiengz aen Cungguek ciuhneix，mbouj dwg genjdanh ciepswnj gij yienghbanj goekdaej lizsij vwnzva guek raeuz， mbouj dwg genjdanh daepyungh gij yienghbanj boux cozgyah ginghdenj Majgwzswh cujyi neix siengj okdaeuj，mbouj dwg ciuq gij yienghbanj lingh aen guekgya hengzguh sevei cujyi caiq bae ciuq guh，hix mbouj dwg ciuq gij yienghbanj rog guek guh yendaiva. Cijaeu raeuz gamj bae giethab saedguh moq mboujduenh doicaenh cauhmoq lijlun、rox yungh lijlun moq bae cijdauj saedguh moq，couh itdingh ndaej hawj Majgwzswh cujyi youq gwnz dieg Cungguek yienh ok gij rengz caenleix engq maenh’ak、engq ndaej gangjfug vunz.

　　(Seiq) Dingj aeu doglaeb gag guhcawj. Doglaeb gag guhcawj dwg gij hoenz aen cingsaenz Cunghvaz Minzcuz，dwg aen yenzcwz youqgaenj raeuz laeb Dangj laeb guek. Byaij diuz roen bonjfaenh，dwg gij lizsij gietlwnh Dangj raeuz buekguh bak bi ndaej ok. Dangj raeuz soqlaiz dawzyungh doglaeb gag guhcawj hai roen baenaj，dingjmaenh guekgya caeuq minzcuz fatmaj cuengq youq giz goek rengz bonjfaenh，dawzdingh gij saehcingz Cungguek bietdingh aeu youz yinzminz Cungguek gag guh cawjcieng、gag cawqleix. Youq gwnz lizsij vunzloih，mbouj miz saek aen minzcuz、saek aen guekgya ndaej doenggvaq baengh rengz baihrog、ciuqyungh yienghbanj guek wnq、gaen youq baihlaeng bouxwnq yamq gaen yamq cix guh ndaej ak caeuq guh ndaej hoengh. Yienghneix guh ne, mboujdwg haengjdingh deng saetbaih, couhdwg bietdingh bienqbaenz bouxbengx lingh boux. Cijaeu raeuz dingj aeu doglaeb gag guhcawj、gag baengh rengz swhgeij，gawq hawsim hagsib ciqyungh gij gingniemh mizik rog guek，youh giendingh gag aeueiq gag saenq minzcuz raeuz，mbouj saenq gij yak、mbouj lau deng naenx，couh itdingh ndaej gaem gij minghyinh Cungguek hwngfat baenaj itcig youq ndaw fwngz bonjfaenh ndaetndwt bae.

　　（Haj）Dingj aeu diuz roen Cungguek. Fuengyiengq gietdingh roenloh，roenloh gietdingh minghyinh. Dangj raeuz buekguh bak bi itcig daj guekcingz raeuz bae naemj，damqra caemhcaiq cauxbaenz diuz roen cingqdeng hab gij saedsaeh Cungguek. Diuz roen sevei cujyi miz gij daegsaek Cungguek dwg diuz roen gvangq ndaej cauh ok saedceij gyaeundei hawj yinzminz、guhbaenz Cunghvaz Minzcuz fukhwng hungmbwk. Yamq youq diegdeih Cunghvaz，cienzciep vwnzmingz Cunghvaz，byaij diuz roen cingqdeng hab gij guekcingz Cungguek，Dangj caeuq yinzminz couh miz aen daizheiq gvangqlangh fouzbeij， miz gij lizsij neiyungz naekna fouzbeij， miz gij rengzdingh baenaj hung’ak fouzbeij. Cijaeu raeuz gawq mbouj byaij diuz roengaeuq fungsaek gyaengjgyat，hix mbouj byaij diuz roenloek gaijvuenh geizhauh， laemxsim mbouj bienq byaij diuz roen sevei cujyi miz gij daegsaek Cungguek，couh itdingh ndaej hawj guek raeuz baenz aen guekak yendaiva sevei cujyi fouqgiengz minzcuj vwnzmingz huzndei gyaeundei.

　　（Roek） Dingj aeu ndaw sim miz lajmbwn. Aen biengz gyaeundei， lajmbwn caezcaemh. Dangj itcig aeu yiengh lwgda yawj haeuj seiqgyaiq bae louzsim gij roennaj minghyinh vunzloih，daj aen cauzliuz hung vunzloih fatmaj、aen buenzmienh hung seiqgyaiq bienqvaq、gij lizsij hung Cungguek fatmaj bae cingqdeng nyinhrox caeuq cawqleix gij gvanhaeh guek caeuq guek， laebdaeb hailangh、mbouj guh fungsaek，laebdaeb guh daengz caez leih caez hingz、mbouj guh yiengh doxdax mbouj hingz couh saw， laebdaeb gaemdawz goengdauh、lai gangj cingqngeih，ndwn youq mbiengj lizsij cingqdeng，ndwn youq mbiengj vunzloih cinbu. Cijaeu raeuz itcig byaij diuz roen hozbingz fatmaj，gawq doenggvaq henhoh seiqgyaiq hozbingz hawj swhgeij fatmaj，youh doenggvaq bonjfaenh fatmaj henhoh seiqgyaiq hozbingz，caeuq gwnz seiqgyaiq sojmiz gij ligliengh baenaj fwngz gaem fwngz byaij baenaj，mbouj bengx bouxwnq，mbouj dued bouxwnq，ciengxlwenx mbouj guh vuengz，couh itdingh ndaej mboujduenh vih vunzloih vwnzmingz cinbu ok dungxcaiz caeuq goengrengz，caeuq gyoengqvunz seiqgyaiq gak guek itheij，caez gaex aen loekci lizsij hai hwnj diuz roen ronghsag daengzcog bae.

　　（Caet） Dingj aeu hailoh cauhmoq. Cauhmoq dwg gij doenghlig yungh mbouj liux ndaej nyoengx aen guekgya ndeu、aen minzcuz ndeu fatmaj baenaj. Saehnieb yied hungmbwk，loh cix yied nanz byaij yied miz yiemj lai， yied aeu raeuz haenqrengz buekguh, yied aeu hailoh cauhmoq. Dangj lingjdauj yinzminz vuet oen vuet em、gwnz laj ra roen、haenqrengz hai loh、laebsim baenaj， mboujduenh doinyoengx cauhmoq lijlun、cauhmoq guhsaeh、cauhmoq cidu、cauhmoq vwnzva caeuq cauhmoq gizyawz gak fuengmienh guh baenaj，gamj guh gij saeh vunz lajmbwn caengz guh gvaq，byaij ok le diuz roen vunz ciuhgonq caengz byaij gvaq，gijmaz gannanz yungyiemj cungj mbouj ndaej lanzdangj yamqdin Dangj caeuq yinzminz byaij baenaj. Cijaeu raeuz swnh cauzliuz seizdaih roemx bae，ciuq gij iugouz yinzminz bae guh，gamj bae doicaenh gaijgwz， cinjdeng rox bienq、gohyoz wngq bienq、gagrox gouz bienq，ciengxlwenx mbouj bienq gyaengj、ciengxlwenx mbouj dingznywngh，couh itdingh ndaej cauh ok gij saeh mbouj bingzciengz engq lai hawj vunzbiengz da biengj haenx.

　　（Bet） Dingj aeu gamj bae doucwngh. Gamj guh doucwngh、gamj bae hingz，dwg geu rengz hung’ak gij cingsaenz hawj Dangj caeuq yinzminz mbouj deng dwk roengz. Dangj caeuq yinzminz aeundaej sojmiz cingzcik， mbouj dwg gwnzmbwn doek roengzdaeuj，mbouj dwg bouxwnq lok hawj， cix dwg doenggvaq mboujduenh doucwngh aeundaej. Dangj youq mwh baihndaw luenh baihrog daeuj famh doekseng、youq mwh dwkhoenx muznanh hungmaj、youq mwh gungroengz hojnanz hungcoek，vihliux yinzminz、guekgya、minzcuz，vihliux lijsiengj saenqniemh，mboujlwnh vunzdig baenzlawz giengzak、roenloh baenzlawz gannanz yungyiemj、diuhcan baenzlawz yiemzhaenq，Dangj cungj dwg baenzbaenz mbouj yieplau、baenzbaenz mbouj doiqsuk，mbouj lau vutmingh、dai hix mbouj fug. Cijaeu raeuz dawzndei gij lizsij daegdiemj aen doucwngh hungmbwk moq，ca ndaej caeuq yungh ndei aen seizgei lizsij，sien roengz lwggeiz byaij gonq， dawzmaenh gij cingsaenz doucwngh，dem’ak gij bonjsaeh doucwngh， comzgiet gij eiqceiq caeuq rengzlig daengx Dangj daengx guek yinzminz， couh itdingh hingz ndaej cienzbouh gij fungyiemj diuhcan liuh daengz caeuq nanz liuh daengz haenx.

　　（Gouj）Dingjmaenh dungjyiz cansen. Doxgiet ok rengz laux. Laebhwnj diuz dungjyiz cansen ceiq gvangqlangh，dwg aen fapbauj youqgaenj ndaej hawj Dangj raeuz hoenx hingz vunzdig，hix dwg aen fapbauj youqgaenj ndaej hawj Dangj gaemgienz hwng guek. Dangj itcig dawzmaenh daih doxgiet daih lienzhab，comzgiet gij goengrengz raeuz ndaej comzgiet，leihyungh gij yinhsu ndei raeuz raeuz ndaej leihyungh，coihawj gij gvanhaeh cwngdangj、gvanhaeh minzcuz、gvanhaeh cunghgyau、gvanhaeh gaihcwngz、gvanhaeh gyoengq beixnuengx ndaw guek rog guek huzndei，daengzdaej gietcomz gij rengzlig doengzcaez buekguh. Cijaeu raeuz mboujduenh gyamaenh caeuq hwngfat gak minzcuz daih doxgiet、daengx guek yinzminz daih doxgiet、daengxcungq lwglan Cunghvaz daih doxgiet，seizseiz geiqmaenh caezgya doengzcaemh Cunghvaz Minzcuz，cauxbaenz aen yiengh hawj daengxcungq lwglan Cunghvaz ndaw guek rog guek sim coh giz ndeu siengj、rengz coh giz ndeu yungh，couh itdingh ndaej gyonjcomz baenz gij rengzhung hungloet guhbaenz Cunghvaz Minzcuz fukhwng hungmbwk.

　　（Cib）Dingjmaenh gag gaij bienq ndei. Gamj gag gaij bienq ndei，neix dwg Cunghgoz Gungcanjdangj caeuq gij cwngdangj wnq giz ceiq mbouj doengz ndeu. Gij cingsaenz gag gaij bienq ndei dwg yiengh daemxcengj maenh’ak hawj Dangj raeuz ciengxlwenx nienzoiq miz rengzhoengh. Aen cwngdangj Majgwzswh cujyi senhcin mbouj dwg gag baenz，cix dwg baez youh baez gag gaij bienq ndei lienh baenz. Dangj ginglig bak bi daih bienq engq miz rengzhoengh，diuz fagseiz couh dwg itcig dawzmaenh caenleix、coihcingq loengloek. Dangj raeuz hungmbwk mbouj dwg mbouj famh loengloek，cix dwg gamj nyinh gamj gaij，lailai guh baebingz caeuq gag baebingz bonjfaenh，gamj nyinhcaen doiqdaih vwndiz，gamj bae gag gaij bienq ndei. Cijaeu raeuz mboujduenh cawzseuq sojmiz gij yinhsu sonjhaih Dangj raeuz senhcin caeuq seuqcingh，lienzdaemh cawzseuq sojmiz gij binghdoeg guh naeuh Dangj raeuz，couh itdingh ndaej saedbauj Dangj raeuz mbouj nduk、mbouj naeuh、mbouj bienq，saedbauj Dangj youq gwnz roen lizsij baenaj seizdaih moq dingjmaenh caeuq hwngfat yiengh sevei cujyi miz gij daegsaek Cungguek ndaej itcig guhgoek lingjdauj.

　　Cib aen fuengmienh gwnzneix, dwg gij gingniemh dijbauj ginggvaq ciengzgeiz bae guh cwkrom cij ndaej, dwg gij cingsaenz caizfouq Dangj caeuq yinzminz doengzcaez cauh ndaej, itdingh aeu gyaboix insik、ciengzgeiz gaemmaenh, caemhcaiq youq ndaw gij saedguh seizdaih moq mboujduenh bae demlai caeuq hwngfat.

　　Caet、Aen Cunghgoz Gungcanjdangj Seizdaih Moq

　　Mbouj lumz simnduj，cij ndaej daengz byai. Cunghgoz Gungcanjdangj laebceiq guh gij saehnieb hungmbwk cien bi Cunghvaz Minzcuz, bak bi ngamj doiq seiz hoengh. Bak bi gvaqbae neix, Dangj yiengq yinzminz、yiengq lizsij gyau ok faenh dapgienj gig ndei ndeu. Seizneix, Dangj comzgiet daiqlingx yinzminz Cungguek youh yamq hwnj diuz roen ganjgauj moq guhbaenz gij moegbiu buekguh aen bak bi daihngeih. Seizdaih dwg boux ok gienj，raeuz dwg boux dapgienj，yinzminz dwg boux yawj gienj. Raeuz itdingh aeu laebdaeb gauj ok cingzcik ndei，youq seizdaih moq youq gwnz roen baenaj moq yienh ok yienghsiengq moq cingzcik moq.

　　Cibgouj Daih Dangj raeuz doiq guhbaenz gij moegbiu buekguh aen bak bi daihngeih guh ok yiengh canloz anbaiz faen song duenh doi baenaj. Daj 2020 nienz daengz 2035 nienz daihdaej guhbaenz yiengh yendaiva sevei cujyi， daj 2035 nienz daengz duenhgyang aen sigij neix dawz guek raeuz hwnqbaenz aen guekak yendaiva sevei cujyi. Daengz seizhaenx，gij vuzciz vwnzmingz、cwngci vwnzmingz、cingsaenz vwnzmingz、sevei vwnzmingz、swnghdai vwnzmingz guek raeuz yaek daezswng dohcaez，guh daengz aen dijhi ceihleix caeuq gij naengzlig ceihleix guekgya hab yienhdaih aeuyungh，bienqbaenz aen guekgya gij saedlig cunghab caeuq gij rengz yingjyangj cungj ak gvaq guek wnq，daihdaej guhdaengz daengxcungq yinzminz doengzcaez fouqmiz，yinzminz guek raeuz yaek gvaq hwnj cungj saedceij engqgya vuenyungz an’onj，Cunghvaz Minzcuz yaek aeu cungj yienghsiengq engqgya haenqheiq baenaj haenx daengj sang youq ndaw gyang seiqgyaiq minzcuz.

　　Ngoenzneix，raeuz beij gwnz lizsij aen seizgeiz lawz cungj engq depgyawj、engq miz saenqsim caeuq naengzlig guhbaenz aen moegbiu Cunghvaz Minzcuz fukhwng hungmbwk. Doengzseiz，daengx Dangj itdingh aeu singjsag rox daengz，Cunghvaz Minzcuz fukhwng hungmbwk, baenzmaz cungj mbouj dwg soengsoeng sese、roq gyong roq laz couh ndaej guhbaenz, gwnz roen baenaj vanzlij miz gak cungj fungyiemj diuhcan liuh ndaej daengz caeuq nanz liuh daengz；itdingh aeu singjsag rox daengz，guek raeuz ciuqyiengh lij cawqyouq caemhcaiq yaek ciengzgeiz cawqyouq duenh cogaep sevei cujyi，guek raeuz ciuqyiengh lij dwg aen guekgya cingq fazcanj ceiq hung gwnz seiqgyaiq，yiengh doxdawz youqgaenj ndawbiengz seizdaih moq guek raeuz dwg yiengh aeuyungh saedceij gyaeundei yinzminz ngoenz beij ngoenz demmaj caeuq yiengh hwngfat mbouj doxdaengh mbouj cukgaeuq doxdawz. Daengx Dangj aeu geiqmaenh Cunghgoz Gungcanjdangj dwg gijmaz、yaek guh gijmaz aen vwndiz gaenbonj neix, gaemdawz gij byaijyiengq lizsij fazcanj, roengzmaenh lijsiengj saenqniemh, rapmaenh diuz rap dawznduj, seizseiz giemhaw siujsim、mbouj dasang simgaenj、ganhoj haenqrengz guh, daj ndaw ndaejhingz hungmbwk gik hwnj gij rengz buekguh baenaj, daj ndaw roen ngutngeuj ndaemdengj supaeu gij gyauyin lizsij, mbouj deng gijmaz fungyiemj haep lau, mbouj deng gijmaz gauxca maezluenh, baenzlawz cungj mbouj ndaej youq gwnz gij vwndiz na goek nangq rag de ok yiengh loengloek deng boek deng fan, aeu gij cingsaenz haeb maenh cix mbouj soeng bak bae baedrengz guhbaenz aen moegbiu gaenq dingh, aeu yiengh singjsag gyoengq vunz caez byaij bak leix loh buenqsoq goujcib cix yo din neix laebdaeb roengzrengz bae doihaeuj Cunghvaz Minzcuz fukhwng hungmbwk.

　　Daengx Dangj itdingh aeu dawzmaenh Majgwzswh Lezningz Cujyi、Mauz Cwzdungh Swhsiengj、Dwng Siujbingz Lijlun、“Sam Aen Daibyauj” Cungyau Swhsiengj、Gohyoz Fazcanjgvanh, dohdaengz gvancez Aen Swhsiengj Sevei Cujyi Miz Gij Daegsaek Cungguek Seizdaih Moq Siz Ginbingz, yungh gij laebciengz、yawjfap、fuengfap Majgwzswh cujyi bae cazyawj seizdaih、gaemdawz seizdaih、dazyinx seizdaih, mboujduenh gyalaeg nyinhrox gij gvilwd Gungcanjdangj gaemgienz、gij gvilwd hwnqguh sevei cujyi、gij gvilwd aen biengz vunzloih hwngfat. Itdingh aeu gaemmaenh aen lijlun giekbonj、diuz lusen giekbonj、aen fanghloz giekbonj Dangj raeuz, gyarengz guh daengz “seiq rox”, dawzdingh “seiq aen gagsaenq”, guhdaengz “song aen henhoh”, seizseiz daj doengbuenz bae ngeixnaemj baenzroix bae ngeixnaemj, dungjcouz doihaeuj aen baijbouh daengxbuenz “haj yiengh gap baenz aen”, doxdaengh doihaeuj yiengh baijbouh daengxbuenz “seiq aen cienzmienh” , ndwn youq duenh hwngfat moq、gvancez yiengh hwngfat leixniemh moq、cauhlaeb yiengh hwngfat gvaengxgyaq moq、doinyoengx yiengh hwngfat caetliengh sang, cienzmienh gyalaeg gaijgwz hailangh, coihawj doengzcaez fouqmiz, doihawj gohgi gag cauh gag ak, hawj yinzminz minzcuj ronzdoeng goekbyai, baujcingq yinzminz danggya guhcawj, dingjmaenh cienzmienh ciuqfap guenj guek, dingjmaenh aen hwzsinh gyaciz dijhi sevei cujyi, dingjmaenh youq mwh hwngfat baujcang caeuq gaijndei gij gwndaenj beksingq, dingjmaenh vunz caeuq swyenz doxhuz caemhyouq, doengbuenz maeuzveh hwngfat caeuq ancienz, gyavaiq guh hawj gozfangz caeuq bingdoih gaen hwnj ciuhneix, gaprengz doihaeuj yinzminz fouqmiz、guekgya hoengh’ak、Cungguek gyaeundei.

　　Daengx Dangj itdingh aeu ciengxlwenx baujciz caeuq yinzminz ginzcung gaenjmaed lienzhaeh, ndwn maenh youq baih yinzminz，dingjmaenh aeu yinzminz guhgoek，yawjnaek gij cingsaenz cauhmoq baeznduj yinzminz， hengzguh aen swhsiengj hwngfat aeu yinzminz guh cungsim, henhoh ndawbiengz goengbingz cingqngeih，lai comzrengz gaijgez gij vwndiz hwngfat mbouj bingzyaenx mbouj cungfaen caeuq gij vwndiz yinzminz ginzcung gip hoj you muengh gaijgez haenx， mboujduenh guh ndei、hen ndei、hwngfat ndei gij leih’ik goekdaeuz gyoengq yinzminz ceiq lai, comzgiet daiqlingx daengx guek gak cuz yinzminz mboujduenh vih saedceij gyaeundei bae haenqrengz buekguh.

　　Daengx Dangj itdingh aeu geiqmaenh haemzhoj huxhaih hawj vunz ndaej lix、cwxcaih yiengjlag hawj vunz deng mied, naemj bae gyaeraez、youq onj ngeix nanh, laebdaeb doihaeuj hangh gunghcwngz hungmbwk moq youq seizdaih moq dajcauh aen Dangj, dingjmaenh dohdaengz yiemzhaenq guenj Dangj, giendingh mbouj bienq doihaeuj gaiq hong dangjfungh lenzcwng gensez caeuq fanj nduknaeuh doucwngh, gamj najdoiq doengh gij gaujniemh ciengzgeiz gaemgienz、gaijgwz hailangh、hawciengz ginghci、vanzging baihrog Dangj raeuz bungzdaengz，laemxsim dwkhingz doengh gij yungyiemj cingsaenz soengse、bonjsaeh mbouj gaeuq、mbouj caeuq vunzlai caemh youq、nduknaeuh naiqheiq. Itdingh aeu seizseiz miz yiengh ceiqheiq yinghyungz yied nanz yied yiemj yied aeu guh baenaj，gamj dwkhoenx、rox dwkhoenx， raen bya hai roen、bungz raemx dap giuz，guhdaengz nanz mbouj daengz、at mbouj baih, doinyoengx aen ruz yiengh saehnieb sevei cujyi miz gij daegsaek Cungguek cung gvaq langh hung、itloh roemx baenaj.

　　Gij saehnieb Dangj caeuq yinzminz hwngfat，yaek aeu daih dem daih vunz Cunghgoz Gungcanjdangj bae lienzdaemh buekguh，bietdingh aeu guhndei hangh hong goekganq miz vunz swnjlaeng neix. Aeu itcig yungh Aen Swhsiengj Sevei Cujyi Miz Gij Daegsaek Cungguek Seizdaih Moq Siz Ginbingz bae son vunz gyauq vunz，yungh gij lijsiengj saenqniemh Dangj raeuz bae comz vunz，yungh gij hwzsinh gyacizgvanh sevei cujyi bae ganq vunz，yungh diuzrap aeu guhbaenz Cunghvaz Minzcuz fukhwng hungmbwk bae coi vunz，yienghneix bae ganq baenz daihbuek bouxswnjlaeng dawz ndaej rapnaek seizdaih haenx. Aeu mbouj dingz mbouj duenh bae gungganq genjleh gyoengq ganbu ciennieb youh suciz sang daegbied dwg gij ganbu bouxcoz maenhndei aeu simsoh miz dungxcaiz youh caenhsim fwngzseuq gamj dawzrap，son’gyauq dazyinx guengjdaih dangjyenz、ganbu gagrox bae guh boux saenq dingh caeuq boux caen guh Aen Swhsiengj Sevei Cujyi Miz Gij Daegsaek Cungguek Seizdaih Moq Siz Ginbingz，geiqmaenh aen dauhleix gangjndwi vaih guek、saed guh hwng biengz，laebhwnj yiengh gya guek cingzngeih doiq ndaej hwnj yinzminz、gyaepgouz swhsiengj ginggai sangndei、dem’ak bonjlingx ndaej dangrap. Aeu mbouj dingz mbouj duenh sou doengh boux senhcin gak hangz daegbied dwg gij bouxcoz maenhndei haeuj ndaw Dangj daeuj，son’gyauq dazyinx gyoengq dangjyenz bouxcoz ciengxlwenx riengz geizhauh Dangj raeuz、riengz fuengyiengq Dangj raeuz、riengz eiqceiq Dangj raeuz bae guh，lienzciep meglwed nding Dangj raeuz，daih cienz gij conzdungj maenhndei Dangj raeuz，youq mwh dwkhoenx bae souh fwnrumz、raen seiqmienh、cangq ndokndang、dem dungxcaiz. Aeu mbouj dingz mbouj duenh bae ganq ok gij vunzcaiz maenhndei gyaez guekgya、maij ok rengz、gamj cauhmoq，caensim gyaez vunzcaiz、caenhsim ganq vunzcaiz、naebsim yungh vunzcaiz， hawj gij vunzcaiz maenhndei gizneix gizhaenx comz daengz ndaw buekguh hungmbwk Dangj caeuq yinzminz daeuj.

　　Dangjcunghyangh iuheuh, daengx Dangj daengx ginh daengx guek gak cuz yinzminz aeu engqgya gaenjmaed doxgiet youq seiqhenz aen Dangjcunghyangh aeu Siz Ginbingz dungzci guhgoek haenx, dohdaengz gvancez Aen Swhsiengj Sevei Cujyi Miz Gij Daegsaek Cungguek Seizdaih Moq Siz Ginbingz, haenqrengz hungzyangz gij cingsaenz laeb Dangj hungmbwk, gaej lumz gij haemzhoj ronghsag seizgonq, daengh ndaej hwnj diuz rap gwnz mbaq seizneix, doiq ndaej hwnj aen loqsiengj hungmbwk seizlaeng, aeu lizsij daeuj daezsingj、haicauh daengzcog, ngaemgyaeuj haenqguh、daihdamj baenaj, vih guhbaenz aen moegbiu buekguh aen bak bi daihngeih、guhbaenz aen loqsiengj Cungguek Cunghvaz Minzcuz fukhwng hungmbwk buekguh mboujdingz. Raeuz gig saenq, Cunghgoz Gungcanjdangj caeuq yinzminz Cungguek youq bak bi gonq ndaejhingz hungmbwk caeuq miznaj raixcaix, bietdingh yaek youq seizdaih moq gwnz roen moq ndaejhingz engqgya hungmbwk caeuq engqgya miznaj raixcaix!

编辑：黄云